Números 23:19 - Chayahuita (Shahui)

¹⁹ Yosëso co canpoa pochinhuëꞌ. Co nisha nisha nonaton nonpininhuëꞌ. Maꞌsona topachina, inachachin nisarin. Catahuatacaso shaꞌhuihuachina, catahuatërin.

Números 23:19 ပူးပေါင်းရင်းမြစ်များ

Génesis 26:3

Ipora marësoꞌ, iso noꞌpaquë yaꞌhuëtacoꞌ. Carinquën caꞌtanatënquën catahuararanquën. Yaꞌipi iso noꞌpaꞌ, carinquën quëtaranquën. Shiparinpitantaꞌ, ina chachin quëtarahuë. Tataparin Apraan nani shaꞌhuitërahuë niꞌton, quëtaranquëmaꞌ.

Génesis 28:15

Niꞌquëꞌ. Carinquën caꞌtanaranquën. Intópanta paꞌpatan, carinquën aꞌpaiaranquën. Carinquën chachin iso noꞌpaquë quënantaranquën. Co onporonta pataranquënhuëꞌ, yaꞌipi shaꞌhuitëranquënsoꞌ naniquë huarëꞌ catahuararanquën,” itërin.

2 Reyes 7:2

Napohuachina, copirno catahuarinso huaꞌani, Irisio aꞌpaniton itapon: —Sinioro inápaquë huintanaroꞌsa iꞌsoatopirinhuë tërantaꞌ, co naporanso chachin nisarinhuëꞌ, itërin. Napopirinhuëꞌ, Irisiori shaꞌhuitërin: “Quëmanta mini niꞌsaran. Napoaponahuëꞌ, co ina caꞌsaranhuëꞌ,” itërin.

Salmos 110:4

Yosë chachin nani shaꞌhuitërinquën: “Caso Yosëco niꞌto, noꞌtëquën shaꞌhuitaranquën: Quëmasoꞌ noya noya corto huaꞌan acoaranquën. Miriquiso pochin nisaran. Co onporonta pipiaranhuëꞌ,” itërinquën.

Salmos 89:34

Inaroꞌco anoyatërahuësoꞌ, yonquirápo. Nani nonahuë niꞌton, inachachin nisápon.

Salmos 89:35

Caso noyasáchin nicato naporahuë: Yosëco niꞌto, noꞌtëquën Tapi shaꞌhuitërahuë. Napoaton co nonpintarahuëꞌ.

Isaías 31:2

Co chinotopiramahuëꞌ, inaso yonquínahuan niꞌton, maꞌsha onpotiinquëmasoꞌ nitotërin. Maꞌsona nicacasoꞌ shaꞌhuihuachina, ina inachachin nisarin. Inasoꞌ, co noyahuëꞌ nipisopita ataꞌhuantapon. Inapita catahuapisopitantaꞌ, inapotapon.

Isaías 40:8

Panpatorosoꞌ, yaniconin. Yancoroꞌsanta ahuiconin. Sinioro nanamënso napoaponahuëꞌ, yaꞌhuëmiatarin, tëquëꞌ,” itërinco.

Isaías 46:11

Piꞌi pipirinso parti aꞌnara quëmapi yaꞌhuëapon. Tahuëri nanihuachin, përápato huëꞌsarin. Inasoꞌ huëꞌpachin, panca onian áquë quëran huëꞌsarinso pochin nisarin. Yaꞌipi yonquirahuësopita inari nicapon. Maꞌsona nicaꞌhuasoꞌ nani yonquirahuë. Yonquirahuëso chachin yaꞌhuëapon.

Isaías 55:11

Inapochachin nonahuësontaꞌ, co topinan caquë huënantarinhuëꞌ. Inasoꞌ, ca nohuantërahuëso nisarin. Maꞌsona camairahuëso nisarin.

Daniel 4:28

Naniriri shaꞌhuitërinso chachin Napocotono ninin.

Oseas 11:9

Paꞌpi noꞌhuitopirahuë mini, ahuantarahuë. Inapoato co ataꞌhuantantaponquëmahuëꞌ. Caso Yosëco. Co piyapicohuëꞌ. Noyasáchin nicato canpita huáncana nisarahuë. Co ataꞌhuantaꞌhuanquëmaso marëhuëꞌ, oꞌmarahuë,” tënin.

Miqueas 7:20

Shimashonëhuëpita Apraan, Cacopo, inapita shaꞌhuitëran: ‘Shiparimapita nosoromiatato, co aꞌpoarahuëꞌ,’ itëran iráca. ¡Napotëranso chachin nicaton, nosorocoi!” itërahuë.

Habacuc 2:3

Shaꞌhuitaranquënsopitasoꞌ, co apiramiachin naniarinhuëꞌ. Napoaponahuë onpopionta nanipon. Huaꞌquiarin pochin nipirinhuëntaꞌ, ninaquëꞌ. Tahuërinën nanihuachin, nanipon.

Malaquías 3:6

Naquëranchin Sinioro israiroꞌsanquëma nontatënquëmaꞌ: “Caso Sinioroco niꞌto, co nishatërahuëꞌ. Napoaton canpitaso Cacopo quëran pipiramasopita, co ataꞌhuantëranquëmahuëꞌ.

Números 14:35

Ca Sinioroco noꞌtëquën shaꞌhuitaranquëmaꞌ. Ina pochin mini co noyahuëꞌ cancantopisopita, anaꞌintarahuë. Iso inotëro parti napopináchin yonquiatomaꞌ, co yanatëramacohuë niꞌton, isëquë chachin taquiapomaꞌ,” itërin.

Números 23:18

Itohuachina, Paramosoꞌ Yosëri anitotërinsoꞌ, shaꞌhuiaantarin: “Paraco, quëmasoꞌ Sipor huiꞌninquën. Noya natanquë shaꞌhuichinquën:

Lucas 21:33

Isoroꞌpaꞌ taꞌhuantarin. Piꞌiroꞌtëntaꞌ taꞌhuantarin. Ca nanamëhuëso nipirinhuëꞌ co onporontaꞌ taꞌhuantarinhuëꞌ. Noꞌtëquën nonahuë niꞌton, yaꞌipiya shaꞌhuitëranquëmaso chachin naniarin.

Romanos 11:29

Nani Yosëri shaꞌhuitohuachin, inachachin nisarin. Co onporontaꞌ nisha nontarinhuëꞌ. Huëntonënquë ayaꞌconpachin, co onporontaꞌ naniantarinhuëꞌ.

Romanos 9:6

Naꞌcon nitotaponaraihuëꞌ, notohuaroꞌ israiroꞌsaꞌ co Yosë natëpihuëꞌ. Napoaponahuëꞌ, Yosëri co topinan quëran shaꞌhuitërinhuëꞌ nichaꞌëcaso marëꞌ. Co yaꞌipi israiroꞌsaꞌ piyapinënpita pochin niꞌninhuëꞌ.

2 Timoteo 2:13

Co noꞌtëquënáchin imapirëhuahuëꞌ, inasoꞌ noꞌtëquën nontërinpoaꞌ niꞌton, noya aꞌpaiarinpoaꞌ. Nani shaꞌhuitërinpoaꞌ niꞌton, co nanitërinhuëꞌ nonpintinpoasoꞌ. Co onporontaꞌ nisha cancantarinhuëꞌ.

Tito 1:2

Quisocristo imapatëhuaꞌ, aꞌna tahuëri inápaquë quëpantarinpoaꞌ. Yaꞌhuërinꞌpaꞌ yaꞌhuëmiatarihuaꞌ. “Ananpitaantarinpoaꞌ,” taꞌtëhuaꞌ, ina ninarëhuaꞌ. Yosë iráca coꞌhuara isoroꞌpaꞌ acoyátërasohuëꞌ, ninotonpoaꞌ yonquirinpoaꞌ. Inasoꞌ co onporontaꞌ nonpintërinpoahuëꞌ.

Hebreos 6:18

Yosë chachin shaꞌhuitërinpoaꞌ. Naporahuaton “Casoꞌ Yosëco niꞌto, noꞌtëquën nontëranquëmaꞌ,” itomantarinpoaꞌ. Napoaton co onporontaꞌ nonpintarinpoahuëꞌ. Co piꞌpian tërantaꞌ nishataponhuëꞌ, tënëhuaꞌ. Ina yonquiatëhuaꞌ, chiníquën cancantahuaꞌ. Iráca Yosëíchin imarëhuaꞌ catahuainpoaso marëꞌ. “Nichaꞌësarinpoaꞌ,” taꞌtëhuaꞌ, yaꞌipi cancanënpoa quëran imahuaꞌ.

Santiago 1:17

Yosësoꞌ noyasáchin yonquirinpoaꞌ. Noya noya cancantacaso marëꞌ catahuarinpoaꞌ. Inasáchin noya aꞌpintërinpoaꞌ noꞌtëquën yonquicaso marëꞌ. Piꞌi, yoqui, tayora, inapita inari acopirinhuëꞌ, co yaꞌipi tahuëri noya aꞌpininhuëꞌ. Aꞌna tashintaꞌ co mantaꞌ aꞌpininhuëꞌ. Yosëso nipirinhuëꞌ co ina pochin nininhuëꞌ. Nani tahuëriya nosoroatonpoaꞌ, catahuarinpoaꞌ.

Santiago 4:5

Yosë quiricanën quëran shaꞌhuitërinpoaꞌ. “Ispirito Santo ayaꞌcoancantërinpoaꞌ. Yaꞌcoancantohuachinpoaꞌ, apirarinpoaꞌ Yosëíchin paꞌyatacaso marëꞌ,” tënin. Co topinan quëran naporinhuëꞌ.

1 Samuel 15:29

Yosëso noya noya niꞌton, israiroꞌsanpoa chinotërëhuaꞌ. Co inaso nonpininhuëꞌ. Maꞌsona nicacaso yonquirinsoꞌ, noꞌtëquën nisarin. Inaso co piyapihuë niꞌton, co nisha nisha yonquirinhuëꞌ, itërin.

1 Samuel 3:12

Naporo tahuëri chachin Iri napotërahuësoꞌ, naniarin. Nani ina, huiꞌninpitarë chachin maꞌsona onpotaꞌhuasoꞌ shaꞌhuitërahuë.