Números 23:13 - Chayahuita (Shahui)

¹³ —Huëquë nipachin niquëꞌpaꞌ quëpantaꞌinquën. Ina quëransoꞌ, israiroꞌsa yaꞌhuëpiso co yaꞌipi niꞌsaranhuëꞌ. Caraíchin nëꞌmëtë pëiroꞌsa intonquë yaꞌhuërinsopitaráchin niꞌsaran. Ina quëran nocorahuaton, ama huachi noya yaꞌhuëcaiso marëhuëꞌ shaꞌhuitëquëꞌ, itërin.

Números 23:13 ပူးပေါင်းရင်းမြစ်များ

Miqueas 6:5

Canpitaso piyapinëhuëpitanquëmaꞌ. Moapo copirno Paraco itopisoꞌ naporinso yonquicoꞌ. Paramo ama huachi noya yaꞌhuëcamaso marëhuëꞌ, shaꞌhuitiinquëmaso marëꞌ yapahuërërinsoꞌ, yonquicoꞌ. Inapotopirinhuëꞌ, ca nohuanton Paramori shaꞌhuitërinsontaꞌ, yonquicoꞌ. Shimashonëmapita Sitin quëran pipirahuatonaꞌ, Quiricaroquë canconacaiso marëꞌ napopisontaꞌ, yonquiricoꞌ. Cortaniiꞌ ayanirahuëtaquëchin pëntonatonaꞌ, paꞌpi canatopisopita pochin nipisoꞌ yonquicoꞌ,” itërinpoaꞌ.

Números 22:41

Tahuëririnquë Paracosoꞌ, Paramo yonisahuaton, Pamoto-Paaro motopiꞌpaꞌ quëpantarin. Ina quëran nocotahuaton, israiroꞌsa yaꞌhuëpiso intonquë, nëꞌmëtë pëiroꞌsa quënanin.

Números 22:6

Chini chiníquënoꞌsa niꞌton, maꞌshátërahuë quiyasoꞌ canaponacoi. Napoaton aꞌnaroáchin huëcaton, ama huachi noya yaꞌhuëcaiso marëhuëꞌ quëmari shaꞌhuitiiquëꞌ. Quëmasoꞌ noya yaꞌhuëcaiso marëꞌ shaꞌhuitohuatana, ina inachachin ninin. Naporahuaton ama huachi noya yaꞌhuëcaiso marëhuëꞌ shaꞌhuitohuatanantaꞌ, ina inachachin ninin. Quëmari inapotohuatan, tapona minsërahuatoi, yaꞌhuërai quëran yaaꞌparai,” itocoꞌ, itërin.

Números 23:12

—Coꞌtana nani shaꞌhuitëranquën. Sinioro anitotërincosoráchin nonsarahuë. Co caora nohuanto maꞌsha taꞌcahuasoꞌ nanitërahuëꞌ, itërin Paramori.

Números 23:14

Ina tosahuaton, Pisca motopi huiꞌnimotënquë Paramo quëparin. Sohuimo noya roꞌtë itopiquë quëparin. Inaquë canchisë artaro ninin. Aꞌnaya aꞌnaya artaroquë aꞌnara toroaꞌhua, aꞌnara carniro, inapita tëparinsoꞌ acorin.

Josué 24:9

Sipor huiꞌnin Paraco itopisonta piyapinënpitarë chachin chinitërinënquëmaꞌ. Canainënquëmaso marëꞌ, inaso Pioro huiꞌnin Paramo itopiso amatërin: ‘Huëcaton, ama huachi noya yaꞌhuëcaiso marëhuëꞌ shaꞌhuitiiquëꞌ,’ itacaso marëꞌ amatërin.