Números 23:10 - Chayahuita (Shahui)

¹⁰ Amocan tomontërinso pochin, co onpo pichichináchinhuëꞌ naꞌapi. Onposo yaꞌhuëpisoꞌ, co insonta nitotërinhuëꞌ. Inahuaso noyasáchin nipi niꞌton, noyasha chiminaponaꞌ. Inahua pochin cantaꞌ, chiminahuë naporini, noya noya cancanchitohuëꞌ, tënahuë,” itërin.

Números 23:10 ပူးပေါင်းရင်းမြစ်များ

Génesis 13:16

Ca nohuanto shiparinpita paꞌpi notohuaroꞌ naꞌamiataponaꞌ. Moꞌshi co pichicasohuëꞌ ninin. Inapochachin shiparinpitanta co onpo pichicasohuëꞌ naꞌaponaꞌ.

Génesis 22:17

Noya nicatënquën catahuamiataranquën. Ca nohuanto shiparinpita, tayoraroꞌsa nápo naꞌaponaꞌ. Marë yonsanquë inotëraꞌhuaya nápo, naꞌamiataponaꞌ. Naporahuaton, inapitaso inimiconëna minsëraꞌpiaponaꞌ.

Génesis 28:14

Ca nohuanto shiparinpita naꞌamiataponaꞌ. Moꞌshi pochin naꞌaponaꞌ. Norti parti, sor parti, piꞌi pipirinso parti, piꞌi yaꞌconiniso parti, yaꞌipi inapita parti huaꞌanëntaponaꞌ. Quëmá quëran, yaꞌipi piyapiꞌsa nisha nisha nipisopita catahuararahuë. Shiparinpita quëraonta inapotarahuë.

Salmos 116:15

Sinioro nosororëhuasopita yachiminpatëhuaꞌ, inaso co noyahuëꞌ cancantërin.

Salmos 37:37

Noya nicaton noꞌtëquënáchin imarinsoꞌ, niꞌquëꞌ. Inasoꞌ co paꞌyan paꞌyan tëcatonhuëꞌ, sano cancantapon.

2 Corintios 5:1

Niꞌcoꞌ. Pëiꞌ nëꞌmëtë quëran nipachinara, co huaꞌquirinhuëꞌ. Inapochachin nonënpoantaꞌ co yaꞌhuëmiatarinhuëꞌ. Chiminpatëhuaꞌ, Yosëꞌpaꞌ paꞌpatëhuaꞌ, nasha nonënpoaꞌ Yosë quëtarinpoaꞌ. Noya noya nininsoꞌ quëtarinpoaꞌ. Inasoꞌ co onporontaꞌ chanatarinhuëꞌ.

Apocalipsis 14:13

Ina quëran inápa quëran noninsoꞌ natanahuë: —Apira shaꞌhuichinquën ninshitëquëꞌ: Insosona Sinioro imarinso marëꞌ chiminpachina, noya cancanchinaꞌ, tënin. Ina quëran Ispirito Santo tapon: —Tëhuënchachin Yosëꞌpaꞌ paꞌpachinaꞌ, chinotapi. Yosë marëꞌ sacatopi niꞌton, inápaquë canapi huachi, tënin.