Números 23:1 - Chayahuita (Shahui)

¹ Ina quëran Paramori Paraco itapon: —Isëquë chachin canchisë artaro nitoco. Inaquë ahuiquitacaso marëntaꞌ, canchisë toroaꞌhua, canchisë carniro, inapita quëquëꞌ, itërin.

Números 23:1 ပူးပေါင်းရင်းမြစ်များ

2 Reyes 18:22

Naporahuaton: ‘Sinioroso Yosënëhuëi niꞌton, ina catahuaponcoi,’ tënamaꞌ. Iráca canpitasoꞌ, itohua itohua ina Yosë chinotamaso marëꞌ artaroroꞌsa yaꞌhuëtërinquëmaꞌ. Isiquiasëso nipirinhuëꞌ, ina artaroroꞌsa ayatëraꞌpiarin. Naporahuaton yaꞌipi Quirosarinquë yaꞌhuëramasopita, ‘iso ninanoquë artaro yaꞌhuërin. Isëquëáchin Sinioro chinotocoꞌ,’ itërinquëmaꞌ. Yaꞌipi Cota huëntonquë yaꞌhuëpisopitantaꞌ, ina chachin camairin.

Copo naporinso' 42:8

Noꞌhuiranquëmasoꞌ sanocaꞌhuaso marëꞌ, isopocoꞌ: Canchisë toro, nápo chachin carnironta quëpatomaꞌ, Copo niꞌconcoꞌ. Inari canpita marëꞌ inapita tëparahuaton yaꞌipi ahuiquitapon. Inapotahuaton canpita marëꞌ nontarinco. Nontohuachinco, noya natanahuato co maꞌsha onpotaranquëmahuëꞌ. Co noꞌtëquën yonquirapitomacohuëꞌ Copo shaꞌhuitëramaso marëꞌ, naꞌinamaꞌ. Napopiramahuëꞌ, co maꞌsha onpotaranquëmahuëꞌ. Coposoꞌ, noꞌtëquën yonquiarapitonco shaꞌhuirin,” itërin.

Éxodo 20:24

Chinotamacoso marëꞌ artaro yanipatamaꞌ, noꞌpa quëran nicoꞌ. Inaquë oshanëma marëꞌ pëꞌtahuanëmaꞌ tëparamasoꞌ, yaꞌipi ahuiquitocoꞌ. Nanan anoyatërëhuaso marënta tëparamasoꞌ, inaquë chachin piꞌpian ahuiquitocoꞌ. Insëquësona chinotamacoso huayonahuëquë inapohuatamaꞌ, noya niꞌsaranquëmaꞌ. Oꞌmarahuato, nani maꞌsha ninamaquë catahuamiataranquëmaꞌ.

Proverbios 15:8

Co noyahuëꞌ nipisopita Yosë marëꞌ maꞌsha acopisoꞌ, Yosëri co noyahuëꞌ niꞌsarin. Noya nipisopitari nontohuachinasoꞌ, noya natanaton catahuarin.

Ezequiel 33:31

Ninapotatonaꞌ, huëcapairahuatënën quëma notënanquë huënsëipi. Yáinapopi niꞌton, napopi. Shaꞌhuitëransopita natanpirinahuëꞌ, co nohuantopihuëꞌ natëcaisoꞌ. Huaino cantahuachinara, yonquinëna quëran nitotopi. Inapochachin inahuanta nonansopita yonquinëna quëran nitotopitërapi. Cancanëna quëranso napoaponahuëꞌ, coriquisáchin cancantopi.

Números 22:41

Tahuëririnquë Paracosoꞌ, Paramo yonisahuaton, Pamoto-Paaro motopiꞌpaꞌ quëpantarin. Ina quëran nocotahuaton, israiroꞌsa yaꞌhuëpiso intonquë, nëꞌmëtë pëiroꞌsa quënanin.

Números 23:2

Ina natanahuaton, Paracosoꞌ ina inachachin ninin. Cato yaꞌpi chachin maꞌsha tëparahuatona Yosë marëꞌ acopi. Aꞌnaya aꞌnaya artaroquë aꞌnara toroaꞌhua, nisahuaton aꞌnara carniro acopi.

Números 23:29

Inaquë Paramori, Paraco itapon: —Isëquë chachin canchisë artaro nitoco. Inaquë ahuiquitacaso marëntaꞌ, canchisë toroaꞌhua, canchisë carniro, inapita quëquëꞌ, itërin.

Números 23:30

Ina natanahuaton, Paracosoꞌ ina inachachin ninin. Maꞌsha tëparahuaton, aꞌnaya aꞌnaya artaroquë aꞌnara toroaꞌhua, aꞌnara carniro acorin.

Mateo 23:13

Ina quëran Quisosori cotio maistroꞌsaꞌ, parisioroꞌsa inapita pënënaton itapon: “Cotio maistroꞌsanquëmaꞌ, parisioroꞌsanquëmaꞌ, canpitaso nonpintënquëma niꞌton, ¡maꞌhuantacha nisarama paya! Co noꞌtëquën aꞌchinamahuëꞌ niꞌton, Yosë iranën yaꞌcopiatë pochin nitëramaꞌ. Co noꞌtëquën Yosë imatomahuëꞌ, co canpita tërantaꞌ Yosë huaꞌanëntërinquë yaꞌconaramahuëꞌ. Aꞌnapitantaꞌ yayaꞌconpirinahuëꞌ, co catahuaramahuëꞌ yaꞌconacaisoꞌ. Canpita nonaninënquëmaꞌ niꞌton, inapitantaꞌ co yaꞌconpihuëꞌ. [

Judas 1:11

¡Maꞌhuantacha nisapi paya! Nonpinaꞌpiroꞌsasoꞌ, Caino pochin cancantatonaꞌ co Yosë natëpihuëꞌ. Paramo pochin cancantopi. Iráca Paramosoꞌ coriquiráchin cancantaton, piyapiꞌsaꞌ anishacancantërin. Corintaꞌ iráca co noyahuëꞌ ninin. Co huaꞌanoꞌsaꞌ yanatërinhuëꞌ, noꞌhuirin. Ina marëꞌ Yosë nohuanton, chiminin. Inapita pochin cancantopisopita Yosëri chiníquën anaꞌintarin.

1 Samuel 15:22

Napotohuachina Samoirori itapon: “Maꞌsha Sinioro marëꞌ tëpatona piꞌpian ahuiquitacaisoꞌ, noya. Yaꞌipi ahuiquitacaisontaꞌ, noya. Sinioro camaitërinso natëcasoso nipirinhuëꞌ, noya noya. Maꞌsha Sinioro marëꞌ tëpatona piꞌpian ahuiquitacaisoꞌ, noya. Carniro tomaquën ahuiquitasontaꞌ, noya. Camaitërinso noya natanatë natëcasoso nipirinhuëꞌ, noya noya.