Números 22:9 - Chayahuita (Shahui)

⁹ Naporo tashi Siniorori Paramo yaꞌnotahuaton, itapon:

Números 22:9 ပူးပေါင်းရင်းမြစ်များ

Génesis 16:8

Quënanahuaton, natanin: —Quëmasoꞌ Acaranquën, nohuitëranquën. Sarai cosonanënquën. ¿Intoparanta huëcaton, intopata paꞌsaran? itërin. —Patronanëhuë Sarai itopisoꞌ taꞌananpiarahuë, tënin Acara.

Génesis 20:3

Napoaponahuëꞌ, naporo tashi chachin Yosëri huëꞌënquë pënënin: “Quëmaso chiminaran. Sanapi mananso soꞌyahuan niꞌton, chiminamaso yaꞌhuërin,” itërin.

Génesis 4:9

Siniorori nitotaton, Caino itapon: —¡Maꞌsona iyaya onporinsoꞌ, shaꞌhuitoco! itërin. Napotohuachina, Cainoso tapon: —Co nitotërahuëꞌ. ¡Co ina aꞌpairápaꞌhuaso yaꞌhuërinhuëꞌ! itërin.

Génesis 41:25

Napotohuachina, Cosiri huaraon itapon: —Caso quëma piyapinënco nipirahuëꞌ, shaꞌhuitaranquën: Catoro huaꞌnaransoꞌ, aꞌnaíchin tapon huaꞌnaran. Ina quëran Yosë chachin anitotërinquën maꞌsona ina nicacasoꞌ yonquirinsoꞌ.

Éxodo 4:2

Napotohuachina, Yosëri natanin: —¿Maꞌta sëꞌquëaran? itërin. —Pitananëhuë taꞌa, itërin Moisësëri.

Daniel 2:45

Ina tapon naporin huaꞌnaranquë motopi quëran naꞌpi notarintaton huaꞌnamia, shaꞌpi huaꞌna, tëshiroꞌpaꞌ, prata, oro, inapita niꞌnomorinsoꞌ. Yosëso chini chiníquën nanantaton, aꞌna tahuëri maꞌsona onpocasoꞌ anitotërinquën. Huaꞌnaranso noꞌtëquën shaꞌhuitëranquën. Maꞌsona tapon naporinsontaꞌ, noꞌtëquën shaꞌhuitëranquën, itërin. Naporoꞌ Napocotonosoꞌ, Naniri notënanquë isonin. Isonin quëran noꞌpaquë huarëꞌ monshorahuaton mosharin. Ina quëran piyapinënpita camairin, maꞌsha tëparahuatona Naniri moshacaisoꞌ. Yonarin pochin nininsonta aꞌpërahuatonaꞌ, moshacaiso camaitërin.

Números 22:10

—¿Inpitata quëma pëinënquë nisapi? itërin. —Sipor huiꞌnin Paraco itopisoꞌ Moaporoꞌsa huaꞌanëntërin. Ina, piyapinënpita aꞌpairin shaꞌhuitiinacoso marëꞌ: “Iquipito quëran notohuaroꞌ piyapiꞌsa pipirahuatonaꞌ, yaꞌipi yaꞌhuërai roꞌtëquë yaꞌsoipi. Napoaton aꞌnaroáchin huëcaton ama huachi noya yaꞌhuëcaiso marëhuëꞌ shaꞌhuitiiquëꞌ. Quëmari inapotohuatan, tapona minsërahuatoi, noꞌpanëhuëi quëran aꞌparai,” tiquipi, itërin.

Números 22:20

Naporo tashi Siniorori yaꞌnotantarahuaton, itapon: —Quëma marëꞌ huëꞌpachinasoꞌ, imaquë nipachin. Napoaponahuëꞌ, maꞌsona nohuantërahuësoráchin quëmasoꞌ nisaran, itërin.

Números 22:8

Shaꞌhuitohuachinara, Paramori itapon: —Isëquë tahuërianpitocoꞌ. Ina quëran maꞌsona Sinioro camairincosoꞌ, shaꞌhuichinquëmaꞌ, itërin. Napotohuachina, Moapo ansianoꞌsasoꞌ, inaquë quëparitopi.

Mateo 24:24

Naꞌa nonpin nanan pënëntonaꞌpiroꞌsaꞌ huëcaponaꞌ. ‘Casoꞌ Cristoco’ tosapi aꞌnaquën. ‘Casoꞌ ninotonaꞌpico,’ tosapi aꞌnaquëontaꞌ. Sacaiꞌ nininsopita nisapi piyapiꞌsaꞌ nonpintacaiso marëꞌ. Huayoninsopitantaꞌ nonpintochinaichin nisapi.

Mateo 7:22

Ayaroꞌ tahuëri nanihuachin, naꞌa piyapiꞌsaꞌ nontaponaco: ‘Quëma nanamën Sinioro shaꞌhuirai. Quisoso nanan quëtërincoi, taꞌtoi sopairoꞌsaꞌ aꞌparai. Quëma pochin sacaiꞌ nininsopita ninai,’ itaponaco.

Juan 11:51

Napoaponahuëꞌ, co inaora yonquinën quëran naporinhuëꞌ. Corto huaꞌan niꞌton, Yosë nohuanton, ninorin. Tëhuënchachin Quisoso cotioroꞌsa marëꞌ chiminarin.