Números 22:32 - Chayahuita (Shahui)

³² Sinioro anquëninënisoꞌ itapon: —Co cara cararo moranën huihuicasohuë nipirinhuëꞌ. Co noyahuëꞌ nicacasoꞌ yonquiran niꞌton, carinquën toꞌshitëapiranquënhuëꞌ.

Números 22:32 ပူးပေါင်းရင်းမြစ်များ

Salmos 145:9

Inasoꞌ, yaꞌipi marëꞌ paꞌpi noya ninin. Yaꞌipi acorinsopita noya aꞌpairin.

Jonás 4:11

Aquëtë huarëꞌ mini casoꞌ, Ninihui ninanoquë yaꞌhuëpisopita nosorocaꞌhuaso yaꞌhuërin. Inasoꞌ panca ninano niꞌton, pasa cato shonca huaranca naꞌcon piyapiꞌsa yaꞌhuërin. Inapitasoꞌ, huaꞌhuaroꞌsa co manta nitotatonaraihuëꞌ tëhuëpiso pochin nipi. Naporahuaton notohuaroꞌ pëꞌtahuaroꞌsanta yaꞌhuërin, itërin.

Miqueas 6:5

Canpitaso piyapinëhuëpitanquëmaꞌ. Moapo copirno Paraco itopisoꞌ naporinso yonquicoꞌ. Paramo ama huachi noya yaꞌhuëcamaso marëhuëꞌ, shaꞌhuitiinquëmaso marëꞌ yapahuërërinsoꞌ, yonquicoꞌ. Inapotopirinhuëꞌ, ca nohuanton Paramori shaꞌhuitërinsontaꞌ, yonquicoꞌ. Shimashonëmapita Sitin quëran pipirahuatonaꞌ, Quiricaroquë canconacaiso marëꞌ napopisontaꞌ, yonquiricoꞌ. Cortaniiꞌ ayanirahuëtaquëchin pëntonatonaꞌ, paꞌpi canatopisopita pochin nipisoꞌ yonquicoꞌ,” itërinpoaꞌ.

Números 22:20

Naporo tashi Siniorori yaꞌnotantarahuaton, itapon: —Quëma marëꞌ huëꞌpachinasoꞌ, imaquë nipachin. Napoaponahuëꞌ, maꞌsona nohuantërahuësoráchin quëmasoꞌ nisaran, itërin.

Números 22:22

Nani tapahuachina, inaquë yaꞌmitëahuaton paꞌsarin. Cato piyapinënpitari imasapi. Napoaponahuëꞌ, paꞌsarinso marëꞌ Yosëriso co noyahuëꞌ niꞌnin. Napoaton Sinioro anquëninëni yaꞌcopicaso marëꞌ toꞌshitërin.

Números 22:28

Naporoꞌ Sinioro nohuanton, moraso nonin. Nonsahuaton huaꞌanën itapon: —¡Carinquënsoꞌ, co maꞌsha onpotopiranquënhuëꞌ! Quëmaso isoarëꞌ, nani cararo huihuiranco, itërin.

Números 22:33

Co moranën pëshoninhuëꞌ naporini, nani tëpaꞌitënquënhuë huachi. Napoaponahuëꞌ, moraso co tëpaꞌitohuëꞌ, itërin.

Números 22:35

—Paquë imatëquëꞌ. Napoaponahuëꞌ, maꞌsona shaꞌhuitëranquënsoráchin nonsaran, itërin. Napotohuachina Paramosoꞌ, Paracori huaꞌanoꞌsa aꞌparinso imaquirin.

Hechos 13:10

—Quëmasoꞌ sopai pochin cancantëran. Yosësoꞌ noya noya nipirinhuëꞌ, yainimicotëran. Tëhuënchachin nonpintënquën, paꞌpi co noya quëmapinquënhuëꞌ. Sinioro noꞌtëquën shaꞌhuitopirinpoahuëꞌ, ¿onpoatontaꞌ quëmari nonpintaton, aꞌnapita anishacancantaran?

Deuteronomio 25:4

Toro asacatohuatamaꞌ, aꞌcacoꞌ. Iꞌnataton toꞌnorayahuachin, ama tonpoanantocosohuëꞌ. Tananpitocoꞌ piꞌpian piꞌpian coshachin,” itërin.