Números 22:31 - Chayahuita (Shahui)

³¹ Naporoꞌ Sinioro nohuanton, Paramonta Yosë anquëninën quënanin huachi. Sahuëni sëꞌquëaton iraquë huaniárin quënanin. Ina quënanahuaton isonin. Isonin quëran noꞌpaquë huarëꞌ monshorahuaton, mosharin.

Números 22:31 ပူးပေါင်းရင်းမြစ်များ

Génesis 21:19

Naporoꞌ Yosë nohuanton, Acara aꞌna posoquë iꞌsha quënanin. Inaquë paꞌsahuaton, shaꞌhuëtë morsaquë manin. Ina masahuaton, huaꞌhuin oꞌshitonin.

Éxodo 34:8

Ina natanaton, Moisësëso isonin quëran noꞌpaquë huarëꞌ monshorin. Monshorahuaton, Sinioro chinotërin. Napotahuaton itapon: —¡Ai Sinioro! Tëhuënchachin nosorohuatancosoꞌ, caꞌtancoi. Tëhuënchachin piyapinënpita co natantochináchinhuëꞌ cancantopi. Napoaponahuëꞌ, yaꞌipi co noyahuëꞌ nicatoi oshahuanaisoꞌ, inquitatoncoi nanan anoyatocoi. Nanan anoyatatoncoi piyapinënpita pochin niꞌcoi huachi, itërin.

Números 22:30

—Iráca quëran huarëꞌ quëparanquën nipirinhuëꞌ, co poꞌtochinanquënhuëꞌ, itaantarin moranëni. —Naporin mini nipirinhuëꞌ, taantarin Paramo.

Números 24:16

Yosë ispiritonën yaꞌcoancantohuachincora, noya noya nitotërahuë. Yosë chachin nanan anitotërinco. Co huëꞌëporahuëꞌ, huaꞌnarëso pochin quënanahuë. Ina Yosëso chini chiníquën nanantaton yaꞌipi nanitaparin.

Números 24:4

Yosë ispiritonën yaꞌcoancantohuachincora, noya noya nitotërahuë. Yosë chachin nanan anitotërinco. Co huëꞌëporahuëꞌ, huaꞌnarëso pochin quënanahuë. Ina Yosëso yaꞌipi nanitaparin.

Lucas 24:16

Yosë nohuanton co nohuitopihuëꞌ.

Lucas 24:31

Pan sëꞌpanaso chachin Yosë nohuanton, Quisoso nohuitopi huachi. Niꞌsapirinahuëꞌ, ina quëran chachin ayarin.

Juan 18:6

—Ca mini inaco, itohuachina, paꞌyanpi. Aꞌna achiraꞌ pinën parti paꞌsahuatonaꞌ, pinëna quëran anotopi.

Hechos 26:18

Nisha piyapiꞌsantaꞌ aꞌchintëquëꞌ nanamëhuë nitochinaꞌ. Somaraya pochin cancantatonaꞌ, co nohuitërinacohuëꞌ. Nanamëhuë aꞌchintohuatan, nohuitarinaco. Iporasoꞌ tashi pochin cancantopi. Nohuitohuachinaco, tahuëri pochin cancantapi. Iporasoꞌ sopai huaꞌani camaihuachina, natëpi. Aꞌna tahuërisoꞌ Yosë natërapi. Natëtonaco, imapachinaco, oshanënaꞌ Yosëri inquitarin. Yaꞌipi natërinacosopita nasha cancan quëtarahuë. Yosë piyapinënpita chachin nisapi,’ itërinco.

Josué 5:13

Aꞌna tahuëri Cosoisoꞌ, Quirico ninano yaꞌcari nisarin. Inaquë niꞌsoꞌ aꞌnanaya aꞌnara quëmapi niꞌnin. Sahuëninën sëꞌquërin quëran ina notënan quëran huaniárin. Yaꞌcarirahuaton Cosoiri natanin: ¿Inta quëma catahuaran? israiroꞌsacoi catahuarancoi: ¿Inimiconëhuëipita nica? itërin.

Josué 5:14

Napotohuachina, inariso itapon: —Co canpita catahuaranquëmahuëꞌ. Co inimiconëma tëranta catahuarahuëꞌ. Sinioro sontaronënpita huaꞌanënco nicato oꞌmarahuë, itërin. Ina natanaton, Cosoiso isonin quëran noꞌpaquë huarëꞌ monshorin. Monshorinquëranchin nataantarin: —Caso quëma piyapinën pochinco ninahuë. ¿Maꞌta Sinioro nohuantëran nicaꞌhuasoꞌ? itërin.