Números 22:12 - Chayahuita (Shahui)

¹² —Ama inapitarëꞌquën paquësohuëꞌ. Naporahuaton co ina piyapiroꞌsa inapotamaso yaꞌhuërinhuëꞌ. Inapitasoꞌ cari chachin noya yaꞌhuëcaiso marëꞌ nani shaꞌhuitërahuë, itërin Yosëri.

Números 22:12 ပူးပေါင်းရင်းမြစ်များ

Génesis 12:2

Aꞌna tahuëri ca nohuanto, shiparinpita panca nacion ocoiaponaꞌ. Carinquën catahuamiataranquën. Inapotaranquën niꞌton, sacóshin nahuinaran. Naporahuaton, quëmá quëran aꞌnapitanta catahuararahuë.

Isaías 61:9

Inahua quëran pipipisopitasoꞌ, nisha nisha nacionquë nahuinaponaꞌ. Yaꞌipi niꞌpisopitari: ‘Tëhuënchachin isopitasoꞌ Siniorori catahuarin,’ taponaꞌ,” tënin.

Miqueas 6:5

Canpitaso piyapinëhuëpitanquëmaꞌ. Moapo copirno Paraco itopisoꞌ naporinso yonquicoꞌ. Paramo ama huachi noya yaꞌhuëcamaso marëhuëꞌ, shaꞌhuitiinquëmaso marëꞌ yapahuërërinsoꞌ, yonquicoꞌ. Inapotopirinhuëꞌ, ca nohuanton Paramori shaꞌhuitërinsontaꞌ, yonquicoꞌ. Shimashonëmapita Sitin quëran pipirahuatonaꞌ, Quiricaroquë canconacaiso marëꞌ napopisontaꞌ, yonquiricoꞌ. Cortaniiꞌ ayanirahuëtaquëchin pëntonatonaꞌ, paꞌpi canatopisopita pochin nipisoꞌ yonquicoꞌ,” itërinpoaꞌ.

Números 22:13

Tahuëririnquë tashíramiachin capayatahuaton, comisionoꞌsa itapon: —Sinioro co nohuantërinhuëꞌ canpitaroꞌco pacaꞌhuasoꞌ. Napoaton yaꞌhuëramaquë paantacoꞌ, itërin.

Números 22:6

Chini chiníquënoꞌsa niꞌton, maꞌshátërahuë quiyasoꞌ canaponacoi. Napoaton aꞌnaroáchin huëcaton, ama huachi noya yaꞌhuëcaiso marëhuëꞌ quëmari shaꞌhuitiiquëꞌ. Quëmasoꞌ noya yaꞌhuëcaiso marëꞌ shaꞌhuitohuatana, ina inachachin ninin. Naporahuaton ama huachi noya yaꞌhuëcaiso marëhuëꞌ shaꞌhuitohuatanantaꞌ, ina inachachin ninin. Quëmari inapotohuatan, tapona minsërahuatoi, yaꞌhuërai quëran yaaꞌparai,” itocoꞌ, itërin.

Números 23:23

Cacopo shinpitasoꞌ, maꞌsha onpotacaiso marëꞌ nonënpachinarantaꞌ, co manta onpoapihuëꞌ. Shontapirinahuë tërantaꞌ, israiroꞌsaso co manta onpoapihuëꞌ. Ipora chachin israiroꞌsa shaꞌhuitahuaꞌ: ‘¡Canpitacha tëhuënchinsoꞌ, Yosëso catahuarinquëma paya! Catahuatënquëma inasoꞌ, huëhuëpiro nininsopita ninin,’ itahuaꞌ.

Números 23:3

Ina quëran Paramori, Paraco itapon: —Isëquë maꞌsharoꞌsa tëpatë acorëso pirayan ninataco. Caso amasha paꞌsarahuë tapona Sinioro oꞌmarin nicaincoso marëꞌ. Ina quëran maꞌsona anitotërincosoꞌ, shaꞌhuitaranquën, itërin. Ina tosahuaton Paramosoꞌ, aꞌna panënaꞌhuaya tomaroꞌtë nininquë pantarin.

Números 23:8

Napopirinhuëꞌ, inahuaso Yosëri noya niꞌnin. Noyasáchin yonquirapirin. Napoaton co nanitërahuëꞌ inapotaꞌhuasoꞌ. Co piꞌpian tëranta nanitërahuëꞌ, co noyahuëꞌ yonquirapiaꞌhuasoꞌ.

Números 24:9

Israiroꞌsa chinotai marëꞌ quëhuënpachinara, paꞌpiniroꞌsa pochachin niconpi. Co macari tëranta ochinanaponhuëꞌ. Inpitarisona inapita noya yaꞌhuëcaiso marëꞌ shaꞌhuitohuachinaꞌ, inapitanta noya yaꞌhuëcaiso marëꞌ shaꞌhuitaponaꞌ. Inpitarisona ama huachi noya yaꞌhuëcaiso marëhuëꞌ shaꞌhuitohuachina, inapitanta inapotacaiso yaꞌhuërin,” tënin.

Mateo 27:19

Huaꞌan shiranënquë huënsëasoꞌ, saꞌinintaꞌ nanan aꞌpatiirin Quisoso ocoicaso marëꞌ. “Achin tashiꞌ aꞌninquëchin huaꞌnarahuë. Quisoso huaꞌnato, chiníquën paꞌyanahuë. Inasoꞌ noya quëmapi. Co mantaꞌ onporinhuëꞌ niꞌton, nichaꞌëquëꞌ. Co tëpacasoꞌ yaꞌhuërinhuëꞌ,” itërin saꞌini. Ina marëntaꞌ Piratori co yatëparinhuëꞌ.

Romanos 11:29

Nani Yosëri shaꞌhuitohuachin, inachachin nisarin. Co onporontaꞌ nisha nontarinhuëꞌ. Huëntonënquë ayaꞌconpachin, co onporontaꞌ naniantarinhuëꞌ.

Efesios 1:3

Ma noyacha Tata Yosëso paya. Sinioro Quisocristo paꞌpin inasoꞌ. Inápa quëran noya noya yonquirinpoaꞌ. Quisocristo imarëhuaꞌ niꞌton, naꞌcon catahuarinpoaꞌ noya noya cancantacaso marëꞌ. Oshanënpoaꞌ inquitatonpoaꞌ, anoyacancantërinpoaꞌ. Ina quëran nani tahuëri catahuarinpoaꞌ nohuantërinso chachin nicacasoꞌ. Co inápaquë yaꞌhuëyatërarihuarahuëꞌ, inatohuaꞌ yaꞌhuëarëhuaso pochin Yosë nohuitërëhuaꞌ. Ina yonquiatëhuaꞌ, “Yosparinquën Sinioro,” itahuaꞌ.

Deuteronomio 33:29

¡Mainacha canpoasoꞌ israiroꞌsanpoa ninëhua paya! Co inso nacion tërantaꞌ, canpoa pochin nininhuëꞌ. Sinioro chachin nichaꞌërinpoaꞌ. Ina chachin paꞌpoyarinpoaꞌ. Catahuarinpoaꞌ, napotërinpoaꞌ. Inimiconënpoapita, sahuëninënpoa quëran minsërëhuaꞌ. Ina pochachin Sinioronta catahuarinquëmaꞌ, inimicoroꞌsa minsëaramaꞌ. Inimiconëma ahuërapiramahuëꞌ, co nanitatonaraihuëꞌ moshaponëmaꞌ: ‘Ama huachi niahuëaꞌhuasohuëꞌ. Nohuantëramasoꞌ natancoi quëchinquëmaꞌ,’ itaponënquëmaꞌ. Inapotatoma atapanapoma huachi,” itërin Moisësë israiroꞌsa nontaton.

Deuteronomio 7:14

Canpitaso aꞌnapita nacionoꞌsa quëran, naꞌcon naꞌcon catahuamiatarinquëmaꞌ. Ina nohuanton sanapinëmanta huaꞌhuanaꞌpiráchin nisarin. Quëmapimanta huiꞌnahuanaꞌpiroꞌsaráchin nisaramaꞌ. Pëꞌtahuanëmapitanta inapochachin nisarin.