Números 21:7 - Chayahuita (Shahui)

⁷ Napohuachinara, Moisësë paaparahuatona itaponaꞌ: —¡Maꞌhuantacha ninai paya! Sinioro noꞌhuitoi, quëmanta noꞌhuitënquën oshahuanai. Sinioro nontëquë yaꞌhuanoꞌsa aꞌpachincoi, itopi. Itohuachinara, Moisësëso Sinioro nontërin. Israiroꞌsa oshanën inquitaton, catahuantacaso marëꞌ nontërin.

Números 21:7 ပူးပေါင်းရင်းမြစ်များ

Génesis 20:17

Ina quëran Apraan, Yosë nontërin Apimirico marëꞌ. Ina saꞌin, cosonanënpita, inapita marëntaꞌ, Yosë nontërin. Nontohuachina, Yosëri anoyatërin. Naquëranchin huaꞌhuasha yaꞌhuëtaantacaiso marëꞌ anoyatërin.

Génesis 20:7

Iporaso nipirinhuëꞌ, soꞌin chachin quëtaantaquëꞌ. Inaso pënëntonaꞌpi niꞌton, quëma marëꞌ nontarinco. Ama chiminamaso marëhuëꞌ, nontarinco. Coꞌsoꞌ quëtaantahuatanhuëꞌ, saꞌan, huiꞌnanpita, inapitarëꞌquën chachin, taꞌhuantaran,” itërin huëꞌënquë.

Copo naporinso' 42:10

Amiconënpita marëꞌ Copo Yosë nontohuachina, inaora chachinta noyatahuaton, noya noya yaꞌhuëantarin. Iꞌhua yaꞌhuëtërin quëran naꞌcon naꞌcon yaꞌhuëtaantarin.

Copo naporinso' 42:8

Noꞌhuiranquëmasoꞌ sanocaꞌhuaso marëꞌ, isopocoꞌ: Canchisë toro, nápo chachin carnironta quëpatomaꞌ, Copo niꞌconcoꞌ. Inari canpita marëꞌ inapita tëparahuaton yaꞌipi ahuiquitapon. Inapotahuaton canpita marëꞌ nontarinco. Nontohuachinco, noya natanahuato co maꞌsha onpotaranquëmahuëꞌ. Co noꞌtëquën yonquirapitomacohuëꞌ Copo shaꞌhuitëramaso marëꞌ, naꞌinamaꞌ. Napopiramahuëꞌ, co maꞌsha onpotaranquëmahuëꞌ. Coposoꞌ, noꞌtëquën yonquiarapitonco shaꞌhuirin,” itërin.

Éxodo 10:17

Oshahuanpirahuëꞌ, ama ina yonquicosohuëꞌ. Onpopionta Yosë nontoco sëquërëroꞌsa aꞌpachincoi. Coꞌsoꞌ paꞌpachinahuëꞌ, tëpaponcoi quiyasoꞌ,” itërin.

Éxodo 32:11

Moisësëso napoaponahuëꞌ, noyasha nontaton Sinioro itapon: —Ama Sinioro napotëquësohuëꞌ, chiníquën nanantaton nani Iquipito quëran israiroꞌsa ocoiran.

Éxodo 32:30

Tahuëririnquë Moisësësoꞌ, yaꞌipi israiroꞌsa amatahuaton itapon: —Canpitaso panca tëhuëatoma oshahuanamaꞌ. Iporasoꞌ naquëranchin Sinioro yaꞌhuëarinquë paantaꞌhuaso yaꞌhuërin. Oshanëma marëꞌ nontontaꞌi, tapona yainquitápirinquëmahuëꞌ, itërin.

Éxodo 8:28

—Inta nipachin. Inotëro parti pacoꞌ, inaquë Yosënëma chinotocoꞌ. Napoaponahuëꞌ, ama coꞌchachin áquë pacosohuëꞌ. Nisahuaton ca marëꞌ Yosë nontocoꞌ, tënin.

Éxodo 8:8

Copirnoso nipirinhuëꞌ, Moisësë, Aaron, inapita amatahuaton itapon: —Sinioro nontoco huariraroꞌsa inquichincoi, co huachi ahuantëraihuëꞌ. Inquitohuachincoi naporo huarëꞌ ina chinotacaso marëꞌ israiroꞌsa aꞌparahuë, itërin.

Jeremías 15:1

Aꞌna tahuëri Sinioro nontatonco itaponco: “Israiroꞌsa nichaꞌëahuaso marëꞌ Moisësë, Samoiro, inapita nontopirinacohuë tërantaꞌ, co nosoroꞌitohuëꞌ. Shaꞌhuitëquë noꞌpanëhuë quëran pipiinaꞌ.

Jeremías 37:3

Aꞌna tahuëri copirnosoꞌ, nontiincoso marëꞌ isopita huaꞌanoꞌsa aꞌpairin: Sirimiasë huiꞌnin Ocaro itopisoꞌ nisahuaton, Maasiasë huiꞌnin Sooniasë corto huaꞌan. Inapitasoꞌ cantoonahuatonaco: “Siniorosoꞌ, Yosënënpoaꞌ. Canpoa marëꞌ ina nontëquëꞌ, tënin copirno,” itërinaco.

Oseas 5:15

Ina quëran huaꞌquimiachin tananpitarahuë: ‘Oshahuanëhua niꞌton, Sinioro poꞌtërinpoaꞌ,’ taꞌcaihuarëꞌ catahuaantarahuë. Parisitatona co napion cancantohuachinaꞌ, oshanëna inquitaꞌhuaso marëꞌ yoníponaco,” tënin.

Números 11:2

Ina niꞌsahuatonaꞌ, chiníquën Moisësë nontopi. Moisësënta inahua marëꞌ Sinioro nontohuachina, ina nohuanton aꞌnaroáchin pën tacopirin.

Mateo 27:4

—Co huachi iso coriqui nohuantërahuëꞌ. Paꞌpi co noyahuëꞌ ninahuë. Quisoso nóya quëmapi nipirinhuëꞌ, shaꞌhuirapirahuë. Ina marëꞌ oshahuanahuë, itoonin. —¿Maꞌmarëtaꞌ ina shaꞌhuitërancoi? Co quiyasoꞌ ina yonquiraihuëꞌ. Quëma naporansoꞌ, itopi.

Hechos 8:24

—Canpitari Yosë nontocoꞌ ama ina pochin anaꞌinchincosohuëꞌ, itërin. Chiníquën paꞌyanaton, naporin.

Romanos 10:1

Paꞌpi nohuantërahuë israiroꞌsaꞌ chaꞌëcaisoꞌ. Ina marëꞌ iyaroꞌsaꞌ, chiníquën Yosë nontárahuë.

Deuteronomio 9:20

Aaronta paꞌpi noꞌhuiton Siniorori yatëpapirinhuëꞌ, ina marënta nontërahuë niꞌton, co tëparinhuëꞌ.

Santiago 5:16

Napoaton maꞌsona tërantaꞌ co noyahuëꞌ nipatëhuaꞌ, imarëhuasopita capini nishaꞌhuitahuaꞌ. “Ina marëꞌ casoꞌ oshahuanahuë,” nitahuaꞌ. Itohuaran capini Yosë nontahuaꞌ anoyachinpoaꞌ. Yaꞌipi co noyahuëꞌ yonquirëhuasopita naniantohuatëhuaꞌ, chiníquën ina nontohuatëhuaꞌ, naꞌcon catahuarinpoaꞌ.

1 Samuel 15:24

Napotohuachina, inariso itapon: —Sontaronëhuëpita tëꞌhuatato maꞌsona nohuantopiso ninahuë. Inapoato Sinioro camaitërinsoꞌ, quëma shaꞌhuitërancosopita, inapita naniantërahuë. Inapoato oshahuanahuë.

1 Samuel 15:30

Napotohuachina Saono taantarin: —Caso oshahuanahuë. Napopirahuëꞌ, onpopiontaꞌ, ansianoꞌsaꞌ, aꞌnapita israiroꞌsaꞌ, inapita niꞌtonënquë noya niꞌcoꞌ. Noya nicatonco natëco. Napoaton carëꞌquën Sinioro chinotacaso marëꞌ panantaꞌa. Inasoꞌ Yosë quëmari chinotëransoꞌ, itërin.