Números 20:20 - Chayahuita (Shahui)

^20-21 —¡Co naꞌhuëaramahuëꞌ! itahuaton, sontaronënpitarë chachin noyá niacorahuatonaꞌ, israiroꞌsa ama naꞌhuëcaiso marëhuëꞌ toꞌshitëpi. Ina niꞌsahuatonaꞌ, israiroꞌsasoꞌ aꞌna ira paꞌtacaisoꞌ yonquipi huachi.

Números 20:20 ပူးပေါင်းရင်းမြစ်များ

Génesis 27:41

Naporo quëran huarëꞌ Isaori Cacopo paꞌpi noꞌhuirin huachi. Inasá paꞌpini noya yaꞌhuëcaso marëꞌ shaꞌhuitërin niꞌton, naporin. Napoaton yonquirárin: “Payo tata chiminapon. Ina chiminpachin, Cacopo tëpaarahuë,” tënin.

Génesis 32:6

Comisionoꞌsa huënantahuachinara, Cacopo shaꞌhuitiintapi: —Iya masho Isao nicapoi aꞌparancoi niꞌtoi, paꞌnai. Huëꞌsaranso nitotaton, inaora chachin nacapiinquënso marëꞌ huëꞌsarin. Catapini pasa quëmapiꞌsari imaquiarin, itiipi.

Amós 1:11

Ina quëran Sinioro taantarin: “Itomoroꞌsantaꞌ, paꞌpi co noyahuëꞌ nipi. Israiroꞌsasoꞌ, quëmopinënapita niponaraihuëꞌ, paꞌpi noꞌhuipi. Noꞌhuitona tëpacaiso marëꞌ sahuëni siꞌhuitahuatona ima imarantapi. Noꞌhuiantopisoꞌ nichinapon chachin, co amasha tëranta nosoropihuëꞌ. Napoaton inapitantaꞌ, anaꞌintaꞌhuaso yaꞌhuërin.

Números 20:18

Copirnoriso nipirinhuëꞌ, itapon: —¡Co naporinhuëꞌ! Co noꞌpanëhuëitaëchin naꞌhuëcamaso yaꞌhuërinhuëꞌ. Co natëtohuatamahuëꞌ, sontaronëhuëpitaroꞌco chachin anaꞌintaranquëmaꞌ, itërin.