Números 20:18 - Chayahuita (Shahui)

¹⁸ Copirnoriso nipirinhuëꞌ, itapon: —¡Co naporinhuëꞌ! Co noꞌpanëhuëitaëchin naꞌhuëcamaso yaꞌhuërinhuëꞌ. Co natëtohuatamahuëꞌ, sontaronëhuëpitaroꞌco chachin anaꞌintaranquëmaꞌ, itërin.

Números 20:18 ပူးပေါင်းရင်းမြစ်များ

Números 20:19

Itohuachina, israiroꞌsari noya shaꞌhuitërin: —Tëquën irasáchin paꞌtarai. Papoi pochin oꞌocaꞌhuaiso marëꞌ pëshonpatoi, pahuërëarainquën. Pëꞌtahuanëhuëipita oꞌorinso marëntaꞌ, pahuërëarainquën. Topinan naꞌhuëcaꞌhuaiso marëꞌ napotarainquën, itopi.

Números 20:20

—¡Co naꞌhuëaramahuëꞌ! itahuaton, sontaronënpitarë chachin noyá niacorahuatonaꞌ, israiroꞌsa ama naꞌhuëcaiso marëhuëꞌ toꞌshitëpi. Ina niꞌsahuatonaꞌ, israiroꞌsasoꞌ aꞌna ira paꞌtacaisoꞌ yonquipi huachi.

Números 21:4

Or motopi quëran israiroꞌsaso pipirahuatonaꞌ, Quëhuai marë parti paꞌmantarapi. Ama itomoroꞌsa noꞌpanëntaëchin pacacaiso marëhuëꞌ, panca conitopi. Papona pochin israiroꞌsa noꞌhuitaantapi.

Números 24:18

Itomoroꞌsanta misëapon. Inimiconën Sëir itopisoꞌ noꞌpanën, mataton huaꞌanëntapon huachi. Israiroꞌsasoꞌ ahuëtohuachinaꞌ, canatëraꞌpiaponaꞌ. Napopisoꞌ, nisha nisha parti nahuinapon.