Números 20:16 - Chayahuita (Shahui)

¹⁶ Parisitápatoi catahuaincoiso marëꞌ Sinioro nontërai. Chiníquën nontohuatoira natanahuatoncoi catahuarincoi. Anquëninën aꞌpaimarin Iquipito quëran ocoincoiso marëꞌ. Iporasoꞌ Catisë ninanoquë yaꞌhuëarai, canpita noꞌpanëma naniconinquë nisarai.

Números 20:16 ပူးပေါင်းရင်းမြစ်များ

Éxodo 14:10

Yaꞌcaritapiso quënanatonaꞌ, israiroꞌsaso paꞌpi paꞌyanpi. Paꞌyanatonaꞌ, chiníquën Yosë nontopi: “Sinioro catahuacoi,” itopi.

Éxodo 14:19

Moisësëri camaihuachina, israiroꞌsa Quëhuai marë parti paꞌsapi. Iquipito sontaroꞌsarintaꞌ, aquëran imaquiapi. Naporoꞌ Sinioro anquëninëonta quëchitëraponahuëꞌ, Israiro huënton aquëchitahuaton, piquëran niacorin. Chitoro naporopi nininsonta inapochachin ninin. Inapoatonaꞌ, cato huëntoni chachin huancanapipi. Israiroꞌsasoꞌ, chitorori pën pochin niꞌton, noya pacacaiso marëꞌ aꞌpintërarin. Iquipitoroꞌsaso nipirinhuëꞌ, yaráton chitoro pochin nicaton, co manta aꞌpintërinhuëꞌ. Napoaton yaꞌipi tashi imapirinahuëꞌ, co nanitopihuë israiroꞌsa icantacaisoꞌ.

Éxodo 6:5

Iporaso nipirinhuëꞌ, iquipitoroꞌsari israiroꞌsa chiníquën aparisitapi. Ahuëatona tësharapi natanahuë. Ina niꞌsahuato, shimashonënpitaroꞌco anoyatërahuësoꞌ yonquirahuë.

Números 20:15

Shimashonëhuëipita iráca Iquipito parti paꞌpi. Inaquë huaꞌqui yaꞌhuëpi. Oshaquëranchin iquipitoroꞌsari, shimashonëhuëipita aparisitërin. Quiyanta yaꞌhuëantahuatoira, inapochachin aparisitërinacoi.