Números 20:12 - Chayahuita (Shahui)

¹² Moisësë, Aaron, inapitaso napoaponahuëꞌ, Yosëri itapon: —Canpitaso co natëtapomarahuëꞌ naporamaꞌ. Ina niꞌton, israiroꞌsa co chinotërinacohuëꞌ. Yaꞌipi cancanëma quëran natëtoma naporama naporini, israiroꞌsa chinochitonacohuëꞌ. Chinotatonaco: “¡Ma noyacha inaso paya!” ichitonacohuëꞌ. Napoaton canpitantaꞌ, noꞌpaꞌ quëtaranquëmaquë co yaꞌconaramahuëꞌ, itërin.

Números 20:12 ပူးပေါင်းရင်းမြစ်များ

Isaías 8:13

Caso Sinioroco yaꞌipi nanitaparahuë. Noyasáchin ninahuë. Ca tëhuënchinso tëꞌhuatamacoso yaꞌhuërin. Carimasoꞌ, yaꞌipinquëma niꞌsaranquëmaꞌ.

Levítico 10:3

Ina quëran Moisësëri Aaron itapon: —Pocamasoꞌ mini apiratatënquëma iꞌhua Sinioro naporin: “Yaꞌcaririnacosopita, noya noya ninahuëso aꞌnotarahuë. Israiroꞌsanta huënaratërahuësoꞌ, aꞌnotarahuë,” tënin. Aaronso nipirinhuëꞌ, co manta tëninhuëꞌ.

Números 11:15

Inachachin nisápahuasoꞌ nohuantohuatan, acopitochanco nipachin. Ina noya noya. Noya niꞌpatancosoꞌ inapotoco. Chimipatosoꞌ, co huachi poꞌpin parisitapohuëꞌ, tënahuë, itërin.

Números 20:24

“Aaronsoꞌ chiminapon huachi. Israiroꞌsa noꞌpaꞌ quëtaꞌhuasoꞌ shaꞌhuitërahuëquë co yaꞌconaponhuëꞌ. Miripa iꞌshataquë camairanquëmaso co natëramahuë niꞌton, Aaronsoꞌ isëquë chiminapon.

Números 27:14

Sin inotëro parti niꞌsëma capa iꞌsha niꞌton, israiroꞌsa noꞌhuirinaco. Naporoꞌ catoma chachin camairanquëmaꞌ. Camaipiranquëmahuëꞌ, canpitaso noꞌhuitatoma co noyahuëꞌ ninamaꞌ. Camairanquëmaso chachin ninama naporini, israiroꞌsa noya niꞌitonacohuëꞌ. Miripa iꞌshanaquë naporamaso yonquiato napotaranquën. Inaso iꞌshaꞌ, Catisë parti yaꞌhuërin, itërin.

Mateo 17:17

—¡Maꞌhuantacha ninama paya! Canpitasoꞌ co Yosë natëramahuëꞌ. Co natëtochináchinhuëꞌ cancantëramaꞌ. Nani huaꞌquiꞌ aꞌchintopiranquëmahuëꞌ, ¿onporo huarëtaꞌ yanatëramaco? itahuaton, —Huaꞌhuasha quëshico, itërin Quisosori.

Mateo 17:20

—Co yaꞌipi cancanëma quëran huarëꞌ natëramacohuëꞌ niꞌton, co nanitëramahuëꞌ. Natëramaco naporini, catahuaitënquëmahuëꞌ. Yosësoꞌ yaꞌipiya nanitaparin. Piꞌpian tërantaꞌ ina natëtomaꞌ, nontohuatamaꞌ, catahuarinquëmaꞌ. Nani maꞌsha nanitaparamaꞌ. “Yosë nohuanton, iso motopi yaꞌhuincaꞌin,” tënamaꞌ naporini, ina nohuanton, yaꞌhuincaitonhuëꞌ. Inapochachin yaꞌipi cancanëma quëran natëramaco naporini, sacaiꞌ nininsoꞌ catahuaitënquëmahuëꞌ. [

Lucas 1:20

Co natërancohuëꞌ niꞌquëhuarëꞌ, huaꞌquiꞌ co nonsaranhuëꞌ. Huiꞌnan nasitaquë huarëꞌ co nonacamasoꞌ nanitaranhuëꞌ. Napoaponahuëꞌ, noꞌtëquën nontëranquën. Huiꞌnahuanaran. Tahuërinën nanihuachin, saꞌan huaiarin, itërin anquëniri.

Lucas 1:45

“Yosë noꞌtëquën nontërinco,” tënanso marëꞌ inasoꞌ noya niꞌninquën. Shaꞌhuitërinquënso chachin acotarinquën, itërin Isapirari.

Juan 1:17

Iráca Yosë nohuanton, Moisësë pënëntërin nani maꞌsha natëcasoꞌ. Pënëntopirinhuëꞌ, co yaꞌipiya anitotërinpoahuëꞌ. Quisocristoso nipirinhuëꞌ nosororinpoaꞌ. Noꞌtëquën nonaton, yaꞌipi nanamën anitotërinpoaꞌ.

Romanos 4:20

“Yosë nonpintërinco,” co tëninhuëꞌ. Co nisha nisha yonquirinhuëꞌ. “Noꞌtëquën nontërinco,” taꞌton, chiníquën cancantërin. “Ma noyacha Yosësoꞌ niꞌton, co naniantarincohuëꞌ.

Deuteronomio 34:4

Naporoꞌ Siniorori itapon: “Iso mini noꞌpaꞌ, Apraan, Isaco, Cacopo, inapita: ‘Caso Yosëco niꞌto, iso noꞌpaꞌ shiparimapita quëtarahuë,’ taꞌto shaꞌhuitërahuësoꞌ. Quëmaora yaꞌpiranën quëran chachin niꞌcamaso nohuantato, aꞌnotëranquën. Napoaponahuëꞌ, quëmasoꞌ co inaquë yaꞌconaranhuëꞌ,” itërin.

Deuteronomio 4:21

Napoaponahuëꞌ, canpita naꞌin quëran cantaꞌ, noꞌhuirinco: ‘Caso Yosëco niꞌto, co Cortaniiꞌ pëntontahuaton noyaroꞌpaquë yaꞌconaranhuëꞌ,’ itërinco. Inasoꞌ noꞌpaꞌ, canpitari huaꞌanëntarama huachi.

Josué 1:2

“Piyapinëhuë Moisësë itëramasoꞌ, nani chiminin. Ina chiminin niꞌton, quëmari yaꞌipi israiroꞌsa Cortaniiꞌ ichipëntontaran. Noꞌpaꞌ quëtaranquëmaquë yaꞌconacamaso marëꞌ napoaramaꞌ.

1 Pedro 3:15

Yaꞌipi cancanëma quëran Quisocristo yonquicoꞌ. Inasoꞌ huaꞌanëntërinpoaꞌ niꞌton, chinotocoꞌ. Nani tahuëriya chiníquën cancantatomaꞌ, yonquicoꞌ Quisocristo nanamën shaꞌhuicamaso marëꞌ. Ina quëran “¿Onpoatomataꞌ imaramaꞌ?” itohuachinënquëmaꞌ, aꞌnaroáchin noꞌtëquën shaꞌhuitaramaꞌ.