Números 20:11 - Chayahuita (Shahui)

¹¹ Ina tosahuaton huaranën quëran catoro naꞌpi ahuërin. Inapotohuachina, notohuaroꞌ iꞌsha pipirin niꞌton, israiroꞌsa oꞌopi huachi. Pëꞌtahuanënanta oꞌopi.

Números 20:11 ပူးပေါင်းရင်းမြစ်များ

Salmos 105:41

Natëtënta nipoatahuaton, notohuaroꞌ iꞌsha ocoirin. Inasoꞌ, tëquëin pochin inotëro parti paꞌtërin.

Isaías 43:19

Aꞌna huachi nasha nisarahuë. Ipora chachin naporahuësoꞌ niꞌsaramaꞌ. Naquëranchin inotëroquë ira aꞌpatë pochin nisarahuë. Co manta maꞌsha noyatërinquëhuëꞌ, iroꞌsa acoarahuë.

Oseas 13:5

Inotëro parti huëcasënquëmaꞌ, aꞌpairanquëmaꞌ. Inaquëso paꞌpi chiníquën piꞌi piꞌcatopirinhuëꞌ, aꞌpairanquëmaꞌ.

Levítico 10:1

Aaron huiꞌninpita Natapo, Apio, inapitaso Yosë yachinotatona aꞌpëtinanëna mapi. Pënsha acorahuatonaꞌ, atomontacaiso marëꞌ yonarin pochin nininsoꞌ acotopi. Co Yosëri ina pochin camaipirinhuë napopi.

Mateo 28:20

Ina quëran yaꞌipi shaꞌhuitëranquëmasoꞌ aꞌchintocoꞌ natëinaco. Insëquësona paꞌpatamaꞌ, carinquëmaꞌ caꞌtanaranquëmaꞌ. Nani tahuëri catahuaranquëmaꞌ. Ayaroꞌ tahuëri naniquë huarëꞌ caꞌtanaranquëmaꞌ. Co onporontaꞌ pataranquëmahuëꞌ, itërin Quisosori. Nani huachi.

1 Corintios 10:4

Inaquësoꞌ co iꞌsha yaꞌhuëpirinhuëꞌ, Yosë nohuanton, naꞌpi quëran pipirin, yaꞌipiya oꞌopi. Quisocristosoꞌ ina naꞌpi pochin ninin. Paꞌpachinara, co quënanpirinahuëꞌ, inari naꞌcon catahuarin chaꞌëcaiso marëꞌ.

Deuteronomio 8:15

Paꞌpi huëhuëpiro inotëro partitaquëchin quëninpoaꞌ. Inaquë notohuaroꞌ yaꞌhuanoꞌsaꞌ, yonpincaroꞌsaꞌ, inapita yaꞌhuërin. Inaquë co manta iꞌsha yaꞌhuërinhuëꞌ. Napoaponahuëꞌ, oꞌocahuaso marëꞌ natëtë quëran, iꞌsha ocoirin.

Santiago 1:20

Noꞌhuitohuatëhuaꞌ, co nanitarihuahuëꞌ noya nicacasoꞌ. Ina marëꞌ co Yosë noya niꞌsarinpoahuëꞌ.

Jueces 15:19

Naporoꞌ Siniorori, Niiquë nanin yaꞌhuërinsoꞌ, iꞌsohuatërin. Iꞌsohuatohuachina iꞌsha pipirin niꞌton, ina oꞌoton chiníquën cancantërin. Napoaton inaquë noꞌpa quëran iꞌsha pipirinsosoꞌ, iso quirica ninshitasoco huarëntaꞌ, In-acori itapi.

1 Samuel 15:19

Sinioro camaitërinso natëton, sontaronënpita pëtahuaroꞌsa mapisoꞌ, co quëitonhuëꞌ. ¡Quëmaso nipirinhuëꞌ, inapita quëcaton Sinioro co natëranhuëꞌ! itërin.

1 Samuel 15:24

Napotohuachina, inariso itapon: —Sontaronëhuëpita tëꞌhuatato maꞌsona nohuantopiso ninahuë. Inapoato Sinioro camaitërinsoꞌ, quëma shaꞌhuitërancosopita, inapita naniantërahuë. Inapoato oshahuanahuë.