Números 20:10 - Chayahuita (Shahui)

¹⁰ Ina quëran Aaronë chachin naꞌpi notënanquë israiroꞌsa ayontonpi. Inaquë Moisësëri noꞌhuiton itapon: —Canpitaso co natantochinachin cancantopiramahuëꞌ, shaꞌhuichinquëmaꞌ: Canpita oꞌocamaso marëꞌ ¿iso naꞌpi quëranpita iꞌsha ocoicaꞌhuaiso yaꞌhuërin ti? itërin.

Números 20:10 ပူးပေါင်းရင်းမြစ်များ

Génesis 40:8

—Catocoi chachin huaꞌnapiraihuëꞌ, co insonta yaꞌhuërinhuëꞌ maꞌsona tapon huaꞌnaraiso anitotiincoisoꞌ, itopi. —¡Yosë mini nanitërin maꞌsona tapon huaꞌnarësopita anitotiinpoasoꞌ! Shaꞌhuitoco huaꞌnaramasoꞌ, itërin.

Génesis 41:16

—Co caora nohuanton nitotërahuëꞌ. Quëma piyapinënco niꞌto, Yosë chachin anitotohuachinco, shaꞌhuitaranquën. Maꞌsona noya nicacaso marëꞌ, shaꞌhuitaranquën, itërin.

Números 20:24

“Aaronsoꞌ chiminapon huachi. Israiroꞌsa noꞌpaꞌ quëtaꞌhuasoꞌ shaꞌhuitërahuëquë co yaꞌconaponhuëꞌ. Miripa iꞌshataquë camairanquëmaso co natëramahuë niꞌton, Aaronsoꞌ isëquë chiminapon.

Mateo 5:22

Co tëpatërëso marëáchin anaꞌintinpoasoꞌ yaꞌhuërinhuëꞌ, tënahuë. Aꞌna piyapi noꞌhuihuatamaꞌ, anaꞌintarinquëmaꞌ. Pinotohuatamantaꞌ, cotio ansianoꞌsaꞌ anaꞌinchinquëmaꞌ. Cancanëma quëran huarëꞌ noꞌhuitomaꞌ, ‘Quëmasoꞌ sopainquën,’ itohuatamaꞌ, pënquë chachin parisitacasoꞌ yaꞌhuërin, tënahuë.

1 Corintios 3:7

Napoaton co ca imamacosoꞌ yaꞌhuërinhuëꞌ. Aporosëntaꞌ co imacaisoꞌ yaꞌhuërinhuëꞌ. Yosë anoyacancantërinquëmaꞌ niꞌton, inasáchin yonquicamasoꞌ yaꞌhuërin.

Efesios 4:26

Aꞌna piyapi noꞌhuihuatamaꞌ, niꞌcona oshahuantamaꞌ. Coꞌhuara piꞌi yaꞌcoyantërasohuëꞌ, nanan anoyatocoꞌ.

Deuteronomio 9:24

Yaꞌnan nohuitëranquëma quëran huarëꞌ, canpitaso co natantochináchinhuëꞌ cancantëramaꞌ. Ina pochin cancantatomaꞌ, co Sinioro natëramahuëꞌ.

Santiago 3:2

Yaꞌipinpoaꞌ co noyahuëꞌ nicatëhuaꞌ, oshahuanëhuaꞌ. Noyasáchin nonacasosoꞌ saca sacaiꞌ. Noyasáchin nonëhuaꞌ naporini, Yosë pochachin cancanchitërihuahuëꞌ. Co huachi aquëtëꞌ tëhuëꞌitërihuahuëꞌ.