Números 14:9 - Chayahuita (Shahui)

⁹ Napoaton Sinioro natëcoꞌ. Ama yaꞌhuëhuanoꞌsa tëꞌhuatocosohuëꞌ. Co oshatarihuahuëꞌ minsëcasoꞌ. Inahuaso co Yosë natëpihuëꞌ niꞌton, co incari tëranta catahuarinhuëꞌ. Canpoaso nipirinhuëꞌ, Sinioro chachin catahuararinpoaꞌ. ¡Ama manta tëꞌhuatocosohuëꞌ! itopi.

Números 14:9 ပူးပေါင်းရင်းမြစ်များ

Génesis 48:21

Ina quëran Cosi tahuërëtahuaton itapon: —Niꞌquëꞌ. Caso chiminapo huachi. Yosëso nipirinhuëꞌ, yaꞌhuëmiataton catahuarinquëmaꞌ. Inari chachin shimashonëma noꞌpanënquë quëpanantaponquëmaꞌ.

Nehemías 4:14

Inapotopirahuëꞌ, tëꞌhuatopisoꞌ nicato yaꞌipi huaꞌanoꞌsaꞌ, maꞌhuanoꞌsaꞌ, sacatoroꞌsaꞌ, inapita shaꞌhuitërahuë: —Ama inapita tëꞌhuatocosohuëꞌ. Siniorosoꞌ chini chiníquën nanantaton, paꞌpi huëhuëpiro ninin. Ina catahuarinpoa niꞌton, ahuëtocoꞌ. Iyanpoapita, huiꞌnanpoapita, saꞌanpoaꞌ, pëinënpoaꞌ, inapita yonquiatëhuaꞌ, ahuëtahuaꞌ, itërahuë.

Salmos 121:5

Sinioro canpoasoꞌ aꞌpaiarinpoaꞌ. Ina chachin paꞌpoyararinpoaꞌ. Catahuainpoaso marëꞌ canpoa pirayan nisarin.

Salmos 14:4

Co noyahuëꞌ nipisopitasoꞌ, co manta yonquirëhuë pochin nipi. Cosharo caꞌnëso pochin Yosë piyapinënpitanpoa nitarinënpoaꞌ. Naporahuatonaꞌ, co manta Sinioro chinotopihuëꞌ.

Salmos 46:11

Siniorosoꞌ yaꞌipi nanitaparin. Inasoꞌ, yacatahuarinpoaꞌ. Iráca Cacapori chinotërinsoꞌ, paꞌpoyararinpoaꞌ.

Salmos 46:7

Siniorosoꞌ, yaꞌipi nanitaparin. Inasoꞌ, yacatahuarinpoaꞌ. Iráca Cacapori chinotërinsoꞌ, paꞌpoyararinpoaꞌ.

Salmos 46:8

Yaꞌipi piyapiꞌsa yonquiꞌinaꞌ. Yosë naporinso noya niꞌinaꞌ. Ina nohuanton co noyahuëꞌ nipisopita, taꞌhuantopi.

Salmos 91:1

Siniorosoꞌ chini chiníquën nanantaton, yaꞌipi nanitaparin. Ina yaꞌipi cancanënpoa quëran imapatëhuaꞌ, sano yaꞌhuëarihuaꞌ. Chiníquën nanantaton aꞌpaiarinpoaꞌ.

Éxodo 14:13

Napotopirinahuëꞌ, Moisësëriso itapon: —¡Ama paꞌyancosohuëꞌ! ¡Chiníquën cancantocoꞌ! Sinioro chachin nichaꞌërinpoasoꞌ, ipora niꞌsaramaꞌ. Inari canpita yaꞌhuërënamën ahuëtaton, iquipitoroꞌsa minsëarin. Napoaton co huachi onporo tëranta inapita quënanaramahuëꞌ, itërin.

Éxodo 33:16

Quëma chachin caꞌtanpatancoi, yaꞌipi iso parti yaꞌhuëpisopita, nohuitarinacoi. Piyapinënpitacoi nicatoi nishatëraisonta nitotapi. Inapotohuatancoi, naporo huarëꞌ co aꞌnapita nacionoꞌsa pochin nisaraihuëꞌ, itërin.

Isaías 1:2

Piꞌiroꞌtëquë, isoroꞌpaquë, inaquëpita yaꞌhuëramasoꞌ, yaꞌipinquëma Sinioro noninso natancoꞌ: “Huiꞌnahuëpita huaꞌhuishin quëran huarëꞌ asoꞌsorahuë. Inapotopirahuëꞌ, inahuaso co natërinacohuëꞌ.

Isaías 32:2

Aꞌnaya aꞌnaya, ihuan naꞌpitiinan pochin paꞌpoyatapi. Maꞌsha onpocaso tahuëri nipachin, catahuatapi. Yaniroquë sharoꞌsa opotacaiso marëꞌ cashapiso pochin nisapi. Panca natëtë inotëroquë, piꞌi yaꞌcopirinso pochin nisapi.

Isaías 41:10

Ama manta tëꞌhuacosohuëꞌ, caꞌtanaranquëmaꞌ. Ama paꞌyancosohuëꞌ. Caso Yosëco niꞌsáranquëmaꞌ. Carinquëma achiniatënquëma catahuaranquëmaꞌ. Chiníquën nanantato inchinanëhuë quëran sëꞌquëaranquëmaꞌ.

Isaías 41:14

Canpitaso israiroꞌsanquëmaꞌ, co naꞌashanquëmahuëꞌ. Chaꞌcho co chinirinsohuë pochin nipiramahuëꞌ, carima chachin catahuaranquëmaꞌ. Caso Yosëco noyasáchin ninahuë niꞌton, chinotëramaco. Carinquëma nichaꞌësaranquëmaꞌ.

Isaías 63:10

Israiroꞌsaso napoaponahuëꞌ, co Sinioro yanatëpihuëꞌ. Inasoꞌ noyasáchin nipirinhuëꞌ, noꞌhuipi. Napotopiso marëꞌ inimiconënpita pochin nicaton, ahuërin.

Jeremías 1:19

Inapitaso ahuëapirinënhuëꞌ, co minsëarinënhuëꞌ. Carinquën caꞌtanatënquën aꞌpaiaranquën niꞌton, co minsëarinënhuëꞌ. Ca Sinioroco noꞌtëquën shaꞌhuitaranquën,” itërinco.

Daniel 9:5

Tëhuënchachin quiyasoꞌ co noyahuëꞌ nicatoi oshahuanai. Co costaransohuëꞌ ninai. Co quëma yaꞌhuëransohuë pochin cancantatoi yaꞌhuërai. Camaitëransopita, shaꞌhuiransopita, inapita aꞌporai.

Daniel 9:9

Quëmaso napoaponahuëꞌ, Yosënëhuëinquën niꞌton, nosorocoi. Nosoroatoncoi nichaꞌëcoi. Quiyasoꞌ co natëtëinquënhuë, pënënancoisopita co natanaihuë pochin ninai. Pënëntonaꞌpiroꞌsa quëran aꞌchintopirancoihuëꞌ, co natëraihuëꞌ.

Números 13:30

Naporoꞌ Caripisoꞌ, israiroꞌsa Moisësë notënanquë nisapiso acopitahuaton, itapon: —¡Huëco iyaroꞌsa paꞌahuaꞌ! Yaꞌhuëhuanoꞌsa canarahuatëhuaꞌ, noꞌpanëna matahuaꞌ. ¡Canpoari noya minsëarihuaꞌ! itërin.

Números 20:2

Inaquënta capa iꞌsha niantahuachina, israiroꞌsaso niyontonahuatonaꞌ, Moisësë, Aaron inapita noꞌhuitona noncarotaantapi:

Números 24:8

Tanan ohuacasoꞌ noꞌhuitohuachina, pomonën quihuirin. Inapochachin israiroꞌsantaꞌ, Yosëri chiníquën nanantaton Iquipito quëran ocoirin niꞌton, inasáchin quihuípi. Israiroꞌsasoꞌ, nisha nisha nacionoꞌsa canaponaꞌ. Maꞌsha capatë pëꞌyarëso pochin inimicoroꞌsa nitaponaꞌ. Nansëna paꞌqui paꞌquitatonaꞌ, pëꞌchinan shinërënëna quëran papito papitotaponaꞌ. Ina pochin inimicoroꞌsa nitaponaꞌ.

Mateo 1:23

“Aꞌna tahuëri nanon inaora cayoapon. Co quëmapiri sëꞌhuapirinhuëꞌ, napoapon. Quëmapiaꞌhuaya huaihuachin, Imanino itapi,” tënin. Yosë chachin oꞌmaton, yacaparinpoaꞌ, tapon naporin. Ina pochin nasitimahuachina, iráca ninopisoꞌ nanirin huachi.

Romanos 8:31

Ina pochin Yosë yonquirinpoaꞌ niꞌquëhuarëꞌ, co insonta nanitërinhuë minsëinpoasoꞌ.

Deuteronomio 31:6

Ama tëꞌhuatoma nisha nisha cancantocosohuëꞌ. Inapitarëꞌquëma niahuëhuatamaꞌ, ama manta paꞌyancosohuëꞌ. Sinioronënpoasoꞌ Yosë niꞌton, catahuararinquëmaꞌ. Co onporonta patarinquëmahuëꞌ. Co naniantarinquëmahuëꞌ,” itërin Moisësëri.

Deuteronomio 31:8

Sinioro chachin quëchintaton noꞌtëquën quëpaarinquën. Co onporonta patarinquënhuëꞌ. Co naniantarinquënhuëꞌ. Napoaton ama manta tëꞌhuatëquësohuëꞌ,” itërin Moisësëri.

Deuteronomio 32:42

Pëꞌchinan shinërëquë inimicoroꞌsa tëpahuatëra, huënaisáchin shinërëroꞌsa acorëꞌ. Inapochachin anaꞌintohuato co insonta chaꞌësarinhuëꞌ. Sahuëninëhuë quëran inapita tiquiarahuë. Acaniaꞌpitopisopita, topinan mapisopita, yaꞌipi inapita tëparahuë. Ainëna aꞌpamapisopitaquë huarëꞌ tëparahuë,’ tënahuë,” tënin.

Deuteronomio 7:18

Ama inapita yonquiatoma tëꞌhuacosohuëꞌ. Sinioronënpoasoꞌ Yosë niꞌton, Iquipito copirno piyapinënpitarë chachin co oshatarinhuëꞌ minsëapon. Ina yonquicoꞌ.

Deuteronomio 7:21

Napoaton ama tëꞌhuatatoma ropatocosohuëꞌ. Sinioronënpoasoꞌ Yosë niꞌton, chini chiníquën nanantërin. Naporahuaton paꞌpi tëꞌhuatoroꞌ. Ina chachin canpitasoꞌ catahuaarinquëmaꞌ.

Deuteronomio 9:7

Naquëranchin Moisësëri israiroꞌsa nontaantarin: “Inotëro parti paasëmaꞌ, Sinioro tëhuëtëramasoꞌ ama naniantocosohuëꞌ. Iquipito quëran pipirama quëran isëquë canquiama huarëꞌ co natantochináchinhuëꞌ cancantëramaꞌ. Ina pochin cancantatoma Sinioro tëhuëtëramaꞌ.

Filipenses 1:27

Iporasoꞌ iyaroꞌsaꞌ nóya nicoꞌ. Quisocristo nanamën yonquiatomaꞌ, ina pochachin cancantocoꞌ. Yosë huëntonënquë yaꞌconamaꞌ niꞌton, ina pochin cancantacasoꞌ yaꞌhuërin. Nicaponquëmaꞌ paꞌsamarahuë. Co aꞌnaꞌ nanitapohuëꞌ nimara. Ina niponahuëꞌ, nani tahuëri noya nicoꞌ noya nanan natanchi. Yaꞌipinquëmaꞌ, iyaroꞌsaꞌ, imamiatocoꞌ. Ama aꞌnayanquëma tërantaꞌ nisha yonquicosohuëꞌ. Napopináchin yonquiatomaꞌ, Quisocristo nanamën aꞌchinácoꞌ. Inapohuatamaꞌ, natantohuato, nóya cancantarahuë huachi.

Josué 1:5

Nanpisënquën, co inso tëranta nanitarinhuëꞌ minsëinquënsoꞌ. Moisësë catahuarahuëso pochachin quëmanta catahuaranquën. Co naniantaranquënhuëꞌ. Co pataranquënhuëꞌ.