Números 14:8 - Chayahuita (Shahui)

⁸ Sinioro noya niꞌpachinpoasoꞌ, catahuarinpoa inaquë yaꞌconacasoꞌ. Ina chachin ina noꞌpaꞌ quëtarinpoaꞌ. Ina noꞌpaquësoꞌ, maꞌsha noya noyatërin. Co manta pahuaninhuëꞌ.

Números 14:8 ပူးပေါင်းရင်းမြစ်များ

2 Samuel 22:20

Inimicoroꞌsa quëran nichaꞌëranco niꞌton, co tëparinacohuëꞌ. Nosororanco niꞌton, nichaꞌëranco.

1 Reyes 10:9

Sinioroso Yosënën niꞌton, noya nicatënquën acorinquën israiroꞌsa huaꞌanëntamaso marëꞌ. Inasoꞌ, israiroꞌsa nosororinsoꞌ co onporonta nishatarinhuëꞌ. Napoaton, noꞌtëquën huaꞌanëntacaso marëꞌ acorinquën. ¡Ma noyacha Sinioroso paya!” itërin.

2 Reyes 18:32

Ina piquëran aꞌna roꞌtëꞌpaꞌ quëpaponquëmaꞌ. Iso noꞌpanëma pochin nininꞌpaꞌ quëpaponquëmaꞌ. Inaquë pan nicacaso marëꞌ trico noya noyatërin. Huinonta nicacaso marëꞌ opa noya noyatërin. Oripontaꞌ noyatërin niꞌton, notohuaroꞌ toma ocoipi. Ninointa co pahuaninhuëꞌ. Inaquë paꞌpatamaꞌ noya yaꞌhuëaramaꞌ. Co chiminaramahuëꞌ. Isiquiasëso pënënatënquëmaꞌ: ‘Sinioro nichaꞌësarinpoaꞌ,’ itárinquëmaꞌ. Napotatënquëma inasoꞌ, nonpintárinquëmaꞌ. Napoaton co ina natëamaso yaꞌhuërinhuëꞌ.

Salmos 22:8

Napoatonaꞌ: “ ‘Yosë natërahuë niꞌton, catahuaponco,’ tënin niꞌquëhuarëꞌ, inari nichaꞌëin. Nosororin niꞌquëhuarëꞌ, nichaꞌëin,” topi nonatonaꞌ.

Números 13:27

Ina quëran Moisësë itaponaꞌ: —Iꞌhua aꞌparancoisoꞌ, nani noꞌpaꞌ niꞌcontarai. Tëhuënchachin inaquësoꞌ, co manta pahuaninhuëꞌ. Maꞌtana nitërinsopita quëmaraisoꞌ niꞌcoꞌ.

Romanos 8:31

Ina pochin Yosë yonquirinpoaꞌ niꞌquëhuarëꞌ, co insonta nanitërinhuë minsëinpoasoꞌ.

Deuteronomio 10:15

Inaso niponahuëꞌ, shimashonëmapita nosoroaton huayonin. Canpitaso inapita shinpitanquëma niꞌton, huayoninquëmaꞌ. Aꞌnapita piyapiroꞌsa quëran noya noya nicatënquëma napotërinquëmaꞌ. Ipora naporamaso chachin ninin.