Números 14:5 - Chayahuita (Shahui)

⁵ Moisësë, Aaron, inapitaso ina niꞌsahuatonaꞌ, piyapiꞌsa notënanquë isonpi. Isonpi quëran, noꞌpaquë huarëꞌ monshopi.

Números 14:5 ပူးပေါင်းရင်းမြစ်များ

Génesis 17:3

Naporoꞌ Apransoꞌ, isonin. Isonin quëran, noꞌpaquë huarëꞌ monshomarin. Inapoaso Yosëri shaꞌhuitaantarin:

1 Reyes 18:39

Ina nicatona yaꞌipi niꞌtërantapisopita isonpi. Noꞌpaquë huarëꞌ monshorahuatonaꞌ: “¡Siniorocha Yosëso paya!” topi.

Números 14:6

Cosoi, Caripi, inapitaso nipirinhuëꞌ, panca sëtatona aꞌmopiso oshapi. Inapitanta Canaan noꞌpaꞌ nohuitapona paꞌpisoꞌ.

Números 20:6

Ina natanatonaꞌ, Moisësë, Aaron, inapitaso piyapiꞌsa patopi. Patahuatona Yosë chinotacaso pëi yaꞌcoanaquë, pantapi. Inaquë isonpi quëran noꞌpaquë huarëꞌ monshorahuatonaꞌ, Sinioro chinotopi. Naporoꞌ Sinioro huënaratërinsoꞌ, yaꞌnorin.

Mateo 26:39

Amashamiachin paꞌsahuaton, isonconin. Noꞌpaquë huarëꞌ monshomarahuaton, Yosë nontërin: “Quëma nohuantohuatan Tata, nichaꞌëco ama maꞌsha onpoꞌisohuëꞌ. Main oꞌorëso pochin parisitaꞌhuasoꞌ yaꞌhuërin. Co parisitaꞌhuasoꞌ nohuantopirahuëꞌ, quëma nohuantohuatan, noya, tënahuë. Noꞌtëquën yanatëranquën,” itërin.

Josué 5:14

Napotohuachina, inariso itapon: —Co canpita catahuaranquëmahuëꞌ. Co inimiconëma tëranta catahuarahuëꞌ. Sinioro sontaronënpita huaꞌanënco nicato oꞌmarahuë, itërin. Ina natanaton, Cosoiso isonin quëran noꞌpaquë huarëꞌ monshorin. Monshorinquëranchin nataantarin: —Caso quëma piyapinën pochinco ninahuë. ¿Maꞌta Sinioro nohuantëran nicaꞌhuasoꞌ? itërin.

Apocalipsis 4:10

ansianoꞌsantaꞌ Yosë yonquiapi. “Tëhuënchachin huaꞌanëntërinpoaꞌ. Co onporontaꞌ chimianinhuëꞌ,” taꞌtonaꞌ, cato shonca catapini chachin isonahuatonaꞌ, chinotapi: “Quëmasáchin nóyanquën,” itatonaꞌ, Yosëri ayancotërinsoꞌ, shiranën notënanquë acoantapi. Chinotatonaꞌ, itaponaꞌ:

Apocalipsis 5:14

—Naporinchi paya. Tëhuënchachin inasáchin natëahuaꞌ, topi catapini maꞌsharoꞌsa pochin nininsopitantaꞌ. Ansianoꞌsantaꞌ isonahuatonaꞌ, chinotapi.

Apocalipsis 7:11

Inaquë Yosë chachin huaꞌanëntacasoꞌ shiranënquë huënsëarin. Ansianoꞌsaꞌ, catapini maꞌsharoꞌsa pochin nininsopita, inapitari tancapitopi. Ina tahuirinquë notohuaroꞌ anquëniroꞌsaꞌ huaniapi. Chinotopisoꞌ natanahuatonaꞌ, inapitantaꞌ isonahuatonaꞌ, Yosë chinotapi: