Números 14:45 - Chayahuita (Shahui)

⁴⁵ Naporoꞌ amaricoroꞌsaꞌ, cananoꞌsaꞌ, inapita ninanonëna quëran pipirahuatonaꞌ, israiroꞌsa ahuëimapi. Nitaꞌatohuachinara Orma ninanoquë huarëꞌ imaquimapi. Naporoꞌ israiroꞌsa ahuëatona canamiatopi.

Números 14:45 ပူးပေါင်းရင်းမြစ်များ

Salmos 89:43

Sahuëninën achiꞌmotatë pochin nitëran. Ahuëtohuachinantaꞌ, co huachi catahuaranhuëꞌ.

Éxodo 17:16

Ina quëran taantarin: “Sinioro pantiranën sëꞌquëárahuë niꞌton, Yosëri amaricoroꞌsa shinpita ahuërápon,” tënin.

Números 13:29

Amaricoroꞌsaso nipirinhuëꞌ, Niquipi parti yaꞌhuëpi. Yaꞌhuërëꞌ itiroꞌsaꞌ, amororoꞌsaꞌ, quiposoroꞌsaꞌ, inapitaso motopiroꞌsa parti yaꞌhuëpi. Cananoꞌsaso nipirinhuëꞌ, Cortaniiꞌ yonsan parti yaꞌhuërahuatonaꞌ, marë yonsanquë huarëꞌ yaꞌhuëpi, itopi.

Números 14:43

Amasha paꞌpatamaꞌ, amaricoroꞌsaꞌ, cananoꞌsa inapita quënancontaramaꞌ. Yosë nani aꞌporama niꞌton, inapitarëꞌquëma niahuëhuatamaꞌ, tiquiarinënquëmaꞌ, itërin Moisësëri.

Números 21:3

Napopiso chachin Siniorori, cananoꞌsa minsëcaisoꞌ catahuarin. Yaꞌipi inapita ataꞌhuantahuatonaꞌ, ninanonënapitantaꞌ, ataꞌhuantomiatopi. Napoaton ina parti Orma itopi.

Deuteronomio 32:30

Napoaton israiroꞌsa napotërahuë: Tëhuënchachin mini tananpitëranquëmaꞌ. Napoaton aꞌnaíchin inimico sontaro nipirinhuëꞌ, huarancanquëma nitaꞌatërinquëmaꞌ. Catoyáchinta nipirinahuëꞌ, shonca huarancanquëma nitaꞌatërinquëmaꞌ. Carinquëma aꞌpaiápiranquëmahuë tananpitëranquëma niꞌton, ca nohuanto inimicoroꞌsa minsërinquëmaꞌ,’ itërahuë,” tënin.

1 Samuel 4:2

Huiristinoꞌsa ahuëtacaiso caniaritopi. Niahuëhuachinara inapitari israiroꞌsa canapi. Catapini huaranca Israiro sontaroꞌsa tëpapi.