Números 14:43 - Chayahuita (Shahui)

⁴³ Amasha paꞌpatamaꞌ, amaricoroꞌsaꞌ, cananoꞌsa inapita quënancontaramaꞌ. Yosë nani aꞌporama niꞌton, inapitarëꞌquëma niahuëhuatamaꞌ, tiquiarinënquëmaꞌ, itërin Moisësëri.

Números 14:43 ပူးပေါင်းရင်းမြစ်များ

Isaías 63:10

Israiroꞌsaso napoaponahuëꞌ, co Sinioro yanatëpihuëꞌ. Inasoꞌ noyasáchin nipirinhuëꞌ, noꞌhuipi. Napotopiso marëꞌ inimiconënpita pochin nicaton, ahuërin.

Números 13:29

Amaricoroꞌsaso nipirinhuëꞌ, Niquipi parti yaꞌhuëpi. Yaꞌhuërëꞌ itiroꞌsaꞌ, amororoꞌsaꞌ, quiposoroꞌsaꞌ, inapitaso motopiroꞌsa parti yaꞌhuëpi. Cananoꞌsaso nipirinhuëꞌ, Cortaniiꞌ yonsan parti yaꞌhuërahuatonaꞌ, marë yonsanquë huarëꞌ yaꞌhuëpi, itopi.

Números 14:25

Amaricoroꞌsaꞌ, cananoꞌsaꞌ, inapitaso canonamatëroꞌsaquë yaꞌhuëpi. Canpitaso nipirinhuëꞌ, tahuërëantarahuatomaꞌ, tashiraya chachin inotëro parti paꞌtomantacoꞌ. Quëhuai marë parti paꞌmantacoꞌ, itërin.

Números 14:42

Co huachi Sinioro catahuarinquëmahuë niꞌton, ama aquëtë pacosohuëꞌ. Inimicoroꞌsa minsëchinquëmaꞌ.

Números 14:44

Napotopirinhuëꞌ, inapitaso onpopionta paꞌpi. Canaan motopiroꞌsa parti ahuëtacaiso marëꞌ paꞌpi. Siniororëꞌ anoyatopiso caposonënsoꞌ, co quëpapihuëꞌ. Co Moisësë tëranta paꞌninhuëꞌ. Yaꞌhuëpiquëranchin yaꞌhuërapi.

Jueces 16:20

Nani yaꞌihuachina ochinaantarin: —¡Pashi tëquë Sanson! ¡Huiristinoꞌsa ahuëarinquën! itërin. Inaso napoaponahuëꞌ, capayatahuaton tapon: “Iꞌhua pochin naquëranchin chaꞌëantarahuë,” tënin. Napopirinhuëꞌ, Siniorori tananpitërinso co nitotërinhuëꞌ.