Números 14:42 - Chayahuita (Shahui)

⁴² Co huachi Sinioro catahuarinquëmahuë niꞌton, ama aquëtë pacosohuëꞌ. Inimicoroꞌsa minsëchinquëmaꞌ.

Números 14:42 ပူးပေါင်းရင်းမြစ်များ

Salmos 89:43

Sahuëninën achiꞌmotatë pochin nitëran. Ahuëtohuachinantaꞌ, co huachi catahuaranhuëꞌ.

Números 14:43

Amasha paꞌpatamaꞌ, amaricoroꞌsaꞌ, cananoꞌsa inapita quënancontaramaꞌ. Yosë nani aꞌporama niꞌton, inapitarëꞌquëma niahuëhuatamaꞌ, tiquiarinënquëmaꞌ, itërin Moisësëri.

Deuteronomio 31:17

Napoaponahuëꞌ, inapopiso marëꞌ carinta chiníquën noꞌhuito tananpitarahuë. Manta tëranta yaꞌhuëpachinantaꞌ, co huachi inapita yonquiarahuëꞌ. Paꞌpi parisitatona naporo huarëꞌ: ‘Tëhuënchachin Sinioro aꞌporinpoa niꞌton, poꞌsarëhuaꞌ,’ tëcaponaꞌ.

Jueces 16:20

Nani yaꞌihuachina ochinaantarin: —¡Pashi tëquë Sanson! ¡Huiristinoꞌsa ahuëarinquën! itërin. Inaso napoaponahuëꞌ, capayatahuaton tapon: “Iꞌhua pochin naquëranchin chaꞌëantarahuë,” tënin. Napopirinhuëꞌ, Siniorori tananpitërinso co nitotërinhuëꞌ.