Números 14:39 - Chayahuita (Shahui)

³⁹ Yaꞌipi Sinioro naporinso Moisësëri israiroꞌsa shaꞌhuitohuachina, paꞌpi sëtopi huachi.

Números 14:39 ပူးပေါင်းရင်းမြစ်များ

Números 14:28

Napoaton quëma Moisësë paꞌsahuaton, yaꞌhuërënamëhuë israiroꞌsa shaꞌhuitonquë: “Caso Sinioroco nanpiárahuë niꞌto, noꞌtëquën nontaranquëmaꞌ. Nonatoma naporamaso chachin, co nanitaramahuëꞌ Canaanquë yaꞌconacamasoꞌ. Iꞌhua chachin nipichiramaquë, cato shonca piꞌipitëramasoꞌ quëran huarëꞌ pichirinënquëmaꞌ. Ina naponquëma chachin pochin, pinoramaco niꞌton, iso inotëro parti chachin chiminaramaꞌ. Chiminpatamaꞌ, nansëquëma notëntërantapon.

Números 14:38

Cosoi, Caripi, inapitaso nipirinhuëꞌ, co chiminpihuëꞌ.

Mateo 8:12

Aꞌnaquëmaso nipirinhuëꞌ, “Quiyantaꞌ Yosë piyapinënpitacoi,” topiramahuëꞌ, co natëramahuëꞌ niꞌton, co huaꞌanëntërinquë yaꞌconaramahuëꞌ. Tashinanquë tëꞌyatarinquëmaꞌ. Inaquë naꞌnëaramaꞌ, chiníquën parisitarama huachi, itërin Quisosori.

Hebreos 12:17

Ina piquëran yonquiantapirinhuëꞌ. “Yosë naꞌcon catahuainco,” tantapirinhuëꞌ, co huachi Yosëri nohuantërinhuëꞌ. Chiníquën sëtaton naꞌnëpirinhuëꞌ, iráca aꞌporinsoꞌ co huachi nanitërinhuëꞌ anoyatacasoꞌ. Ina yonquiatomaꞌ, niꞌcona Yosë naniantotamaꞌ.