Números 14:14 - Chayahuita (Shahui)

¹⁴ Ina nitotatonaꞌ, Canaan parti yaꞌhuëꞌpisopita shaꞌhuitaponaꞌ. Inahua chachionta nani natantopi yaꞌhuërai huáncana yaꞌhuëransoꞌ. Piyapi capini ninontopiso pochin ninontërësontaꞌ, nitotopi. Paꞌpatoira naporopi chitoroquë quëchitëransonta nani nitotopi. Tashinta nipachina, ina chitoro chachin pën pochin huënaratërinsoꞌ, inanta nitotopi.

Números 14:14 ပူးပေါင်းရင်းမြစ်များ

Génesis 32:30

Napoaton Cacoposoꞌ ina roꞌtë aninihuanin: “Pinoiro,” itërin. “Isëquë chachin, Yosë nirayarahuë. Ina niponahuëꞌ co chiminahuëꞌ,” taꞌton, ina pochin ina roꞌtë nohuitërin.

Nehemías 9:12

Piyapinënpitasoꞌ quëpahuatana, naporopi chitoro aquëchitëran. Tashinta paꞌpachinara ina chachin, pën pochin huënaratërarin. Noya pacacaiso marëꞌ aꞌpintërarin.

Salmos 105:39

Panca chitoroquë yaꞌcopiatë pochin Yosëri piyapinënpita nitërin. Tashinta aꞌpintacaso marëꞌ ina chitoro chachin pën pochin acorin. Nosha nohuantohuachinara, ocoron pochin nininsoꞌ, huaꞌhuayátërahuë aꞌpatiirin.

Éxodo 15:14

Nisha nisha nacionquë yaꞌhuëpisopita, paꞌyanaponaꞌ. Naporanso natantohuachina napoaponaꞌ. Huiristinoꞌsa huaꞌhua iquitopiso pochin, cancantaponaꞌ.

Éxodo 33:11

Yosëso Moisësë yanontohuachina, inaora chachin nontërin. Nipayarëhuasoꞌ nontërëso pochin ninin. Nani ninontohuachinara, Moisësëso yaꞌhuëpiquë huëantarin. Piyapinën Cosoi itopisoso nipirinhuëꞌ, co onporonta ina quëran pipichininhuëꞌ. Cosoisoꞌ, Non huiꞌnin. Naporoꞌ inasoꞌ, co saꞌayátërarinhuëꞌ.

Éxodo 33:16

Quëma chachin caꞌtanpatancoi, yaꞌipi iso parti yaꞌhuëpisopita, nohuitarinacoi. Piyapinënpitacoi nicatoi nishatëraisonta nitotapi. Inapotohuatancoi, naporo huarëꞌ co aꞌnapita nacionoꞌsa pochin nisaraihuëꞌ, itërin.

Éxodo 40:38

Israiroꞌsa pipipi quëran chinopiquë canconai huarëꞌ Sinioronta inapitarëꞌ paꞌsarin. Tahuëri nipachina, Yosë chinotacaso marëꞌ nëꞌmëtë pëi ótënpiso aipi, chitoro quënanpi. Tashinta nipachina, ina chachin pën pochin huënaratërin niꞌpi.

Números 10:34

Tahuëri nipachina ipora paasoi chachin Sinioro chitoronën israiroꞌsa notënanquë paꞌsarin.

Números 12:8

Napoaton inarëꞌcosoꞌ, aꞌninquëchin nonai. Ina pochin inarëꞌco nonahuë niꞌton, co onporonta canpitaso ina pinocamaso yaꞌhuërinhuëꞌ,” itërin.

Juan 1:18

Co inquënpoa tërantaꞌ Yosë quënanëhuahuëꞌ. Huiꞌniniso nipirinhuëꞌ noyá nohuitërin. Yosë pochachin niꞌton, napopianachin yonquipi. Inasáchin Tata Yosë anohuitërinpoaꞌ.

Juan 14:9

—Isonápoꞌ piꞌipi iyasha, canpitaroꞌco yaꞌhuëpirahuëꞌ, ¿co nohuichatërarancohuëꞌ ti? Niꞌpatamaco, tatahuëntaꞌ niꞌnamaꞌ. ¿Onpoatontaꞌ nipachin, “Tata aꞌnotocoi niꞌii,” itëranco?

1 Corintios 13:12

Huaꞌna huënaratërinquë sacóshin huaꞌyanënpoꞌ quënanëꞌ. Inapochachin iporasoꞌ piꞌpisha Yosë nohuitërëhuaꞌ. Yosëꞌpaso nipirinhuëꞌ aꞌninquëchin Yosë nohuitarihuaꞌ. Iporasoꞌ co Yosë pochin yaꞌipi nitotarihuahuëꞌ. Inatohuaso nipirinhuëꞌ yaꞌipiya nitotarihuaꞌ. Yosë noyá nohuitërinpoaꞌ. Aꞌna tahuëri canpoantaꞌ inapochachin ina noya nohuitontarihuaꞌ.

Deuteronomio 34:10

Napoaponahuëꞌ, co huachi onporo tëranta israiroꞌsa yaꞌhuërinquë pënëntonaꞌpi Moisësë pochin yaꞌhuaantarinhuëꞌ. Inaíchin Siniororëꞌ aꞌninquëchin ninontërin. Siniorori camairin niꞌton, nani maꞌsha paꞌpi huëhuëpiro nininsopita Iquipito copirno anaꞌintacaso marëꞌ ninin. Ina catahuapisopita huaꞌanoꞌsaꞌ, yaꞌipi piyapinënpita, inapitanta anaꞌintacaso marëꞌ naporin. Israiroꞌsa niꞌtonënquënta chiníquën nanantaton, maꞌpitaso nicaton aꞌpayanin. Ina piquëransoꞌ, co huachi insonta ina pochin nanitaparinhuëꞌ.

Josué 5:1

Cortaniiꞌ quëran piꞌi yaꞌconinso parti noꞌpaquë, nisha nisha copirnoroꞌsa yaꞌhuëpi. Amoro copirnoroꞌsaꞌ, Canaan copirnoroꞌsaꞌ, inapita yaꞌhuëpi. Amororoꞌsasoꞌ, Cortaniiꞌ yonsan parti yaꞌhuëpi. Cananoꞌsantaꞌ, marë Pancaiꞌ parti yaꞌhuëpi. Yaꞌipi inapita natantopi: “Siniorori Cortaniiꞌ ayanirin. Inapotasoꞌ, israiroꞌsanta pëntontopi,” topi. Ina natantatonaꞌ, naꞌcon naꞌcon paꞌyanpi. Napoaton co nanitopihuëꞌ israiroꞌsa chinitacaisoꞌ.

1 Juan 3:2

Naꞌcon, iyaroꞌsaꞌ, nosororanquëmaꞌ. Iporasoꞌ Yosë huiꞌninpita pochin niꞌninpoaꞌ. Aꞌna tahuëri noya noya acoarinpoaꞌ. Onpopinsona nicarihuaꞌ nimara. Co yaꞌipi nitochatërarëhuahuëꞌ. Nipirinhuëꞌ, Quisocristo oꞌmantahuachin, nirayarihuaꞌ. Ina niꞌpatëhuaꞌ, ina pochachin nicarihuaꞌ.