Números 14:11 - Chayahuita (Shahui)

¹¹ Naporoꞌ Siniorori, Moisësë itapon: —¡Maꞌchachinta niꞌtonaꞌ, isopita yánocaninaco! Inapita catahuaꞌhuaso marëꞌ nani maꞌsha sacai nininsopita nipirahuëꞌ, ¡co yanatërinacohuëꞌ!

Números 14:11 ပူးပေါင်းရင်းမြစ်များ

Salmos 95:8

“Iráca inotëro parti shimashonëmapita huëcasoiꞌ, Miripaquë, Masaquë, inaquëpita co natërinacohuëꞌ. Ama inapita napopiso pochin nicosohuëꞌ.

Éxodo 10:3

Yosëri napotërinso chachin Moisësë, Aaron, inapita copirno nicapona paꞌpi. Quënanconahuatonaꞌ, itaponaꞌ: “Naporin Yosë: ‘¿Onporo huarëta tëꞌhuatatonco natëponco? Piyapinëhuëpita chinotinacoso marëꞌ aꞌpaquë paꞌinaꞌ.

Éxodo 16:28

Napohuachina Siniorori, Moisësë itapon: —Nani pënënpirahuëꞌ. Nani aꞌchintopirahuëꞌ. ¿Onporo huarëta natëponaco?

Éxodo 32:9

Ina tosahuaton, taantarin: —Israiroꞌsa niꞌsápato: Tëhuënchachin inapitasoꞌ, co natantochináchinhuëꞌ cancantopi, tënahuë.

Proverbios 1:22

“Aꞌnaquëmasoꞌ, co chinoton yonquiátëraramahuëꞌ. ¿Onporo huarëta co chinotonhuëꞌ yonquiramaso naniantapomaꞌ? Aꞌnaquëmantaꞌ, narinatoma tëhuacamasoráchin cancantaramaꞌ. ¿Onporo huarëta ina pochin cancantëramaso aꞌpoapomaꞌ? Apínapichin yonquiramasopitantaꞌ, ¿Onporo huarëta nitoton nicacamaso nohuantapomaꞌ?

Números 14:27

—Israiroꞌsa co noyahuëꞌ cancantatonaꞌ, naꞌcon pinorinaco niꞌton, ¡co huachi ahuantërahuëꞌ! Yaꞌipi pinorinacosopita nani natanahuë.

Mateo 17:17

—¡Maꞌhuantacha ninama paya! Canpitasoꞌ co Yosë natëramahuëꞌ. Co natëtochináchinhuëꞌ cancantëramaꞌ. Nani huaꞌquiꞌ aꞌchintopiranquëmahuëꞌ, ¿onporo huarëtaꞌ yanatëramaco? itahuaton, —Huaꞌhuasha quëshico, itërin Quisosori.

Marcos 9:19

—¡Maꞌhuantacha ninama paya! Canpitasoꞌ co Yosë natëramahuëꞌ. Co natantochináchinhuëꞌ cancantëramaꞌ. Nani huaꞌquiꞌ aꞌchintopiranquëmahuëꞌ, ¿onporo huarëtaꞌ yanatëramaco? Huaꞌhuasha quëshico, itërin Quisosori.

Juan 10:38

Co yanatëpiramacohuëꞌ, nani maꞌsha Yosë pochin ninahuë niꞌton, natëco. Ina quëran nitotarama Tata Yosë pochachin ninahuësoꞌ. Tata Yosëntaꞌ ca pochachin ninin, itërin.

Juan 12:37

Nani naꞌa piyapiꞌsaꞌ aꞌnaroáchin anoyatërin. Cosharoꞌ anaꞌatërin. Yosë pochin nininsoꞌ nicaponaraihuëꞌ, co yanatëpihuëꞌ.

Juan 15:24

Naꞌa piyapiꞌsaꞌ aꞌnaroáchin anoyatërahuë. Nani maꞌsha Yosë pochin ninahuë. Aꞌnapita piyapiꞌsasoꞌ co nanitapapihuëꞌ. Yosë anohuitaꞌhuaso marëꞌ sacaiꞌ nininsoꞌ aꞌnotërahuë. Co aꞌnotërahuëꞌ naporini, co ina marëꞌ oshahuaintonahuëꞌ. Nani nicaponaracohuëꞌ, noꞌhuirinaco. Tata Yosëntaꞌ noꞌhuipi.

Hebreos 3:16

¿Inpitataꞌ natanaponaraihuëꞌ, co yanatëpihuëꞌ? Coꞌta cotioroꞌsa chachin napopi. Moisësëri Iquipito quëran ocoirahuaton, quëpapirinhuëꞌ, co yanatëpihuëꞌ.

Hebreos 3:18

Coꞌhuara chimiyantërasoihuëꞌ, Yosëri shaꞌhuitërin: “Noyaroꞌpaꞌ yaquëtopiranquëmahuëꞌ, co natëramacohuëꞌ niꞌquëhuarëꞌ, co onporontaꞌ inaquë yaꞌhuëcontaramahuëꞌ, Co inaquë sano cancantaramahuëꞌ. Ca Yosëco niꞌto, noꞌtëquën shaꞌhuitaranquëmaꞌ,” tënin.

Hebreos 3:8

Ama naniantocosohuëꞌ. Iráca Moisësëri israiroꞌsaꞌ quëpahuachina, shimashonënpoaꞌ co natëtochináchinhuëꞌ cancantopi. Inotëro parti yaꞌhuasoiꞌ, naꞌcon catahuapirahuëꞌ, co natërinacohuëꞌ.