Números 13:33 - Chayahuita (Shahui)

³³ Panca piyapi Anaco itopisoꞌ shinpitanta quënanai. Inapita pirayan huanihuatoira, sëquërëya pochin ninatanai. Inapitanta nicatoncoi, ina pochin cancantërinacoi, itopi.

Números 13:33 ပူးပေါင်းရင်းမြစ်များ

Génesis 6:4

Yosë huiꞌninpitari ina sanapiroꞌsa macatonaꞌ, huiꞌnahuanpi. Huiꞌnahuanpachinara, panca piyapiroꞌsa yaꞌhuërin huachi. Ina quëran inapitasoꞌ, iráca quëran huarëꞌ huaꞌanoꞌsa nahuinpisopita yaꞌhuëpi.

Isaías 40:22

Yosësoꞌ, piꞌiroꞌtë tahuirinso aipi huaꞌanëntarin. Inatohua quëran canpoasoꞌ sëquërë pochin niꞌninpoaꞌ. Naꞌicaso marëꞌ nëꞌmëtë ótënëso pochin piꞌiroꞌtënta ótënin. Nëꞌmëtë pëi ótënatë pochin nitërin.

Números 13:28

Napoaponahuëꞌ, yaꞌhuëhuanoꞌsaso chini chiníquënoꞌsa pochin yaꞌnopi. Ninanonënapitantaꞌ, pancana. Pairapipisonta inápa nisahuaton tanónën. Naporahuaton panca piyapi Anaco itopisoꞌ shinpitanta quënanai.

Números 14:1

Ina natanatona israiroꞌsasoꞌ, co napion cancantatonaꞌ, “yai,” topi. Chiníquën naꞌnëchináchin tahuërianpitopi.

Deuteronomio 9:2

Inaquë yaꞌhuëpisopitasoꞌ, panca piyapiroꞌsa nipi. Panca piyapi Anaco itopisoꞌ shinpita pochin niconpi. Canpitaso napopisoꞌ nani natantëramaꞌ: ‘Panca piyapi Anaco shinpitasoꞌ, co insoari tëranta minsëarinhuëꞌ,’ topi.

1 Samuel 17:24

Ina nicatona Israiro sontaroꞌsasoꞌ paꞌpi tëꞌhuatopi. Tëꞌhuatatona pinëna quëran paꞌsa paꞌsapi. Napoatona ninapotapi: “¡Niꞌcoꞌ! ¡Ina sontaro chachin pipiantarin! ¡Anoꞌhuitiinpoaso marëꞌ napoárin! Napoápirinhuëꞌ, insoari tëranta ina canahuachin, copirnori notohuaroꞌ maꞌsha paꞌton nininsoꞌ quëtapon. Ina quëtahuaton aꞌnara huiꞌnin nanon yaꞌhuëtërinsoꞌ, acoantapon. Naporahuaton ina quëmopinënpitasoꞌ, co huachi copirno marëꞌ pahuërëtáponahuëꞌ,” tosapi.

1 Samuel 17:42

Coriatori Tapi niꞌpirinhuëꞌ, quëhuashin aintahuaton, noyapin noyapin niꞌtërin niꞌnin. Ina pochin nicaton nocanin.