9-16 (-)
Apraan nontërinso tonitahuaton, Yosëso ina quëran paꞌnin huachi.
Apraan nontërinso toquitahuaton, Sinioroso paꞌnin huachi. Apraaontaꞌ, nëꞌmëtë pëinënquëꞌpaꞌ panantarin.
Ina quëran huaꞌquimiachin tananpitarahuë: ‘Oshahuanëhua niꞌton, Sinioro poꞌtërinpoaꞌ,’ taꞌcaihuarëꞌ catahuaantarahuë. Parisitatona co napion cancantohuachinaꞌ, oshanëna inquitaꞌhuaso marëꞌ yoníponaco,” tënin.
Aꞌna tahuëri israiroꞌsa nisha nisha parisitatona amipi huachi. Amiatonaꞌ, Sinioro pinopi. Inaso natanahuaton, chiníquën noꞌhuitërin. Noꞌhuitaton, yaꞌnatiirinso nëꞌmëtë pëiroꞌsa ahuiquitacaso marëꞌ pën aꞌpatimarin.
Israiroꞌsasoꞌ saꞌina huiꞌninpitarë chachin nëꞌmëtë pëinëna yaꞌcoanaquë naꞌnërápi. Napopisoꞌ Moisësë natanin. Ina natanaton, co noyahuëꞌ niꞌnin. Sinioronta napopisoꞌ nicaton, paꞌpi noꞌhuitërin.
