Números 12:2 - Chayahuita (Shahui)

² Naporahuaton: “Sinioroso co Moisësëáchin nontërinhuëꞌ, quiyanta nontërincoi chachin,” topi nonatonaꞌ. Napopiso napoaponahuëꞌ, Siniororinta natanin.

Números 12:2 ပူးပေါင်းရင်းမြစ်များ

Génesis 29:33

Naquëranchin, cayoantarahuaton, quëmapiaꞌhuaya huaiantarin. Inasoꞌ, Simion itërin. “Nocaninacosoꞌ Sinioro natanin. Natanaton catahuarinco. Napoaton aꞌna huaꞌhuasha quëtaantarinco,” taꞌton, ina pochin huaꞌhuin nohuitërin.

2 Samuel 11:27

Sëtërinso tahuëriꞌsa naꞌhuërin. Naporoꞌ Tapisoꞌ, pëinënquë quëntacaiso marëꞌ piyapinënpita camairin. Inapotaton manin. Huaꞌhuin noya nasitaponahuëꞌ, Siniororiso Tapi naporinso co noyahuëꞌ niꞌnin.

2 Reyes 19:4

Sinioroso Yosënën niꞌton, yaꞌipi nitotërin. Asiria copirnori huaꞌanoꞌsa aꞌparinsopita quëran pinorinsontaꞌ, natanin. Maꞌcha ina natanaton anaꞌintërin naporini, noya niitonhuëꞌ. Quëmanta Sinioro nontëquë yaꞌhuëarëhuasoꞌ, catahuainpoaꞌ, tënin Isiquiasë,’ itoncoꞌ,” itërin.

Éxodo 4:14

Naporinso marëꞌ Yosëri noꞌhuiton itapon: —¡Coꞌta inatohua iya masho Aaron itopiso yaꞌhuëarin! Inanta Nihui huënton quëmapi. Inaso míso nonin. Nani ayonquirahuë niꞌton, huëꞌsarin nacapiaponquën. Quënanpachinquën capa cancantarin.

Éxodo 4:30

Niyontonpachinara, Aaroni huaꞌanoꞌsa shaꞌhuitërin: —Yosë Iquipito quëran ocoinpoaso marëꞌ nani Moisësë acorin, itërin. Naporahuaton Yosëri camairinso chachin, ansianoꞌsari natëcaiso marëꞌ Moisësënta sacai nininsopita ninin.

Éxodo 5:1

Ina quëran Moisësëso Aaronë chachin, Iquipito copirno nontapona paꞌpi. Quënanconahuatona itaponaꞌ: —Israiroꞌsacoi Sinioro chinotëraisoꞌ, nanan aꞌpatatënquën naporin: “Israiroꞌsasoꞌ, piyapinëhuëpita. Aꞌpaquë inotëro parti paꞌinaꞌ, inaquë chinotatonaco capa cancanchinaꞌ,” tënin, itopi.

Éxodo 7:10

Cato chachin paꞌsahuatonaꞌ, copirno niꞌconpi. Nontohuachinara inari itapon: “Chiníquën nanantëramaso nipachin, aꞌnotoco niꞌi,” itërin. Napotohuachina Yosëri camairinso chachin nipi. Copirno, ina catahuapisopita huaꞌanoꞌsaꞌ, inapita niꞌtonënquë Aaronsoꞌ, huaranën tëꞌyatërin. Anotaso chachin yaꞌhuan taranin huachi.

Proverbios 13:10

“Caso noya noyaco,” topisopitasoꞌ, aꞌnaroáchin nanan ocoipi. Sano piyapiroꞌsaso nipirinhuëꞌ, yonquínahuan nicacaisoꞌ naꞌcon naꞌcon cancantopi.

Miqueas 6:4

Shimashonëmapita iráca Iquipitoquë chiníquën asacatatona aparisitápirinahuëꞌ, cari ocoiato nichaꞌërahuë. Naporahuaton catahuainëmaso marëꞌ Moisësë, Aaron, Maria, inapita acorahuë.

Números 11:1

Aꞌna tahuëri israiroꞌsa nisha nisha parisitatona amipi huachi. Amiatonaꞌ, Sinioro pinopi. Inaso natanahuaton, chiníquën noꞌhuitërin. Noꞌhuitaton, yaꞌnatiirinso nëꞌmëtë pëiroꞌsa ahuiquitacaso marëꞌ pën aꞌpatimarin.

Números 11:29

Inari napotohuachina, Moisësëso naporin: —¡Ama aꞌpitocosohuëꞌ! Inapitanta pënënchinaꞌ. Yaꞌipi israiroꞌsa Siniorori, ispiritonën ayaꞌcoancantërin niꞌton, ina yonquirinso shaꞌhuirapi naporini, noya noya niitonhuëꞌ.

Números 12:3

Moisësësoꞌ, yaꞌipi piyapiꞌsa quëran sano sano quëmapi ninin.

Romanos 12:10

Imaramasopita capini noya ninosorocoꞌ. Iyaparima pochin niniꞌcoꞌ. Ama “Casoꞌ noya noyaco,” tocosohuëꞌ. Aꞌnapita noya noya niꞌcoꞌ.

Romanos 12:3

Yosë nosoroatonco, acorinco piyapiꞌsaꞌ aꞌchintaꞌhuasoꞌ. Nani tahuëri catahuarinco. Napoaton pënënaranquëmaꞌ. Yaꞌipinquëmaꞌ sano yonquicoꞌ. Ama aꞌnapita nocancosohuëꞌ. Yosë nisha nisha acorinpoaꞌ. Nisha nisha catahuarinpoaꞌ maꞌsona nohuantërinsoꞌ nicacasoꞌ. Napoaton, co aꞌnapita nocanacasoꞌ yaꞌhuërinhuëꞌ. Noꞌtëquën yonquiatomaꞌ, maꞌmarësona acorinquëmasoꞌ nitotocoꞌ. Aꞌnaya aꞌnayanquëmaꞌ anitotarinquëmaꞌ.

Filipenses 2:14

Noya ninicatomaꞌ iyaroꞌsaꞌ yaꞌhuëcoꞌ. Ama ninoꞌhuicosohuëꞌ. Maꞌsona tërantaꞌ nipatamaꞌ, noya cancantatomaꞌ, nicoꞌ.

Filipenses 2:3

Aꞌnaquën chiníquën nanan nohuantopi. Inasáchin yonquiatonaꞌ, aꞌnapita nocanpi. “Casoꞌ noya noyaco,” topi yonquinëna quëran. Canpitaso nipirinhuëꞌ ama ina pochin cancantocosohuëꞌ. Aꞌnapita noya noya niꞌcoꞌ.

1 Pedro 5:5

Huiꞌnapiꞌsanquëmantaꞌ ansianoꞌsaꞌ natëcoꞌ. Yaꞌipinquëmaꞌ noya yonquiatomaꞌ, nicatahuacoꞌ. Quiricanën quëran itërinpoaꞌ: “Caora noya nisarahuë, taꞌtomaꞌ, nocantohuatamaꞌ, Yosë co noya niꞌsarinquëmahuëꞌ. Nipirinhuëꞌ, ‘Caora co nanitërahuëꞌ noya nicaꞌhuasoꞌ. Catahuaco,’ topatamaꞌ, inaora nohuanton, Yosë nóya catahuarinquëmaꞌ,” tënin.