Números 11:8 - Chayahuita (Shahui)

⁸ Anpipinansoꞌ, tricoroꞌmo tomarëꞌ tapapisoꞌ, iyapinan pochin ninin. Nani tahuëri tashiramiachin, israiroꞌsa paꞌpi ina macaponaꞌ. Aꞌnaquënso pëꞌsanatonaꞌ, pan pochin nicatona caꞌpi. Aꞌnaquëontaꞌ, amasha amasha pëꞌsanatona aꞌitopi.

Números 11:8 ပူးပေါင်းရင်းမြစ်များ

Génesis 25:29

Aꞌna tahuëri Cacopo shantë aꞌitarin. Inapoaso Isaontaꞌ, inantapon paꞌnin quëran, paꞌpi canotërin huënantarin.

Éxodo 16:23

Shaꞌhuitohuachinara Moisësëri itapon: —Ina mini Yosë nohuantërinsoꞌ: Tashiraya sahuato nisarin. Sinioro marëꞌ chinotacaso tahuëri. Cosharo manamasoꞌ, ipora chachin anpicoꞌ. Maꞌsona aꞌitamaso nininsopitantaꞌ, aꞌitochancoꞌ. Tashiraya marëpita inapotocoꞌ, itërin.

Éxodo 16:31

Israiroꞌsasoꞌ, cosharo mapiso nohuitatonaꞌ, “mana,” itopi. Inasoꞌ huiríchin, conantroraya pochin ninin. Naporahuaton cachita ninoiquë cayontopinan pochin cashi cashin ninin.

Números 11:7

Manasoꞌ, conantroraya pochachin ninin. Huiríton niponahuëꞌ, shaꞌpi shaꞌpiroton. Comoro yaqui pochin.

Números 11:9

Tashi poroncayotohuachina, mananta yaꞌhuëpiquë anotimarin.

Juan 6:27

Cosharomia aꞌnaroáchin chanatërin. Ama inasáchin nohuantocosohuëꞌ. Cosharo pochin nininsoꞌ yaꞌhuërin. Cancanëma marëꞌ quëtaranquëmaꞌ. Ina co onporontaꞌ chanatarinhuëꞌ. Yaꞌhuëtohuachinquëmaꞌ, Yosë nohuitatomaꞌ nanpimiatarama. Ina naꞌcon naꞌcon yonquicoꞌ. Yosë quëran quëmapico niꞌto, quëtaranquëmaꞌ. Ina marëꞌ Tata Yosë acorinco. Ina nohuanton, nani maꞌsha nanitaparahuë nohuitamacoso marëꞌ, itërin.

Juan 6:31

Iráca shimashonënpoapita Moisësëri Iquipito quëran quëcapon, noya cosharoꞌ mana itopisoꞌ quëtërin. “Cosharoꞌ inápa quëran oꞌmarinsoꞌ quëtërin capacaiso marëꞌ,” tënin Yosë quiricanënquë. Inotëro parti napopi, itopi.