Números 11:31 - Chayahuita (Shahui)

³¹ Ina quëran Sinioro nohuanton marë parti quëran, panca ihuan huëꞌnin. Ina huëꞌsahuaton, nisha ocoron israiroꞌsa yaꞌhuëapiquë paꞌpi notohuaroꞌ quënin. Yaporisha yanpoáporin. Aꞌna mitroíchin pochin inaparinso yanpoáporin. Yaꞌhuëpi quëran inaporinsoꞌ, aꞌna tahuëri iratërëso aquërinꞌpaꞌ huarëꞌ, inachachin paꞌnin.

Números 11:31 ပူးပေါင်းရင်းမြစ်များ

Salmos 105:40

Cosharo inápa quëran oꞌmarinsoꞌ aꞌcaton noyá anatërin.

Éxodo 10:13

Moisësësoꞌ, Yosë natëton anquirin. Anquihuachina, naporo chachin Yosë nohuanton ihuan huëꞌsarin huachi. Piꞌi pipirin parti quëran huëꞌsarin. Yaꞌipi tahuëri, yaꞌipi tashi ihuantarin. Ina ihuani chachin sëquërëꞌ quënin. Huaꞌhuayátërahuë niꞌton, yaꞌipi Iquipito roꞌtë imotërin. Iráca quëran huarëꞌ co ina nápo sëquërëꞌ niꞌchinpihuëꞌ. Aꞌna tahuërinta co huachi ina pochin yaꞌhuëantaponhuëꞌ.

Éxodo 15:10

Quëmarisoꞌ chiníquën pihuihuatana, cosharo miꞌtërëso pochin marëri miꞌtërin huachi. Iꞌ nisoꞌnantërinsoꞌ huáncana nininquë promo pochin nicotaitomapi.

Éxodo 16:13

Naporoꞌ iꞌhuaraya chachin, nisha ocoron canquirin. Huaꞌhuayátërahuë huëcatona yaꞌhuëpiso nani chachin yaꞌsotiirin. Tahuëririnquënta tashíramiachin niꞌpirinahuëꞌ, yaꞌhuëpiso nani chachin noꞌpaꞌ imotërinsoꞌ, maꞌsha poroncayo pochin quënanpi.

Números 11:30

Ina quëran Moisësëso ansianoꞌsarë chachin, yaꞌhuëpiquë paantapi.