Números 11:28 - Chayahuita (Shahui)

²⁸ Naporoꞌ Moisësë piyapinëni itapon: —¡Ama sinioro napoꞌinasohuëꞌ! ¡Shaꞌhuitëquë taꞌchinaꞌ! itërin. Moisësë piyapinënsoꞌ, Cosoi itopi. Inasoꞌ, Non huiꞌnin. Cosoisoꞌ, huiꞌnapitapon quëran huarëꞌ, Moisësë marëꞌ sacatërin.

Números 11:28 ပူးပေါင်းရင်းမြစ်များ

Éxodo 17:9

Naporoꞌ Moisësësoꞌ, piyapinën Cosoi itopisoꞌ camairin: —Amaricoroꞌsa ahuëamaso marëꞌ israiroꞌsa huayonahuaton quëpaquëꞌ. Caso nipirinhuëꞌ, motopiquë pantato Yosë huaranën quëpaarahuë, itërin.

Éxodo 24:13

Itohuachina Moisësësoꞌ, Cosoirë chachin pacacaiso marëꞌ huanipi. Naporo ansianoꞌsa itapon: —Oꞌmaꞌhuai huarëꞌ isëquëranchin ninatacoi. Aaron yaꞌhuëarin. Orinta yaꞌhuëarin. Inapita yaꞌhuapi niꞌton, catahuarinquëmaꞌ. Aꞌnaquëma nanan yaꞌhuëtohuachinquëmaꞌ, inapita shaꞌhuitoco catahuainquëma anoyatocoꞌ, itërin. Inapo shaꞌhuitahuaton cato chachin motopiꞌpaꞌ pantapi.

Éxodo 33:11

Yosëso Moisësë yanontohuachina, inaora chachin nontërin. Nipayarëhuasoꞌ nontërëso pochin ninin. Nani ninontohuachinara, Moisësëso yaꞌhuëpiquë huëantarin. Piyapinën Cosoi itopisoso nipirinhuëꞌ, co onporonta ina quëran pipichininhuëꞌ. Cosoisoꞌ, Non huiꞌnin. Naporoꞌ inasoꞌ, co saꞌayátërarinhuëꞌ.

Números 11:27

Napohuachina, aꞌnara huiꞌnapi taꞌarëꞌnachin paꞌsahuaton Moisësë shaꞌhuitonin: —¡Iritato, Mitato, inapita yaꞌhuëpiquëranchin Yosë yonquirinsoꞌ, shaꞌhuirapi! itërin.

Juan 3:26

Ina quëran Coansha shaꞌhuitonpi. —Niꞌquëꞌ Maistro. Cortaniiꞌ aquëtëran nicasëhuaꞌ, inaquë Quisosontaꞌ nisarin niꞌton, anohuitërancoi. Iporasoꞌ inantaꞌ aporintarin. Naꞌa piyapiꞌsari imasapi. Co ina nápo quëmasoꞌ imasarinënquënhuëꞌ, itopi.

Josué 1:1

Moisësësoꞌ Yosë piyapinën. Non huiꞌnin Cosoi itopisoso nipirinhuëꞌ, Moisësë catahuarin. Ina chiminpachina, Yosëri Cosoi nontaton itapon: