Números 11:24 - Chayahuita (Shahui)

²⁴ Moisësësoꞌ, paꞌsahuaton Siniorori napotërinsoꞌ israiroꞌsa shaꞌhuitonin. Ina quëran canchisë shonca ansianoꞌsa ayontonin. Aꞌnapita ansianoꞌsa quëran huayonahuaton, Yosë chinotacaso pëi tahuirinquë ahuaniraꞌpiarin.

Números 11:24 ပူးပေါင်းရင်းမြစ်များ

Génesis 3:24

Piyapi ocoirahuaton, piꞌi pipirin parti quëran aꞌpaito anquëniroꞌsa acorin. Inapitasoꞌ, quiropinoꞌsa itopi. Noyápiachin nararo aꞌpaicaiso marëꞌ acorin. Ina yaꞌcarintaꞌ, sahuëni orotaton huënin huënintárin acorin. Ama incari tëranta nanpirin nara yaꞌcaricaso marëhuëꞌ, aꞌpairapi.

Números 11:16

Napotopirinhuëꞌ, Siniororisoꞌ itaantarin: —Canchisë shonca ansianoꞌsa chiníquën nanantopisopita huayonahuaton, ayontonquëꞌ. Nani ayontonpatan, chinotëramacoso nëꞌmëtë pëiquë quëntaquëꞌ. Inaquë ninaco.

Números 11:26

Cato yaꞌpinta Moisësëri huayonpirinhuëꞌ, co chinotopiso pëiquë paꞌpihuëꞌ. Inapitasoꞌ, Iritato, Mitato, inapita itopi. Inapitanta ispiritori yaꞌcoancantërin niꞌton, yaꞌhuëpiquëranchin caniaritopi Yosë yonquirinsoꞌ shaꞌhuicaisoꞌ.