Números 11:23 - Chayahuita (Shahui)

²³ Siniororiso napoaponahuëꞌ itapon: —“Co inaso nanitaparanhuëꞌ,” ¿itëranco ti? Inta nipachin. ¿In taꞌma noꞌtëquën noinpaꞌ? itërin.

Números 11:23 ပူးပေါင်းရင်းမြစ်များ

Génesis 18:14

¡Caso Sinioroco niꞌto, yaꞌipi nohuantërahuësoꞌ nanitaparahuë nicaꞌhuasoꞌ! Aꞌna piꞌi quëran, nicaponquën huëantarahuë. Naporoꞌ Sara huaꞌhuanaton, huaꞌhuin ipoarin huachi, itërin.

2 Reyes 7:2

Napohuachina, copirno catahuarinso huaꞌani, Irisio aꞌpaniton itapon: —Sinioro inápaquë huintanaroꞌsa iꞌsoatopirinhuë tërantaꞌ, co naporanso chachin nisarinhuëꞌ, itërin. Napopirinhuëꞌ, Irisiori shaꞌhuitërin: “Quëmanta mini niꞌsaran. Napoaponahuëꞌ, co ina caꞌsaranhuëꞌ,” itërin.

Éxodo 6:1

Moisësëri napotohuachina, Yosëso tapon: —Tëhuënchachin Iquipito copirno anaꞌintomiatërahuësoꞌ, niꞌsaran. Naporo co ahuantatonhuëꞌ: “¡Manóton pipico huachi!” itaponquëmaꞌ, itërin.

Jeremías 14:9

Catahuancoiso marëꞌ co manta ninanhuëꞌ niꞌton, quëmapi huaꞌyantërinso pochin yaꞌnoran. Ahuëtonaꞌpisoꞌ, noya paꞌpoyatërin. ¡Quëmaso nipirinhuëꞌ, co nanitërinsohuë pochin niconan! Quëmaso Sinioro napoaponahuëꞌ, yaꞌhuëraiso huáncana nisaran. Piyapinënpitacoi ninaisoꞌ, yaꞌipiya quëran nitotopi. Ama patocoisohuëꞌ, itërahuë.

Daniel 6:20

Nani yaꞌcaritohuachina, co napion ancantaton: —¡Naniri. Quëmaso Yosëíchin cancantaton natëran! Inasoꞌ nanpiárin nichinapon chachin, ¿nichaꞌërinquën paꞌpiniroꞌsa quëran to? itërin.

Miqueas 2:7

Canpoasoꞌ noya piyapinpoa ninëhuaꞌ. Co Yosë noꞌhuiarinpoahuëꞌ. Nosorinpoa niꞌton, co anaꞌintiinpoaso yaꞌhuërinhuëꞌ. Tëhuënchachin naporaiso pochin Yosëso ninin. Noꞌtëquënáchin ina imapatëhuaꞌ, shaꞌhuitërinpoasopita noya catahuarinpoaꞌ,” itërinaco.

Números 11:22

¡Yaꞌipi ohuicaroꞌsaꞌ, ohuacaroꞌsaꞌ, quësaraisoꞌ tëparai naporini, co iso nápo naniitonahuëꞌ! Marëquë yaꞌipi sami yaꞌhuërinso quëtopirëhuahuë tërantaꞌ, co naniitonahuëꞌ, itërin.

Números 23:19

Yosëso co canpoa pochinhuëꞌ. Co nisha nisha nonaton nonpininhuëꞌ. Maꞌsona topachina, inachachin nisarin. Catahuatacaso shaꞌhuihuachina, catahuatërin.

Mateo 19:26

Yaꞌipiya notëërahuaton, itapon: —Co insontaꞌ inaora nanitërinhuëꞌ chaꞌëcasoꞌ. Yosëíchin nanitërin anoyacancantinquëmasoꞌ. Yaꞌipiya nanitaparin, itërin.

Mateo 24:35

Isoroꞌpaꞌ taꞌhuantarin. Piꞌiroꞌtëntaꞌ taꞌhuantarin. Ca nanamëhuëso nipirinhuëꞌ co onporontaꞌ taꞌhuantarinhuëꞌ. Noꞌtëquën nonahuë niꞌton, yaꞌipi shaꞌhuitëranquëmaso chachin naniarin huachi.

Lucas 1:37

Yosë yaꞌipi nanitaparin, itërin anquëniri.