Números 11:17 - Chayahuita (Shahui)

¹⁷ Inaquë oꞌmarahuato nontaranquën. Naporoꞌ inapita ayaꞌcoancatacaso marëꞌ, napoinchin ispirito quëtëranquënsoꞌ mataranquën. Inapitanta quëma pochin cancantatonaꞌ, israiroꞌsa quëpacaisoꞌ catahuapënën.

Números 11:17 ပူးပေါင်းရင်းမြစ်များ

Génesis 11:5

Napopirinahuëꞌ, Sinioroso oꞌmarin. Oꞌmarahuaton ninanoꞌ, tori, inapita nisapiso niꞌquimarin.

Génesis 17:22

Apraan nontërinso tonitahuaton, Yosëso ina quëran paꞌnin huachi.

Génesis 17:3

Naporoꞌ Apransoꞌ, isonin. Isonin quëran, noꞌpaquë huarëꞌ monshomarin. Inapoaso Yosëri shaꞌhuitaantarin:

Génesis 18:33

Apraan nontërinso toquitahuaton, Sinioroso paꞌnin huachi. Apraaontaꞌ, nëꞌmëtë pëinënquëꞌpaꞌ panantarin.

2 Reyes 2:15

Naporinso nicatona pënëntonaꞌpiroꞌsa Quiricoquë yaꞌhuëpisopitasoꞌ: “Iniasë yaꞌcoancantërinso chachin, iporaso Irisionta yaꞌcoancantërin,” topi. Naporoꞌ paaparahuatona nontopi. Mónsho tahuatonaꞌ: —Niꞌquë maistro. Quiyasoꞌ, aꞌnatërápo shonca yaꞌpi chiníquën cancantonaꞌpicoi huëꞌnai. Paatoi maistronën yoniꞌi. Tapona Sinioro ispiritonëni otërahuaton, onpopinquë tëꞌyatërin. Motopiroꞌsaquëhuë nipon, motopianaroꞌsaquëhuë nipon tëꞌyatërinso yoniriꞌi, topiraihuëꞌ, itopi. Inariso napoaponahuëꞌ, itapon: —Ama pacosohuëꞌ, itërin.

2 Reyes 2:9

Aquëtëran nipachinara, Iniasëri itapon: —Ipora tahuëri pataranquën. Coꞌhuara pachátëraponquënhuëꞌ, shaꞌhuitoco maꞌsona nohuantëransoꞌ acochinquën, itërin. Napotohuachina, inariso itapon: —Quëmaso maistro, Sinioro ispiritonën yaꞌcoancantërinquën niꞌton, nani maꞌsha nanitaparan. Caso nipirinhuëꞌ, quëmá quëran naꞌcon naꞌcon yaꞌcoancanchinco topirahuë, itërin.

Nehemías 9:20

Quëma Ispiritonëni nosoroaton aꞌchintërarin. Mananta co osërëtëranhuëꞌ. Yamorohuachinaranta iꞌsha quëtëran.

Éxodo 19:20

Siniorosoꞌ oꞌmaton, Sinai motopi huiꞌnimotënꞌpaꞌ nohuaraimarin. Ina quëran inatopa panantacaso marëꞌ, Moisësë përaantarin. Napotohuachina Moisësë nanpëantarin.

Éxodo 34:5

Nani pomosontahuachina, Sinioroso chitoroquë yaporitiimarin. Inaquë Moisësërëꞌ niquënanpi. Naporo Siniorosoꞌ, onpopinsona nininso shaꞌhuirarin.

Isaías 44:3

Ca nohuanton inotëroquë naꞌcon iꞌ yaꞌhuëapon. Yaniroquëntaꞌ, iꞌshanaroꞌsa yaꞌhuëapon. Canpita quëran pipipisopitanta ispiritonëhuë ayaꞌcoancantarahuë. Inapotahuato naꞌcon catahuaarahuë.

Isaías 63:11

Napotohuachina inapitasoꞌ, iráca Yosëri shimashonënpita catahuarinsoꞌ yonquipi: “Yosëri iráca Moisësë huayonaton, Niroiꞌ quëran nichaꞌërin. Inapotahuaton nohuantërinsoꞌ nicacaso marëꞌ ispiritonën ayaꞌcoancantërin. Inapotohuachina, inaso huaꞌanënpoa pochin nicaton Iquipito quëran ocoirinpoaꞌ. Iporaso napoaponahuëꞌ, ¿Intohuata pacaton co huachi yacatahuarinpoahuëꞌ?

Joel 2:28

Naquëranchin Sinioro taantarin: “Ina tahuëriꞌsa naꞌhuërinso piquëran, ispiritonëhuë yaꞌipi piyapinëhuëpita ayaꞌcoancantarahuë. Inapotohuato, huiꞌnamapita quëmapiꞌsaꞌ, sanapiꞌsaꞌ, yonquirahuëso shaꞌhuiponaꞌ. Mashoyaroꞌsanta huaꞌnataponaꞌ. Huiꞌnapiꞌsanta huaꞌnarëso pochin aꞌnotërahuësoꞌ, niꞌsapi.

Números 11:25

Naporoꞌ Siniorosoꞌ chitoroquë oꞌmarahuaton, Moisësë nontiimarin. Ina quëran napopinchin ispirito quëtërinsoꞌ matahuaton, canchisë shonca ansianoroꞌsa quëtërin. Inari yaꞌcoancantohuachina, pënëntonaꞌpiroꞌsa pochin caniaritopi Yosë yonquirinsoꞌ shaꞌhuicaisoꞌ. Napoaponahuë napopisoꞌ, naporoíchin naporin.

Números 12:5

Naporoꞌ Siniorosoꞌ yaráton chitoro nininquë oꞌmarahuaton, chinotacaso pëi yaꞌcoanataquëchin chiniimarin. Ina quëran Aaron, Maria inapita përarin. Yaꞌcaritohuachinara, itapon: “Natanco shaꞌhuichinquëmaꞌ. Inso tëranta yonquirahuëso yashaꞌhuitohuato, co aꞌninquë yaꞌnotato shaꞌhuitarahuëꞌ. Huaꞌnarëso pochin niꞌpachinco, maꞌsona yonquirahuësoꞌ shaꞌhuitarahuë. Huëꞌënquëhuë nipon nontato, shaꞌhuicaiso marëꞌ anitotarahuë.

Números 12:8

Napoaton inarëꞌcosoꞌ, aꞌninquëchin nonai. Ina pochin inarëꞌco nonahuë niꞌton, co onporonta canpitaso ina pinocamaso yaꞌhuërinhuëꞌ,” itërin.

Números 27:18

—Non huiꞌnin Cosoi itëramasoꞌ, nani huayonato ispiritonëhuë ayaꞌcoancantërahuë. Ina sëꞌhuamotorahuaton, israiroꞌsa catahuacaso marëꞌ acoquëꞌ.

Juan 3:13

Co inso piyapi tërantaꞌ inápaquë pantarinhuëꞌ. Casáchin ina quëran oꞌmarahuë. Yosë quëran quëmapico niꞌto, inápa quëran oꞌmarahuë. Napoaton casáchin inápaquë yaꞌhuërinsoꞌ aꞌchintaranquëmaꞌ.

Juan 7:39

Quisoso imapatëhuaꞌ, Ispirito Santo yaꞌcoancantarinpoaꞌ. Ina yonquiaton, napotërin. Naporoꞌ Quisoso co inápaquë pantayátërarinhuëꞌ. Napoaton co Ispirito Santori piyapiꞌsaꞌ noyá yaꞌcoancanchátërarinhuëꞌ. (Ina yaꞌcoancantohuachinpoaꞌ, naꞌcon catahuarinpoaꞌ noya cancantacaso marëꞌ. Ina quëran aꞌnapitantaꞌ Yosë anohuitarihuaꞌ, tapon naporin.)

Romanos 8:9

Canpitaso nipirinhuëꞌ co noyahuëꞌ yonquiramasopita naniantëramaꞌ. Ispirito Santo yaꞌcoancantohuachinquëmaꞌ, ina nohuantërinsoꞌ nisaramaꞌ. Co Ispirito Santo yaꞌcoancantohuachinquëmahuëꞌ, co tëhuënchachin Quisocristo imaramahuëꞌ.

1 Corintios 2:12

Imarëhuasopitasoꞌ co piyapi yonquipisoꞌ imarëhuahuëꞌ. Yosë nohuanton, Ispirito Santo yaꞌcoancantërinpoaꞌ. Aꞌchintinpoaso marëꞌ aꞌpatimarinpoaꞌ. Yaꞌcoancantohuachinpoara, Yosë yonquirinpoasoꞌ anitotërinpoaꞌ.

1 Tesalonicenses 4:8

Co quiyaora yonquinëhuëi quëran pënënainquëmahuëꞌ. Co natëhuatamahuëꞌ, Yosë chachin co natëaramahuëꞌ. Ina nohuanton, Ispirito Santo yaꞌcoancantërinpoaꞌ noya nicacaso marëꞌ. Inasoꞌ noyasáchin ninin.

1 Pedro 1:22

Yosë nanamënsoꞌ noꞌtën nanan. Ina natëhuatamaꞌ, yaꞌipi co noyahuëꞌ yonquiramasopita naniantaramaꞌ. Noyápiachin cancantaramaꞌ. Yosë anoyacancantërinquëmaꞌ ninosorocamaso marëꞌ. Napoaton imaramasopita capini noya ninosorocoꞌ. Tëhuënchachin cancanëma quëran huarëꞌ ninosorocoꞌ.

Judas 1:19

Inahuara nohuantopisoꞌ nisapi. Co Ispirito Santori yaꞌcoancantërinhuëꞌ. Nisha aꞌchinatonaꞌ, piyapiꞌsaꞌ anishacancantopi, aꞌna huënton aꞌna huënton co huachi noya niniꞌtonaꞌ, yaꞌhuapihuëꞌ.

1 Samuel 10:6

Naporoꞌ Sinioro ispiritonën noyá yaꞌcoancantarinquën. Ina nohuanton quëmanta inapita pochin pënëntaran. Inapotahuatënquën Sinioro anishatarinquën.