Números 11:10 - Chayahuita (Shahui)

¹⁰ Israiroꞌsasoꞌ saꞌina huiꞌninpitarë chachin nëꞌmëtë pëinëna yaꞌcoanaquë naꞌnërápi. Napopisoꞌ Moisësë natanin. Ina natanaton, co noyahuëꞌ niꞌnin. Sinioronta napopisoꞌ nicaton, paꞌpi noꞌhuitërin.

Números 11:10 ပူးပေါင်းရင်းမြစ်များ

Salmos 139:21

Co quëꞌyarinënquënsopitahuësoꞌ, ¡carinta co quëꞌyarahuëꞌ! Noꞌhuirinënquënsopitantaꞌ, co noyahuëꞌ niꞌnahuë.

Números 11:1

Aꞌna tahuëri israiroꞌsa nisha nisha parisitatona amipi huachi. Amiatonaꞌ, Sinioro pinopi. Inaso natanahuaton, chiníquën noꞌhuitërin. Noꞌhuitaton, yaꞌnatiirinso nëꞌmëtë pëiroꞌsa ahuiquitacaso marëꞌ pën aꞌpatimarin.

Números 11:11

Napoaton Yosë nontaton itapon: —Caso quëma piyapinënco niꞌto, ama aquëtë aparisitocosohuëꞌ. ¡Ama huachi aquëtë israiroꞌsa huaꞌanën pochin nicaꞌhuaso marëꞌ quëtocosohuëꞌ! Ina pochin acoatonco, aparisitaranco.

Números 11:9

Tashi poroncayotohuachina, mananta yaꞌhuëpiquë anotimarin.

Números 12:3

Moisësësoꞌ, yaꞌipi piyapiꞌsa quëran sano sano quëmapi ninin.

Números 12:9

(-)

Números 21:5

Noꞌhuitatonaꞌ, Sinioro pinopi. Moisësënta itaponaꞌ: —¡Maꞌmarëcha Iquipito quëran ocoirancoi paya! ¿Iso inotëro parti chiminaꞌhuaiso marëꞌ quëntamarancoi ti? Capa iꞌsha, capa cosharo yaꞌhuërinhuëꞌ. Manaíchin capatoi nosorotarai, itopi.

Marcos 10:14

Ina niꞌsahuaton, Quisosori co noyahuëꞌ niꞌnin. —Tananpitocoꞌ iyaroꞌsaꞌ huaꞌhuaroꞌsantaꞌ huëꞌinaꞌ. Ama aꞌpacosohuëꞌ. Huaꞌhuaroꞌsa pochin cancantopisopita Yosë huaꞌanëntërinquë yaꞌconapi.

Marcos 3:5

Co aꞌpanitohuachinarahuëꞌ, aꞌnaya aꞌnaya niꞌsarin. Co natantochináchinhuëꞌ cancantopi niꞌton, noꞌhuirë pochin cancantaton, co noyahuëꞌ niꞌnin. “Co nosoropihuëꞌ,” taꞌton, paꞌpi sëtërin. —Imiran iyasha ihuëquëꞌ, itërin. Ihuëhuachina, aꞌnaroáchin noyatërin.

Deuteronomio 32:22

Paꞌpi anoꞌhuitëramaco niꞌton, pën huëchimitërinso pochin nisarahuë. Acoporo partiquë huarëꞌ ahuiquitarahuë. Yaꞌipi motopiroꞌsa achinirinsopitantaꞌ, ahuiquitarahuë. Isoroꞌpantaꞌ, nani maꞌsha papotërinsopitarë chachin inapotarahuë.