Números 11:1 - Chayahuita (Shahui)

¹ Aꞌna tahuëri israiroꞌsa nisha nisha parisitatona amipi huachi. Amiatonaꞌ, Sinioro pinopi. Inaso natanahuaton, chiníquën noꞌhuitërin. Noꞌhuitaton, yaꞌnatiirinso nëꞌmëtë pëiroꞌsa ahuiquitacaso marëꞌ pën aꞌpatimarin.

Números 11:1 ပူးပေါင်းရင်းမြစ်များ

Génesis 38:10

Onan naporinso Sinioroso nitotaton, chiníquën noꞌhuitërin. Napoaton inantaꞌ, ina nohuanton chimiantarin.

2 Samuel 11:27

Sëtërinso tahuëriꞌsa naꞌhuërin. Naporoꞌ Tapisoꞌ, pëinënquë quëntacaiso marëꞌ piyapinënpita camairin. Inapotaton manin. Huaꞌhuin noya nasitaponahuëꞌ, Siniororiso Tapi naporinso co noyahuëꞌ niꞌnin.

Copo naporinso' 1:16

Inari shaꞌhuitasoꞌ, aꞌna yaꞌhuërëꞌ piyapinën taꞌainantararin. Canquirahuaton itapon: —¡Oꞌcori pochin inápa quëran pën anotiimarin! Inapoaton yaꞌipi ohuicanënpita tiquitërinquën. Aꞌpainaꞌpiroꞌsantaꞌ, tiquirin. ¡Casáchin chaꞌërahuato shaꞌhuitaꞌhuanquënso marëꞌ, taꞌaintarahuë! itiintarin.

Éxodo 16:7

Tashirayanta tashíramiachin Sinioro huënaráchin huënaráchin aꞌpininsoꞌ, niꞌsaramaꞌ. Pinoramasoꞌ nani nataninquëmaꞌ. Quiya mini noꞌhuipiramacoihuëꞌ, Sinioro nohuanton pipirama niꞌton, ina pinorama huachi, itopi.

Éxodo 16:9

Ina quëran Moisësëri Aaron itapon: —Pinopisoꞌ nani natanin niꞌton, shaꞌhuitëquë israiroꞌsaꞌ, Sinioro niꞌtonënquë niyontoinaꞌ, itërin.

Isaías 33:14

Quirosarin oshahuanoꞌsasoꞌ, paꞌyanapi. Yaꞌipi inpioroꞌsanta paꞌyanatonaꞌ: “Siniorosoꞌ, pën maꞌsha ahuiquitërinso pochin ninin. Yaꞌhuëmiatërinso pën pochin niꞌton, ¡Sinioro anaꞌintërinquësoꞌ, pën yaꞌhuëmiataton yaꞌipi ahuiquitërin! ¡Co inquënpoa tërantaꞌ, inaquë yaꞌhuëcaso nanichitërihuahuëꞌ!” tapona.

Levítico 10:2

Napohuachina, inapita ahuiquitacaso marëꞌ Siniorori chachin pën aꞌpatimarin. Napoaton cato chachin chiminpi.

Habacuc 3:5

Coꞌhuara canquiyátërasohuëꞌ, nisha nisha tiquito canio matapon. Canquirin piquërantaꞌ, notohuaroꞌ taquiaponaꞌ.

Números 10:33

Ina pochin Sinioro motopinën quëran, israiroꞌsa paantapi. Cara tahuëri iratopi. Siniororëꞌ anoyatopiso caposonën quëpanaꞌpiroꞌsa quëchitapi. Sinioro nohuanton chitoro chiniconpachina, inaquë chinotapi huachi.

Números 11:18

Ina quëran israiroꞌsa shaꞌhuitëquë tashiraya marëꞌ nitapacancainaꞌ. Naporoꞌ nosha caꞌsapi. Naꞌnëtonaꞌ: “¡Maꞌcha nosha quëtërinënpoa caꞌnëhuahuë paya! ¡Iquipitoquë tëhuënchinso noya noya yaꞌhuëapirëhuahuëꞌ!” topisoꞌ, nani natanahuë. Noyapaꞌ, napopi niꞌquëhuarëꞌ, nosha nipachin quëchi caꞌinaꞌ.

Números 12:2

Naporahuaton: “Sinioroso co Moisësëáchin nontërinhuëꞌ, quiyanta nontërincoi chachin,” topi nonatonaꞌ. Napopiso napoaponahuëꞌ, Siniororinta natanin.

Números 14:2

Naporahuatona, Moisësë, Aaron inapita pinopi. Inahua capinintaꞌ: “Iquipitoquëhuë nipon, iso inotëroquëhuë nipon chiminëhua naporini, noya noya niitërihuahuëꞌ.

Números 14:22

Chini chiníquën nanantato, Iquipitoquë nani maꞌsha sacai nininsopita ninahuë. Inotëro partinta inaporahuë. Inaporahuësopita anitotërinquëma noyasáchin ninahuësoꞌ. Ina nicaponaraihuë israiroꞌsasoꞌ, naꞌaro tënirinaco. Naporahuaton camaitërahuësopita co natëpihuëꞌ. Ina niꞌton, napopisopita co inso tëranta yaꞌconaponahuëꞌ. Shimashonënapita noꞌpaꞌ quëtaꞌhuasoꞌ shaꞌhuitërahuëquë co yaꞌconaponahuëꞌ. Nocaninacosopita co inso tëranta yaꞌcoanpihuëꞌ.

Números 14:27

—Israiroꞌsa co noyahuëꞌ cancantatonaꞌ, naꞌcon pinorinaco niꞌton, ¡co huachi ahuantërahuëꞌ! Yaꞌipi pinorinacosopita nani natanahuë.

Números 14:28

Napoaton quëma Moisësë paꞌsahuaton, yaꞌhuërënamëhuë israiroꞌsa shaꞌhuitonquë: “Caso Sinioroco nanpiárahuë niꞌto, noꞌtëquën nontaranquëmaꞌ. Nonatoma naporamaso chachin, co nanitaramahuëꞌ Canaanquë yaꞌconacamasoꞌ. Iꞌhua chachin nipichiramaquë, cato shonca piꞌipitëramasoꞌ quëran huarëꞌ pichirinënquëmaꞌ. Ina naponquëma chachin pochin, pinoramaco niꞌton, iso inotëro parti chachin chiminaramaꞌ. Chiminpatamaꞌ, nansëquëma notëntërantapon.

Números 21:5

Noꞌhuitatonaꞌ, Sinioro pinopi. Moisësënta itaponaꞌ: —¡Maꞌmarëcha Iquipito quëran ocoirancoi paya! ¿Iso inotëro parti chiminaꞌhuaiso marëꞌ quëntamarancoi ti? Capa iꞌsha, capa cosharo yaꞌhuërinhuëꞌ. Manaíchin capatoi nosorotarai, itopi.

1 Corintios 10:10

Ama Yosë noꞌhuitëhuaꞌ tarëtahuasohuëꞌ. “Co Yosë noya catahuarinpoahuëꞌ,” topi aꞌnaquën. Napoaton Yosëri anquëni aꞌpaimarin inapita tëpacaso marëꞌ.

Deuteronomio 32:22

Paꞌpi anoꞌhuitëramaco niꞌton, pën huëchimitërinso pochin nisarahuë. Acoporo partiquë huarëꞌ ahuiquitarahuë. Yaꞌipi motopiroꞌsa achinirinsopitantaꞌ, ahuiquitarahuë. Isoroꞌpantaꞌ, nani maꞌsha papotërinsopitarë chachin inapotarahuë.

Deuteronomio 9:22

Tapiraquënta tëhuëramaꞌ. Masaquë, Quiporo-atapaquë, inaquëpitanta tëhuëatoma Sinioro anoꞌhuitëramaꞌ.

Santiago 5:4

Piyapinëmapita nonpintëramaꞌ. Iminëmaquë asacatopiramahuëꞌ, co noꞌtëquën pahuërëtëramahuëꞌ. Inapitasoꞌ Yosëquë shaꞌhuirapirinënquëmaꞌ. Shanëmapita nitërinsoꞌ mapirinahuëꞌ, co pahuërëtëramahuëꞌ. Inapohuatamaꞌ, Yosë nitotarin. Inasoꞌ chini chiníquën nanantërin niꞌton, noꞌtëquën iꞌhuërëtarinquëmaꞌ.

Judas 1:16

Yosësoꞌ noya nosoropirinpoahuëꞌ, inapitasoꞌ maꞌsha onpohuachinara, ina noꞌhuipi. Co sano cancantopihuëꞌ. Maꞌsona tërantaꞌ yonquihuachinara, nipi. Co noyahuëꞌ cancantatonaꞌ, napopi. “Quiyasoꞌ noya noya nitotërai,” taꞌtonaꞌ, chiníquën nonconpi. Co piyapi nosoroaponaraihuëꞌ, noyasha nontopi. Inahuara canacaiso marëꞌ napotopi.