Números 10:12 - Chayahuita (Shahui)

¹² Inapohuachina Sinai inotëro quëran israiroꞌsa paantapi. Paꞌsapirinahuëꞌ Paran inotëro partiquë nipachinara, chitoro chiniconin.

Números 10:12 ပူးပေါင်းရင်းမြစ်များ

Génesis 14:6

Orioroꞌsanta Sëir motopiroꞌsaquë canatonaꞌ, Ir-paran ninanoquë huarëꞌ imapi. Ina ninanosoꞌ, inotëro intonquë yaꞌhuërin.

Éxodo 13:20

Israiroꞌsasoꞌ, Socoto parti quëran pipirahuatonaꞌ, Itan ninanoaꞌhuaquë canconpi. Canconahuatonaꞌ, inaquë chinotopi. Ina ninanoaꞌhua quëran huarëꞌ, inotëro parti caniaritërin.

Habacuc 3:3

Timan parti quëran Yosë huëꞌsarin. Inasoꞌ, noyasáchin nicaton Paran motopi quëran huëꞌsarin. Huënaratërinsoꞌ, yaꞌipi piꞌiroꞌtë aꞌpintërin. Yaꞌipi isoroꞌpaquëntaꞌ, inasáchin chinotapi.

Números 10:33

Ina pochin Sinioro motopinën quëran, israiroꞌsa paantapi. Cara tahuëri iratopi. Siniororëꞌ anoyatopiso caposonën quëpanaꞌpiroꞌsa quëchitapi. Sinioro nohuanton chitoro chiniconpachina, inaquë chinotapi huachi.

Números 13:3

Siniorori napotohuachina, Paran inotëro parti quëran Moisësëri Israiro huaꞌanoꞌsa aꞌparin. Noꞌpaꞌ nahuicaiso marëꞌ aꞌparin.

Números 9:1

(-)

Números 9:17

Chitoro Yosë chinotacaso pëi quëran inápaquë niotëhuachina, yaꞌipi israiroꞌsanta pacacaiso yaꞌhuërin. Insëquësona chitoro chiniconpachina, inaquë chinotapi.

Deuteronomio 1:1

Moisësësoꞌ, israiroꞌsa camaicaso marëꞌ Cosoi acorin. Ina acorahuaton, yaꞌipi israiroꞌsaꞌ, pënëantarin. Arapa inotëroquë nicasoiꞌ, naporoíchin pënënin huachi. Inasoꞌ noꞌpaꞌ Cortaniiꞌ quëran, piꞌi pipirinso parti quëparitërin. Ina roꞌtë chachin Moapo canonamatë itopi antaꞌ. Aꞌnatëran Sopë ninano nisahuaton, Paran ninano yaꞌhuërin. Aꞌnatëraontaꞌ, Tohuiro, Napan, Asiroto, Tisaapa, inapita ninanoroꞌsa yaꞌhuërin.

Deuteronomio 1:7

Napoaton maꞌshanëma masahuatomaꞌ, motopiroꞌsa parti pacoꞌ. Amororoꞌsa yaꞌhuërinso parti paꞌsahuatomaꞌ, yaꞌyoraninsopita partinta paꞌtocoꞌ. Arapa parti itopiquëntaꞌ, pacoꞌ. Motopiroꞌsa parti, Niquipi parti, canonamatë parti, marë yonsan parti, yaꞌipi inaquëpita pacoꞌ. Inaquësoꞌ, cananoꞌsa yaꞌhuërin. Ina aquëtëntaꞌ, Nipano parti itopiquë paꞌsahuatomaꞌ, Iopiratisiiꞌ pancaiquë huarëꞌ pacoꞌ.