Números 10:1 - Chayahuita (Shahui)

^1-10 (-)

Números 10:1 ပူးပေါင်းရင်းမြစ်များ

Génesis 42:13

Napotopirinhuëꞌ, inapitariso itaponaꞌ: —Quiyasoꞌ quëma piyapinënpita pochin ninai. Yaꞌipiya quëran ina tataquëranchin, shonca catocoi ninai. Canaan parti yaꞌhuërai. Huaꞌhua nininsosoꞌ, tatarëꞌ quëparitërin. Aꞌnaso nipirinhuëꞌ, ayarin, itaantapi.

Génesis 46:15

Ina nápo Cacopo huiꞌninpita quëmapiꞌsa Niaquëya yaꞌhuëpi. Sanapinta aꞌnara yaꞌhuëtërin: Tina itërinsoꞌ. Inapitasoꞌ, Patan-aranquë yaꞌhuapon huiꞌnahuaninsopita. Nia quëran pipipisopitasoꞌ, cara shonca cara yaꞌpiꞌ, sanapirë chachin icanpi.

2 Samuel 6:15

Sinioro caposonën quëpapisopita caꞌtanpisopitasoꞌ, capa cancantatonaꞌ: “Yai, yai,” charapi. Tapinta napórarin. Aꞌnaquëontaꞌ, tronpitaroꞌsa pihuiraapi.

Esdras 3:10

Yosë chinotacaso pëi simintonën acoasoiꞌ, capa cancantatona Sinioro chinotopi. Corto huaꞌanoꞌsa Sinioro chinotai marëꞌ aꞌmopisoꞌ, aꞌmopi. Ina aꞌmosahuatonaꞌ, huanipi quëran Tronpitaroꞌsa pihuipi. Asahua quëran pipipisopita nihuiroꞌsantaꞌ, huaꞌna shari shariroꞌsa piꞌnipi. Napopi. Inapitaso iráca Tapi copirno camaitërinso chachin nipi.

Salmos 47:5

Siniorosoꞌ Yosë. Huaꞌanëntacaso shiranënquë huënsëcaso marëꞌ nani nanpërin. Naporo chachin capa cancantatëhuaꞌ, noncarorëhuaꞌ. Corto huaꞌanoꞌsantaꞌ, tronpitaroꞌsa pihuirantapi.

Números 9:23

Yosë nohuanton niotëhuachina, israiroꞌsa paantapi. Yosë nohuanton chachin chiniconpachina, chinotaantapi. Co paꞌpachinahuëꞌ, inaquëranchin Yosë marëꞌ sacatapi. Yosëri Moisësë shaꞌhuitërinso chachin israiroꞌsa nipi.

Mateo 24:31

Oꞌmantarahuato, naꞌa anquëniroꞌsaꞌ aꞌpararahuë. Panca tronpita pihuitonaꞌ, yaꞌipi parti paꞌsapi huayonahuësopita ayontonacaiso marëꞌ.

Josué 6:4

Iso pochin paꞌsaramaꞌ: Canchisë corto huaꞌanoꞌsa quëchinamën paꞌsapi. Carniro pomon sëꞌquërahuatona paꞌsapi. Ina piquëran canpitarëꞌco anoyatërëhuaso caposonën quëparapi. Corto huaꞌanoꞌsari pitënpi quëran quëparapi. Ina piquëran Israiro sontaroꞌsanta paꞌsapi. Canchisë tahuëri nanihuachinasoꞌ, canchisëro tahuitaramaꞌ. Corto huaꞌanoꞌsa papona pochin carniro pomon pihuisoi tahuitaramaꞌ.

Apocalipsis 8:2

Ina quëran canchisë anquëniroꞌsaꞌ quënanahuë. Yosë notënanquë huanirapi. Inaquë huanihuachinara, aꞌnaya aꞌnaya tronpita quëtopi pihuicaiso marëꞌ.

Jueces 7:20

Cara huëntonoꞌsa chachin carniro pomonoꞌsa pihuipi. Yonsharoꞌsanta paꞌquiraꞌpiapi. Ahuënanëna quëran yanatëtëroꞌsa iꞌchinpitopisoꞌ, sëꞌquëpi. Inchinanëna quëraonta pomonoꞌsa sëꞌquëpi. Naporahuaton chiníquën, yaitopi: “¡Pashitoco huachi quëtochinaꞌahuaꞌ! ¡Sinioro nohuanton minsëtarihuaꞌ! ¡Quitiononta ina nohuanton catahuarinpoaꞌ!” topi.