Nehemías 9:28 - Chayahuita (Shahui)

²⁸ Napoaponahuëꞌ, noya yaꞌhuëantahuachinaꞌ, aꞌnaroáchin naniantaantarinën. Quëmari niꞌsápiranhuëꞌ, co noyahuëꞌ niantapi. Napoaton naquëranchin inimicoroꞌsari minsërahuatona aparisitaantapi. Parisitatona nontaantahuachinën, nosoroaton inápa quëran catahuantaran. Inimiconënpita quëran naꞌaro nichaꞌëran.

Nehemías 9:28 ပူးပေါင်းရင်းမြစ်များ

1 Reyes 8:39

Quëmasáchin aꞌnaya aꞌnayacoi yonquiraisoꞌ, nitotëran. Ina nitotaton aꞌnaya aꞌnayacoi noꞌtëquën aꞌpanicoi. Oshahuanpiso marëꞌ aparisitëran niꞌton, nirótëatona nontohuachinën, ina inquitaton nanan anoyatëquëꞌ.

Isaías 63:15

Sinioro quëmasoꞌ, inápaquë yaꞌhuëran. Noya noya nininquë, huënaratërinquë, inaquë yaꞌhuëran. Quëmasoꞌ paꞌpi nosororancoi. Naporahuaton chiníquën nanantëran. Inaporan nichinapon chachin ¿co poꞌsápaꞌhuaisoꞌ nohuanchitonhuë pora? ¡Nosoroatoncoi catahuaantacoi!

Jueces 2:19

Napoaponahuëꞌ, ina huaꞌan chiminpachina, naquëranchin Sinioro aꞌpoantapi. Ina aꞌporahuatonaꞌ, mamanshiroꞌsa moshaantapi. Shimashonëna quëran aquë aquëtë co noyahuëꞌ nicoantapi. Inapoatonaꞌ, co natantonoꞌsahuë pochin cancantopi.

Jueces 4:1

Ioto chimininso piquëran, israiroꞌsaso co noyahuëꞌ niantapi. Siniorori chachin niꞌsápirinhuëꞌ, napoantapi.

Jueces 5:31

Ina pochin mini Sinioro yaꞌipi inimiconënpita taꞌhuanchinaꞌ. Nosororinënquënsopitaso nipirinhuëꞌ, huënaráchin huënaráchin yaꞌnoinaꞌ. Camotëchin piꞌi huënaratërinso pochin yaꞌnoinaꞌ, topi cantatonaꞌ. Naporo quëran huarëꞌ israiroꞌsa catapini shonca piꞌi noya yaꞌhuëantapi.