Nehemías 9:22 - Chayahuita (Shahui)

²² Naꞌa nacionoꞌsa huaꞌanëntopiso osërëtaton, shimashonëhuëi ahuaꞌanëntëran. Aꞌna huënton aꞌna huënton noꞌpaꞌ quëtëraꞌpiaran. Sicon copirno Isponquë yaꞌhuëpirinhuëꞌ, noꞌpanën osërëtaton ahuaꞌanëntëran. Oco copirnonta Pasan parti yaꞌhuëpirinhuëꞌ, inanta noꞌpanën osërëtaton ahuaꞌanëntëran.

Nehemías 9:22 ပူးပေါင်းရင်းမြစ်များ

Salmos 105:44

Nisha nisha nacionoꞌsari noꞌpaꞌ huaꞌanëntopiso osërëtahuaton, inapita quëtërin. Sacatatona acopisopitantaꞌ, inapotërin.

Deuteronomio 1:4

Coꞌhuara pënënchátëraponhuëꞌ, israiroꞌsaso amororoꞌsa canapi. Isipon ninanoquë Sicon copirno sontaronënpitarë chachin canapi. Asotaroto, Itërii, inapita ninanoroꞌsaquëntaꞌ, Oco copirno sontaronënpitarë chachin canapi. Inapitasoꞌ Pasan parti yaꞌhuëpi.

Deuteronomio 32:26

“Yaꞌipi parti israiroꞌsa ayanquëꞌi. Tiquimiatohuato, co huachi insonta inapita yonquiarinhuëꞌ,” topirahuë.

Josué 10:11

Piti-oron ninano yaꞌcariꞌ, aꞌna nicotoana yaꞌhuërin. Inataquëchin aꞌnaquën amororoꞌsasoꞌ, israiroꞌsa tëꞌhuatatona paꞌmapi. Ina paꞌtomasoi, Siniorori chachin inápa quëran notohuaroꞌ panca naꞌpiroꞌsa aꞌpatiimarin. Ocai pochin aꞌpatiimarin. Ina naꞌpiroꞌsari notohuaroꞌ tiquirin. Israiroꞌsari sahuëniquë tëpapi quëran naꞌcon naꞌcon tiquirin.