Nehemías 9:18 - Chayahuita (Shahui)

^18-19 Oro asoquirahuatona toroaꞌhua nonanpi. Tënihuachinara: ‘Quëma Iquipito quëran ocoirancoi,’ itopi moshatonaꞌ. Inapoatona naꞌaro tëhuëtërinën. Napopitërapirinahuëꞌ, quëmarisoꞌ nosororan. Nosoroaton co inotëroquë aꞌporanhuëꞌ. Tahuëri nipachina, chitorori quëparárin. Tashintaꞌ, ina chitoro quëran pën pochin aꞌpintaton co patërinhuëꞌ. Inapoaton noꞌtëquën paacaiso marëꞌ aꞌnotëraran.

Nehemías 9:18 ပူးပေါင်းရင်းမြစ်များ

Nehemías 9:26

Quëmarisoꞌ nosoropiranhuëꞌ, co natëtënënhuëꞌ anoꞌhuitërinën. Pënëntëransopita nocanatona aꞌpopi. Quëma marëꞌ pënëntopisopitanta tëpapi. Inapitari co noyahuëꞌ nipiso aꞌninquëchin shaꞌhuitopi: ‘Ina aꞌporahuatomaꞌ, Sinioroíchin tahuërëtocoꞌ,’ itopi. Napotopirinahuëꞌ, tëpapi. Inapoatona panca tëhuëtërinën.

Amós 5:25

Naquëranchin Sinioro taantarin: “Israiroꞌsanquëma canpitasoꞌ, iráca catapini shonca piꞌipi inotëro parti paꞌnamaꞌ. Inaëchin pacasëmaꞌ, co onporonta maꞌsha chinotamacoso marëꞌ tëparamahuëꞌ. Naporahuaton co maꞌsha tëranta quëshiramacohuëꞌ.