Nehemías 9:13 - Chayahuita (Shahui)

^13-14 Ina quëran Sinai motopiquë nohuaraimaran. Naporoꞌ inápa quëran noya nicacaiso marëꞌ pënënan, camairan, naporan. Noꞌtën nanan aꞌchintahuaton, yonquínahuan yaꞌhuëcaiso marëꞌ anitotëran. Pënënancoisopita, camairancoisopita, anitotërancoisopita, inapitaso noyasáchin ninin. Chinoto tahuërinta acotëran. Ina tahuëri noya nicatonaꞌ, chinotiinënso marëꞌ acotëran. Piyapinën Moisësë itopiso quëran, yaꞌipi inapita anitotëran.

Nehemías 9:13 ပူးပေါင်းရင်းမြစ်များ

Esdras 7:6

Istrasësoꞌ, iráca pënëntërinsoꞌ quirica nóya nitotaton, aꞌchinaꞌpi yaꞌconin. Ina quiricaquë Sinioro nohuanton Moisësë ninshitërin. Naporahuaton Siniorori noya catahuarin. Napoaton Artaquirquisë copirnori yaꞌipi nataninsopita catahuacaso marëꞌ quëtërin. Inapoaton inasoꞌ, Papironia quëran Quirosarinquë huëntarin. Aꞌna huëntonaꞌ, israiroꞌsari imaquipi. Inapitasoꞌ aꞌnaquën corto huaꞌanoꞌsaꞌ. Aꞌnaquëntaꞌ, nihuiroꞌsaꞌ. Aꞌnapitasoꞌ, cantanaꞌpiroꞌsaꞌ. Aꞌnapitantaꞌ, yaꞌcoana aꞌpairoꞌsaꞌ. Aꞌnaquënsoꞌ, Yosë chinotacaso pëiquë sacatopisopita. Artaquirquisë nani canchisë piꞌipi copirno yaꞌconinso nisapasoꞌ, Quirosarinquë canquipi. Yaꞌnatiirinso yoquiquë yaꞌnatiirinso tahuëri chachin pipipi. Napoaponaraihuëꞌ, aꞌnatërápo yoqui nisahuaton, aꞌna tahuëri quëran Quirosarinquë canquipi. Siniorori catahuarin niꞌton, noya iratopi.

Salmos 119:137

Quëmasoꞌ, noya coisë pochinquën. Shaꞌhuiransopitanta noꞌtëquënáchin shaꞌhuiran.

Éxodo 16:23

Shaꞌhuitohuachinara Moisësëri itapon: —Ina mini Yosë nohuantërinsoꞌ: Tashiraya sahuato nisarin. Sinioro marëꞌ chinotacaso tahuëri. Cosharo manamasoꞌ, ipora chachin anpicoꞌ. Maꞌsona aꞌitamaso nininsopitantaꞌ, aꞌitochancoꞌ. Tashiraya marëpita inapotocoꞌ, itërin.

Éxodo 20:1

Yosë chachin pënëntaton naporin:

Éxodo 20:22

Siniorori, Moisësë itapon: “Apira shaꞌhuitaranquënsoꞌ, israiroꞌsa shaꞌhuitëquëꞌ: ‘Nani inápa quëran nontëranquëmasoꞌ natanamaꞌ.

Isaías 64:1

Maꞌcha Sinioro piꞌiroꞌtë osharëso pochin nitaton oꞌmaranhuë paya. Inaporan naporini, motopiroꞌsa anaconchitonhuëꞌ.

Isaías 64:3

Co manta yonquiasocoihuëꞌ, huëhuëpiro nininsoꞌ nipatana, paꞌyanai. Inápa quëran oꞌmahuatana, motopiroꞌsanta quëma notënanquë nacontopi.

Habacuc 3:3

Timan parti quëran Yosë huëꞌsarin. Inasoꞌ, noyasáchin nicaton Paran motopi quëran huëꞌsarin. Huënaratërinsoꞌ, yaꞌipi piꞌiroꞌtë aꞌpintërin. Yaꞌipi isoroꞌpaquëntaꞌ, inasáchin chinotapi.

Romanos 7:16

Co nohuantopirahuëꞌ, co noyahuëꞌ ninahuë. Ina marëꞌ co noya cancantërahuëꞌ. Yonquinëhuë quëran nitotërahuë. Tëhuënchachin pënëntërinsoꞌ noya, tënahuë.

Deuteronomio 4:8

Tëhuënchachin mini co aꞌna nacion tëranta canpoa pochin yaꞌhuërinhuëꞌ. Aꞌnapitaso co canpoa pochin noꞌtëquënáchin pënëntërinso nanan yaꞌhuëtopihuëꞌ. Camaitërinso nanan tëranta co yaꞌhuëtopihuëꞌ. Inapita canpitasoꞌ, ipora yaꞌipi aꞌchintaranquëmaꞌ.