Nehemías 8:7 - Chayahuita (Shahui)

^7-8 Cosoi, Pani, Siripiasë, Camin, Acopa, Sapitai, Otiasë, Maasiasë, Quirita, Asariasë, Cosapito, Anan, Piraia, inapitaso nihuiroꞌsaꞌ. Ina niꞌtona Yosë pënëntërinsoꞌ nontohuachina, maꞌsona tapon naporinsopita piyapiꞌsa aꞌninquëchin shaꞌhuitapi. Yosë pënëntërinsoꞌ quirica chiníquën nontahuatonaꞌ, maꞌsona tapon naporinsopita shaꞌhuiantapi.

Nehemías 8:7 ပူးပေါင်းရင်းမြစ်များ

1 Reyes 8:14

Itahuaton, israiroꞌsa huanirantapaiso yaꞌhuërëꞌ, tahuërëtaantarin. Tahuërëtahuaton noya yaꞌhuëcaiso marëꞌ shaꞌhuitërin:

Nehemías 8:12

Napotohuachinara, inahuaso yaꞌhuëpiquë paꞌsahuatonaꞌ, coshatopi, oꞌopi, napopi. Aꞌnaquëonta co yaꞌhuëtohuachinarahuëꞌ, ichicaꞌpi, ichioꞌopi, inapotopi. Naporahuatonaꞌ, aꞌchintopiso noya nitotopi niꞌton, capa cancantopi.

Nehemías 8:4

Naporoꞌ quirica nontacaso marëꞌ, nontë quëran pëꞌsatë nitopi. Inaquë huanirin quëran nontërin. Inchinan quëran Matataiasë, Sima, Aniasë, Oriasë, Iriquiasë, inapita huanipi. Ahuënan quërantaꞌ, Pitaiasë, Misairo, Marquiasë, Asomo, Asapatana, Sacariasë, Misoramo, inapita huanipi.

Nehemías 8:6

Ina nontacaso marëꞌ Istrasësoꞌ, anquirahuaton Yosë chinotërin: “¡Ma noyanquëncha quëmasoꞌ Sinioro ninan paya! ¡Yaꞌipi nanitapaton chini chiníquën nanantëran!” tënin. Napohuachina, yaꞌipi niyontonpisopitanta anquirahuatonaꞌ: “¡Naporin mini!” topi. Napoatona isonpi quëran noꞌpaquë huarëꞌ monshomapi.

Nehemías 9:3

Naporo chachin Yosë pënëntërinsoꞌ quirica, cara ora pochin nontopi. Ina quëran nápo ora chachin oshanëna yonquiatonaꞌ, Sinioro shaꞌhuitopi. Naporahuatona Sinioro chinotopi.

Nehemías 9:4

Ina quëran isopita nihuiroꞌsasoꞌ, pëꞌsatëquë nanpëpi: Cosoi, Pinoi, Catomiri, Sipaniasë, Otiasë, Pitaiasë, Poni, Siripiasë, Pani, Quinani, Asapaniasë, inapita. Inapitasoꞌ chiníquën Yosë nontopi. Nani nontohuachinara, niyontonpisopita achinicancanpi: “Sinioroso Yosënënpoa niꞌton, huanirahuatëhua ina chinotahuaꞌ: Inasoꞌ, yaꞌhuëmiatarin. Co onporonta taꞌhuantarinhuëꞌ. ¡Noya noya niꞌton! ‘Yosparinquën Sinioro,’ itahuaꞌ,” itopi.

Malaquías 2:7

Ina pochin mini corto huaꞌanoꞌsasoꞌ, piyapiꞌsa aꞌchintacaiso yaꞌhuërin. Aꞌchintohuachinaꞌ, nohuitarinaco huachi. Yaꞌipi piyapiꞌsa inapitari aꞌchintacaiso marëꞌ paapacaiso yaꞌhuërin. Ca Sinioroco yaꞌipi nanitaparahuësoꞌ, inapita quëran anitotaranquëmaꞌ.

Deuteronomio 33:10

Inahua mini israiroꞌsa aꞌchintapi. Pënëntëransopita, aꞌchinansopita, inapita aꞌchintapi. Chinotëranquënso pëi artaroꞌsaquë, yonarin pochin pimóchin aꞌpëpi. Maꞌsharoꞌsanta quëma marëꞌ tëpapisoꞌ, ahuiquitapi.