Nehemías 8:12 - Chayahuita (Shahui)

¹² Napotohuachinara, inahuaso yaꞌhuëpiquë paꞌsahuatonaꞌ, coshatopi, oꞌopi, napopi. Aꞌnaquëonta co yaꞌhuëtohuachinarahuëꞌ, ichicaꞌpi, ichioꞌopi, inapotopi. Naporahuatonaꞌ, aꞌchintopiso noya nitotopi niꞌton, capa cancantopi.

Nehemías 8:12 ပူးပေါင်းရင်းမြစ်များ

Nehemías 8:10

Ina quëran Istrasëri itapon: “Paatoma noya coshatocoꞌ. Huino shaꞌmoronta oꞌocoꞌ. Naporahuaton aꞌnaquën co manta yaꞌhuëtohuachinahuëꞌ, përaco caꞌpainëmaꞌ, oꞌopainëmaꞌ. Sinioro marëꞌ tahuëri acorëhua niꞌton, inapocoꞌ. Ama sëtatomarahuëꞌ Sinioro yonquiatoma noya cancantocoꞌ. Inasoꞌ, noya aꞌpaiarinpoaꞌ,” itërin.

Nehemías 8:11

Aꞌnapita nihuiroꞌsarintaꞌ, naꞌnëpisopita achinicancanpi: “Ipora tahuërisoꞌ, Sinioro marëꞌ acorëhuaso tahuëri. Napoaton co naꞌcon naꞌcon naꞌnëcamaso yaꞌhuërinhuëꞌ,” itopi.

Nehemías 8:13

Tahuëririnquë Israiro huaꞌanoꞌsasoꞌ, niyontoantapi. Corto huaꞌanoꞌsaꞌ, nihuiroꞌsaꞌ, inapitanta niyontonpi. Istrasërë chachin Yosë quiricanën nontaantapi.

Salmos 119:111

Camaitëransopita quëtëranco niꞌton, huaꞌanëntomiatarahuë. Inapita acapacancaninco niꞌton, napoarahuë.

Salmos 119:130

Quëma nanamën natanpatora, aꞌpintërëso pochin catahuarinco. Apinapichin yonquipisopitantaꞌ, ina natanpachina, yonquínanhuan quëparitapi.

Salmos 119:97

¡Quëma aꞌchinanso Sinioro, paꞌpi nosororahuë! ¡Yaꞌipi tahuëri ina yonquirárahuë!

Jeremías 15:16

Quëma nontohuatancora, paꞌyátërahuë natanaꞌhuasoꞌ. Huaꞌanëntëranco niꞌton, quëma nanamën acapacancamiatërinco. Quëmaso Sinioro Yosënquën, yaꞌipi nanitaparan.

Lucas 24:32

Napohuachina, ninontopi. —Huëcapon pochin Quisoso chachin nontërinpoꞌ. Ma noya Yosë quiricanën aꞌchintërinpoꞌ. ¡Ma noyásha natanë paya! nitopi.

Romanos 7:18

Caora co noyahuëꞌ cancantërahuë. Co nanitërahuëꞌ noya nicaꞌhuasoꞌ. Inachinco. Yosë yanatëpirahuëꞌ, caora co nanitërahuëꞌ natëcaꞌhuasoꞌ.

Apocalipsis 11:10

Tëpapi niꞌton, capa cancantatonaꞌ, pita nisapi. Maꞌshanënantaꞌ topinan aꞌnaya aꞌnaya niquëtapi. “Huaꞌquiꞌ pënënatonpoaꞌ, apininpoaꞌ nipirinhuëꞌ, iporasoꞌ nani chiminpi,” taꞌtonaꞌ, capa cancantapi.