Nehemías 8:10 - Chayahuita (Shahui)

¹⁰ Ina quëran Istrasëri itapon: “Paatoma noya coshatocoꞌ. Huino shaꞌmoronta oꞌocoꞌ. Naporahuaton aꞌnaquën co manta yaꞌhuëtohuachinahuëꞌ, përaco caꞌpainëmaꞌ, oꞌopainëmaꞌ. Sinioro marëꞌ tahuëri acorëhua niꞌton, inapocoꞌ. Ama sëtatomarahuëꞌ Sinioro yonquiatoma noya cancantocoꞌ. Inasoꞌ, noya aꞌpaiarinpoaꞌ,” itërin.

Nehemías 8:10 ပူးပေါင်းရင်းမြစ်များ

1 Reyes 8:66

Tahuëririnquë Saromonsoꞌ, israiroꞌsa nontahuaton, yaꞌhuëpiꞌpaꞌ aꞌparin. Inahuarinta copirno nontahuatonaꞌ, yaꞌhuëpiꞌpaꞌ paantapi. Siniorori Tapi catahuarinsoꞌ yonquipi: “Ma noyacha Siniorori piyapinën catahuarin paya. Canpoantaꞌ, naꞌcon catahuarinpoaꞌ,” topi. Ina yonquiatona capa cancantërëꞌnachin yaꞌhuëpiꞌpaꞌ paantapi.

Nehemías 8:11

Aꞌnapita nihuiroꞌsarintaꞌ, naꞌnëpisopita achinicancanpi: “Ipora tahuërisoꞌ, Sinioro marëꞌ acorëhuaso tahuëri. Napoaton co naꞌcon naꞌcon naꞌnëcamaso yaꞌhuërinhuëꞌ,” itopi.

Nehemías 8:12

Napotohuachinara, inahuaso yaꞌhuëpiquë paꞌsahuatonaꞌ, coshatopi, oꞌopi, napopi. Aꞌnaquëonta co yaꞌhuëtohuachinarahuëꞌ, ichicaꞌpi, ichioꞌopi, inapotopi. Naporahuatonaꞌ, aꞌchintopiso noya nitotopi niꞌton, capa cancantopi.

Salmos 89:17

Tëhuënchachin quëma catahuarancoi niꞌton, chiníquën cancantarai. Naporahuatoi, noya noya yaꞌnoarai. Noya yonquirancoi niꞌton, chini chiníquën nanantarai.

Eclesiastés 11:2

Maꞌsha yaꞌhuëtohuachinquën, ama apiraquësohuëꞌ. Pahuantiinquë huarënta yoꞌquëꞌ. Co nitotërëhuahuëꞌ tashiraya maꞌsha onpocaso niꞌton, inapoquëꞌ.

Eclesiastés 9:7

¡Huëco paꞌahua capa cancantahuaꞌ! Noya coshatahuaꞌ, noya oꞌoahuaꞌ, napoaꞌahuaꞌ. Sacatërëhuaso marëꞌ nani Sinioro noya niꞌninpoaꞌ.

Isaías 49:5

Siniorosoꞌ Yosënëhuë niꞌton, noya nicaꞌhuaso marëꞌ achinirinco. Ina marëꞌ noya niꞌninco. Mamahuë yoꞌnamënquë nicasoco quëran huarëꞌ, ina piyapinën nicaꞌhuaso marëꞌ acorinco. Israiroꞌsa ca quëran Sinioro chachin tahuërëtaantatonaꞌ, imaantacaiso marëꞌ acorinco. Inapitaso Cacopo quëran pipipisopita niꞌtonaꞌ, inapocaiso marëꞌ inapotërinco.

Isaías 61:10

¡Sinioro yonquiato, capa cancantërahuë! Inasoꞌ Yosënëhuë niꞌton, acapacancaninco. Nichaꞌërinco niꞌton, naporahuë. Noꞌtëquën yonquinaꞌpi pochin acorinco. Saꞌanaꞌpi yancotë ayancotopiso pochin ninahuë. Nanonta soꞌyacaso marëꞌ nisha nishaquë nitaparinso pochin ninahuë.

Joel 2:23

Quirosarinquë yaꞌhuëramasopitantaꞌ, capa cancantocoꞌ. Yaꞌipi Cota huëntonquë yaꞌhuëramasopita, noya cancantocoꞌ. Sinioroso Yosënënpoa niꞌton, ina yonquiatoma noya cancantocoꞌ. Ina nohuanton nohuantasëhua chachin oꞌnaantarin. Iráca, tahuërinënquë chachin oꞌnaninso pochin niaantarin.

Lucas 11:41

Cancanëma quëran huarëꞌ saꞌahuaroꞌsaꞌ catahuacoꞌ. Nosorohuatamaꞌ, noyápiachin cancantaramaꞌ.

2 Corintios 8:2

Maꞌsha onpotohuachinara, chiníquën parisitaponaraihuëꞌ, noya cancantopi. Naporahuaton, piꞌpisha yaꞌhuëtopirinahuëꞌ, aꞌnapita imapisopita pahuantohuachinara, naꞌcon coriqui quëtopi.

Filipenses 3:4

“Moisësë pënëntërinsoꞌ noꞌtëquën natërahuë niꞌton, Yosë noya niꞌsarinco,” topi aꞌnaquën. Caso nipirinhuëꞌ naꞌcon naꞌcon natërahuë. Ina marëꞌ Yosë nichaꞌërinpoaꞌ naporini, ca noya noya chaꞌëitohuëꞌ.

Apocalipsis 11:10

Tëpapi niꞌton, capa cancantatonaꞌ, pita nisapi. Maꞌshanënantaꞌ topinan aꞌnaya aꞌnaya niquëtapi. “Huaꞌquiꞌ pënënatonpoaꞌ, apininpoaꞌ nipirinhuëꞌ, iporasoꞌ nani chiminpi,” taꞌtonaꞌ, capa cancantapi.