Nehemías 4:9 - Chayahuita (Shahui)

⁹ Ina natantatoi, catahuaincoiso marëꞌ Yosë nontërai. Naporahuaton tahuëri tashirë chachin aꞌpaitaꞌhuaiso marëꞌ niacorai.

Nehemías 4:9 ပူးပေါင်းရင်းမြစ်များ

Génesis 32:28

Naporoꞌ ina quëmapirisoꞌ itapon: —Co huachi Cacopo itarinënhuëꞌ. Ipora quëran huarëꞌ Israiro itarinën. Yosë chinitëran, piyapiꞌsanta chinitëran. Chinitaton canatëran niꞌton, ina pochin nohuitarinën, itërin.

Nehemías 4:10

Napoin quëran Cota huënton sacatoroꞌsa chachinta napopi: “Naꞌpi pëꞌpëroꞌsa sanpatopi huachi. Paꞌpi notohuaroꞌ naꞌpi yamorinso yaꞌhuëarin. Quiyanta co huachi aꞌcanchináchinhuë cancantërai,” topi.

Nehemías 4:11

Inimicoroꞌsanta napopi: “Yaahuërëhuasoꞌ, ama nitochinasohuëꞌ. Aꞌnanaya yaꞌcontatëhua tiquiaꞌahuaꞌ. Inapotatëhua atananpitahuaꞌ,” topi.

Copo naporinso' 5:12

Aꞌnaquën yonquínahuan niꞌton, aꞌnapita maꞌsha onpotacaisoꞌ yonquipi. Napopipirinahuëꞌ, Yosëso yonqui yonquínahuan niꞌton, yonquipiso tapitarin. Inapotohuachin, co huachi yonquipiso chachin nisapihuëꞌ.

Salmos 33:10

Nisha nisha piyapiroꞌsa maꞌpitaso nicacaisoꞌ yonquipi. Siniorori yaꞌcopihuachina, co yonquipiso nicaponahuëꞌ.

Mateo 26:41

Ama huëꞌëtomahuëꞌ, niꞌtácoꞌ. Yosë nontocoꞌ ama sopai minsëinquëmaso marëhuëꞌ. Cancanëma quëranso mini Yosë yanatëpiramahuëꞌ, co canpitaora chiníquën cancantaramahuëꞌ, itërin.

Lucas 21:36

Napoaton noya cancantatomaꞌ, Yosë nontocoꞌ achinicancainquëmaꞌ chaꞌëcamaso marëꞌ. Yosë quëran caso quëmapico niꞌto, co imapisopitahuëꞌ anaꞌintarahuë. Apira apira Yosë nontohuatamaꞌ, naporoꞌ tahuëri co tapanatomahuëꞌ, noya huaniparamaco,” tënin Quisoso.

1 Pedro 5:8

Sopaisoꞌ inimiconënpoaꞌ. Yacamairinpoaꞌ co noyahuëꞌ nicacaso marëꞌ. Paꞌpiniꞌ yamaninposo pochachin sopai paꞌsarin piyapiꞌsaꞌ minsëcaso marëꞌ. Napoaton noya yonquiatomaꞌ, niꞌsácoꞌ.