Nehemías 4:8 - Chayahuita (Shahui)

⁸ Napopináchin yonquiatona ahuëinacoiso marëꞌ yahuëcapairinacoi. Inapoatona sacatëraisoꞌ, yatapiantapi.

Nehemías 4:8 ပူးပေါင်းရင်းမြစ်များ

Nehemías 1:5

“Quëmasoꞌ Sinioro Yosënquën. Inápaquë yaꞌhuëaton chini chiníquën nanantëran. Paꞌpi huëhuëpiro nininsopita ninan. Nosororinquënsopitarëꞌquën anoyatohuatana, noꞌtëquënáchin catahuaran. Camaitëransopitanta natëhuachinën inapotëran.

Nehemías 4:7

Inapotëraisoꞌ, Sanparato, Topiasë, arapiaroꞌsaꞌ, amonoꞌsaꞌ, asototoroꞌsaꞌ, inapitanta natantopi. Co huachi intoparan yaꞌconacaisohuëꞌ nipachina, naꞌcon naꞌcon noꞌhuitopi.

Jeremías 20:10

Naní quëran pochin tëhuatonaco: “Yaꞌipi parti paꞌyan yaꞌhuërin” itoninaco. Naporahuaton: “Huëco paꞌahua shaꞌhuirapiahuaꞌ,” tosápi. Amiconëhuëpita quëran huarëꞌ tëhuëcaꞌhuaso ninapi. Monatonaco yacanarinaco. “Canarëhua naporini, iꞌhuërëchitërihuahuëꞌ,” topi.

Daniel 9:25

Isonta nitotahuaton, noya yonquiquëꞌ: Quirosarin noya acoantacaiso marëꞌ nanan yoꞌpi quëran, huaꞌan Yosëri huayoninso yaꞌconaquë huarëꞌ, canchisë simana nisahuaton, saota shonca cato simana huaꞌquiapon. Quirosarin pairanën, cachiroꞌsaꞌ, inapita anoyatasoiꞌ, naꞌcon parisitacaisoꞌ yaꞌhuëapon.