Nehemías 4:7 - Chayahuita (Shahui)

⁷ Inapotëraisoꞌ, Sanparato, Topiasë, arapiaroꞌsaꞌ, amonoꞌsaꞌ, asototoroꞌsaꞌ, inapitanta natantopi. Co huachi intoparan yaꞌconacaisohuëꞌ nipachina, naꞌcon naꞌcon noꞌhuitopi.

Nehemías 4:7 ပူးပေါင်းရင်းမြစ်များ

Génesis 3:15

Ca nohuanto sanapi inimicotarinquën. Quëmarinta ina inimicotaran. Quëmá quëran pipipisopitantaꞌ, sanapi quëran pipipisopitarëꞌ niinimicotaponaꞌ. Aꞌna tahuëri sanapi quëran pipirinsoari minsëmiatarinquën. Napoaponahuëꞌ, quëmarinta chiníquën ina aparisitaran, itërin.

Nehemías 2:10

Ina parti cato huaꞌanoꞌsa yaꞌhuëpi: Sanparato, Topiasë, inapita itopisoꞌ. Sanparatosoꞌ Oron piyapi. Yaꞌhuërëꞌ Topiasësoꞌ, Amon piyapi. Inapitasoꞌ israiroꞌsa catahuaꞌhuaso marëꞌ huëꞌsarahuëso natantahuatonaꞌ, paꞌpi noꞌhuitopi.

Nehemías 2:19

Sanparato, Topiasë, inapitaso napoaponahuë nocanatonacoi, tëhuarinacoi: —¿Maꞌcha canpitanta inaquë yaniantarama nicaya? ¡Copirno ipora noꞌhuitomaꞌ, co huachi yanatëantaramahuëꞌ! itërinacoi. Aꞌna huaꞌaontaꞌ, tëhuarincoi. Inaso Arapia piyapi. Quisimo itopi.

Nehemías 4:1

Ninano pairanën acoantaraisoꞌ Sanparato natantahuaton, paꞌpi noꞌhuitërin. Noꞌhuitaton yaatapanincoi.

Nehemías 4:6

Napotápirinacoihuëꞌ, co tananpitëraihuëꞌ. Sacatápatoi huancopitontarai. Yaꞌipiya quëran noya cancantërai niꞌton, napotërai.

Nehemías 4:8

Napopináchin yonquiatona ahuëinacoiso marëꞌ yahuëcapairinacoi. Inapoatona sacatëraisoꞌ, yatapiantapi.

Amós 1:13

Ina quëran Sinioro taantarin: “Amonoꞌsantaꞌ, paꞌpi co noyahuëꞌ nipi. Noꞌpanëna apancanatacaiso marëꞌ ahuëtopi. Inapoatona Carataquë cayoronoꞌsa yaꞌhuërinsoꞌ, yápoipi. Napoaton inapitantaꞌ, anaꞌintaꞌhuaso yaꞌhuërin.

Amós 1:8

Asototo ninanoquë quëmapi huaꞌanëntërinsontaꞌ, ataꞌhuantarahuë. Asocaron ninanoquënta quëmapi huaꞌanëntërinsoꞌ, inapotarahuë. Yaꞌipi chinirahuë quëran, Icoron ninanoquë yaꞌhuëpisopita ahuëarahuë. Co aꞌnaya tëranta huiristino quëmapi chaꞌëponhuëꞌ,” tënin.

Amós 3:9

Ina quëran Sinioro taantarin: “Asototo ninanoquë noyápiachin pëiroꞌsa yaꞌhuërin. Iquipitoquëntaꞌ, noyápiachin pëiroꞌsa yaꞌhuërin. Inaquëpita huaꞌanoꞌsa yaꞌhuërinso shaꞌhuitoncoꞌ: ‘Samaria ninano pirayan motopiroꞌsa yaꞌhuërinquë pacoꞌ. Inaquë mantanta nisapisoꞌ, niꞌconcoꞌ. Itohuara capini maꞌsha nionpotatona niaparisitapisoꞌ, niꞌconcoꞌ.

Hechos 5:33

Cotio huaꞌanoꞌsari natanahuatonaꞌ, chiníquën noꞌhuiantarahuatonaꞌ, yatëpapirinahuëꞌ.

Apocalipsis 12:17

Napoaton sopairi chiníquën noꞌhuirin. Noꞌhuiton, paꞌnin aꞌnapita huaꞌhuinpita ahuëapon. Yosë natëpisopita tëpacaso marëꞌ paꞌnin. Quisoso imasapi niꞌton, aparisitarin.

1 Samuel 11:2

Napotohuachinara, inariso itapon: —Noyapaꞌ. Anoyatahua nipachin. Napoaponahuëꞌ, yaꞌipinquëma inchinan yaꞌpira ocoichinquëmaꞌ. Naporo huarëꞌ canpitarëꞌco anoyatarahuë. Inapotatënquëma atapanaꞌhuanquëmaso marëꞌ napotaranquëmaꞌ, itërin.