Nehemías 4:15 - Chayahuita (Shahui)

¹⁵ Yosë nohuanton, chinotërinacoiso nitotërai. Inahuanta noyá niacorapiraisoꞌ natantopi. Napoaton co huachi ahuërinacoihuëꞌ. Napohuachina yaꞌipicoi sacataantarai.

Nehemías 4:15 ပူးပေါင်းရင်းမြစ်များ

2 Samuel 15:31

Aꞌnari Tapi shaꞌhuitërin: “Aitohuironta Apësaron catahuarin,” itërin. Ina natanaton, inaso Sinioro nontërin: “Aitohuirori maꞌsona nicacasoꞌ, Apësaron ayonquiarin. Ayonquihuachin, quëma nohuanton ama natëinsohuëꞌ,” itërin.

2 Samuel 17:14

Apësaron, Israiro ansianoꞌsaꞌ, inapitaso Osai naporinso natanpi. Ina natanatonaꞌ: “Osaicha, Aitohuiro quëran noya noya pënëninpoa paya,” topi. Aitohuirori noꞌtëquën pënënpirinhuëꞌ, Sinioro nohuanton co ina imapihuëꞌ. Tapiri, Apësaron canacaso marëꞌ naporin.

Nehemías 4:16

Naporo quëran huarëꞌ, patomachin piyapinëhuëpita pairaquë sacatopi. Patoma chachin: Sahuëni, nansa, iscoto, pëꞌchinan, inapita sëꞌquëatona aꞌpaitapi. Huaꞌna cotonsáchin aꞌmomantapi. Huaꞌanoꞌsarinta sacatoroꞌsa noya catahuapi. Naꞌpi pëꞌpëroꞌsanta chiꞌyatapona pochin niyatainpita sacatapi. Yaꞌipi sacatoroꞌsa sahuëninënaꞌ, pëꞌtënpiquëranchin sacatapi. Tronpita camayonta ca pirayan huanirin.

Isaías 44:25

Nonpin nanan pënëntonaꞌpiroꞌsa maꞌsona onpocasoꞌ shaꞌhuihuachinara, ca nohuanton co inachachin nininhuëꞌ. Ninotonoꞌsanta ca nohuanton huaꞌyantopi. Yonquinahuanoꞌsantaꞌ, ca nohuanton itohuara capini nipatëtopi. Nitotopirinahuë tërantaꞌ, napoonin yonquiapi.

Isaías 8:10

Onpo ahuëtamaso yonquihuatamantaꞌ, topinan quëran yonquiaramaꞌ. Maꞌsona nicamasoꞌ nonpatamaꞌ, co napoarinhuëꞌ. Yosëso quiyarëꞌcoi chachin yaꞌhuëarin niꞌton, co inapoaramahuëꞌ.

Marcos 13:34

Aꞌna quëmapi aquë yapaꞌninso pochin nisarin. Yapaꞌpachina, inpriatonënpita camairin. Aꞌnaya aꞌnaya shaꞌhuitërin maꞌsona nicacaiso marëꞌ. Yaꞌcoana toꞌshitonaꞌpintaꞌ shaꞌhuitaton: ‘Pëiꞌ noya niꞌquëꞌ,’ itërin.

Romanos 12:11

Ama chirotomarahuëꞌ, noya sacatocoꞌ. Yaꞌipi cancanëma quëran noya yonquiatomaꞌ, Yosë marëꞌ sacatocoꞌ.

1 Tesalonicenses 4:11

Nani tahuëri yonquicoꞌ sano piyapi nicacamaso marëꞌ. Ama topinan yaꞌhuëcosohuëꞌ. Yaꞌipinquëmaꞌ noya sacatocoꞌ ama pahuanchinquëmasohuëꞌ. Iráca inachachin pënënainquëmaꞌ.