Nehemías 4:11 - Chayahuita (Shahui)

¹¹ Inimicoroꞌsanta napopi: “Yaahuërëhuasoꞌ, ama nitochinasohuëꞌ. Aꞌnanaya yaꞌcontatëhua tiquiaꞌahuaꞌ. Inapotatëhua atananpitahuaꞌ,” topi.

Nehemías 4:11 ပူးပေါင်းရင်းမြစ်များ

2 Samuel 17:2

Canotaton sanpataso chachin ahuëarai. Inapotatoi aꞌpayanarai. Naporoꞌ piyapinënpitarisoꞌ, taꞌananpiponaꞌ. Inapotohuachina tatasáchin tëparahuë.

Nehemías 4:10

Napoin quëran Cota huënton sacatoroꞌsa chachinta napopi: “Naꞌpi pëꞌpëroꞌsa sanpatopi huachi. Paꞌpi notohuaroꞌ naꞌpi yamorinso yaꞌhuëarin. Quiyanta co huachi aꞌcanchináchinhuë cancantërai,” topi.

Nehemías 4:12

Napopirinahuëꞌ, cotioroꞌsa inaquë yaꞌhuëpisopitasoꞌ, apira apira shaꞌhuitiirinacoi: “Itohuaran itohuaran yayaꞌcontatënënquëma yaahuërinënquëmaꞌ,” itiirinacoi.

Nehemías 4:9

Ina natantatoi, catahuaincoiso marëꞌ Yosë nontërai. Naporahuaton tahuëri tashirë chachin aꞌpaitaꞌhuaiso marëꞌ niacorai.

Hechos 23:12

Tahuëririnquë aꞌnaquën cotioroꞌsaꞌ chinotopi Paono tëpacaisoꞌ. “Ama huachi caꞌahuasohuëꞌ. Ama oꞌoahuasohuëꞌ. Paono tëpaquë huarëꞌ caꞌahuaꞌ. Co tëparihuarahuëꞌ caꞌpatëhuaꞌ, Yosë anaꞌinchinpoaꞌ,” nitopi.

Hechos 23:21

Nipirinhuëꞌ, ama natëquësohuëꞌ. Catapini shonca naꞌcon piyapiꞌsari chinotopi tëpacaiso marëꞌ. Poꞌoana quëran ninarapi tëpacaiso marëꞌ. Co huachi coshatapihuëꞌ. Co oꞌosapihuëꞌ. Paono tëpai huarëꞌ coshatacaisoꞌ yonquipi. Iporasoꞌ quëma ninarinën nohuantopiso chachin nitamasoꞌ, itërin.

1 Tesalonicenses 5:2

Iráca shaꞌhuitërinpoasoꞌ nani nitotëramaꞌ. Co nitotasoihuëꞌ, oꞌmantararin. Niꞌcoꞌ iyaroꞌsaꞌ. Yono tashiꞌ co nitotasëhuahuëꞌ, ihuatonaꞌpi pëinënpoaquë yaꞌconin. Inapochachin aꞌnanaya Quisocristo oꞌmantararin.