Nehemías 2:20 - Chayahuita (Shahui)

²⁰ Tëhuapirinacoihuëꞌ: —Yosë inápaquë huaꞌanëntërinsoꞌ, catahuararincoi noya sacatarai. Quiyasoꞌ ina piyapinënpitacoi niꞌtoi, Quirosarin ninano anoyataantarai. Canpitaso nisharoꞌsanquëmaꞌ. Co yaꞌcopitamaso yaꞌhuërinhuëꞌ, itërahuë.

Nehemías 2:20 ပူးပေါင်းရင်းမြစ်များ

Nehemías 1:4

Ina natanato paꞌpi sëtërahuë. Huënsërahuë quëran naꞌnëmiatërahuë. Naporahuato, naꞌa tahuëri co coshatatorahuëꞌ, Yosë nontërahuë:

Salmos 122:6

Quirosarinquë sano yaꞌhuëcaiso marëꞌ Yosë nontocoꞌ. Quirosarin paꞌyatërëhuasopitasoꞌ, noya yaꞌhuëaꞌahuaꞌ.

Salmos 51:18

Quirosarin ninano nosoroantaquëꞌ. Pairanën ohuatopisoꞌ noya acoantaquëꞌ.

Hechos 10:31

Yaꞌnotirahuatonco, itërinco: “Cornirio, quëmasoꞌ naꞌcon Yosë nontëran, nataninquën. Saꞌahuaroꞌsaꞌ nosoroaton, maꞌsha quëtëran. Ina marëꞌ Yosë noya yonquirinquën.

Hechos 10:4

Anquëni niꞌsahuaton, paꞌpi tëꞌhuatërin. —¿Maꞌtaꞌ sinioro nohuantëran? itërin. —Quëmasoꞌ naꞌcon Yosë nontëran, nataninquën. Saꞌahuaroꞌsaꞌ nosoroaton, maꞌsha topinan quëtëran. Ina marëꞌ noya yonquirinquën.

Hechos 8:21

Co yaꞌipi cancanën quëran imaranhuëꞌ niꞌton, co Yosë noya niꞌninquënhuëꞌ.